JW subtitle extractor

!Welkam long apdet blong yumi!
?Yu yu glad long anuel miting blong 2023?
Yu tingbaot ol save we yumi lanem
long saed blong Jehova
olsem “Jaj Blong Olgeta Man Long Wol”?
Yumi lanem se from fasin sore blong Jehova,
samfala we oli ded long taem blong Noa,
long taem blong Sodom mo Gomora,
mo olgeta we oli tanem tingting blong olgeta
long taem blong bigfala trabol,
maet bambae oli save laef.
Afta long tok ya,
?yu bin tingting dip plante
long saed blong fasin sore blong Jehova?
Yes, Hed Kampani tu i stap tingbaot.
Taem mifala i stadi, tingting dip,
mo storian gud long saed ya,
mifala i tingbaot olsem wanem Jehova
i dil wetem olgeta we oli mekem bigfala sin.
So long apdet ya,
bae yumi tokbaot smol olsem wanem
Jehova i dil wetem ol man olsem bifo.
Biaen, bae yumi tokbaot sam niufala save,
olsem wanem yumi save dil wetem olgeta
we oli mekem bigfala sin long kongregesen.
Seken Pita 3:9 i talem se,
Jehova “i no wantem se wan man i ded,
hem i wantem se olgeta man
oli tanem tingting blong olgeta.”
?Yumi lanem wanem long vas ya?
Yes, Jehova i wantem se olgeta man
oli tanem tingting mo kasem laef.
Taem Adam mo Iv oli rebel,
oli pasem sin mo ded
i kam long yumi evriwan long wol.
Ale, ?Jehova i mekem wanem?
Kwiktaem nomo, hem i tekem aksen
blong halpem yumi
we yumi kamaot biaen long Adam
blong kasem laef.
Hem i yusum sakrefaes blong Jisas,
blong hem i save fogivim ol sin blong ol man
we oli bilif mo oli tanem tingting.
Nao olgeta ya,
oli save kasem laef olwe.
So yumi no sapraes
taem yumi ridim long Baebol se
Jehova i wantem tumas se
ol sinman oli tanem tingting.
Hem wantem tumas se
oli kambak bakegen long trufala wosip.
Hemia i joen gud wetem Rom 2:4, we i se:
“God i kaen tumas, mo i no save kros kwik,
mo tingting blong hem i longfala.
?Be olsem wanem?
?Maet yu yu ting nating
long ol gudfala fasin ya blong hem,
from we yu no save se hem i kaen long yu,
mo i traem blong pulum yu
blong yu tanem tingting blong yu?”
Hemia sam eksampol we Jehova
i soemaot se hem i wantem tumas
se ol sinman oli tanem tingting.
Taem Ken i soem se
hem i no laekem nating brata blong hem Ebel,
Jehova i tekem aksen
blong traem givhan long hem.
Taem Deved i sin,
Jehova i yusum profet Natan
blong pulum hem blong tanem tingting.
?Mo olsem wanem long nesen blong Isrel?
Jehovah i gohed blong rimaendem olgeta,
nating se oli no wantem tanem tingting.
Long Esikel 33:11,
Jehova i talem long nesen blong Isrel se:
“Long nem blong mi we mi laef i stap,
mi mi no glad taem wan rabis man i ded,
be mi glad moa taem wan rabis man
i jenisim ol fasin blong hem
mo i gohed blong stap laef.
O haos blong Isrel,
tanemraon, tanemraon
mo lego ol nogud fasin blong yufala,
?from wanem yufala i mas ded?”’
?Yumi lanem wanem long vas ya?
Nating se Jehova i no fosem wan man
blong i tanem tingting,
be hem i soemaot
se hem i gat bigfala sore long yumi ol sinman.
Hem i mekem bigfala samting blong save fogivim yumi,
we i soemaot se hem i wantem tumas
we ol sinman oli tanem tingting blong olgeta.
!Yes, yumi glad blong wosipim
God ya we i gat bigfala sore!
Hed Kampani i tingting dip
long fasin sore blong Jehova,
blong i save soemaot fasin ya tu
long olgeta we oli mekem
bigfala sin long kongregesen.
Taswe, save blong yumi
long tri vas blong Baebol i kam klia moa.
Bae yumi luk faswan vas.
Hemia 2 Timoti 2:24, 25.
Pol i talem se:
“Be wan slef blong Masta i no mas faet,
hem i mas kaen long evriwan,
mo hem i mas naf blong tijim ol man.
. . . hem i mas bos long tingting blong hem.
Hem i mas wan man we i save
stretem ol man we oli agensem hem,
long fasin we i kwaet nomo.
Maet God bambae i givim janis long ol man ya,
blong oli tanem tingting blong olgeta,
blong oli gat stret save long trutok.”
So ?hu ya “ol man we oli agensem hem”
we aposol Pol i tokbaot long vas ya?
Wan stadi not blong 2 Timoti 2:25 i eksplenem se:
“Pol i yusum wan Grik tok long ples ya
blong tokbaot ol man we oli blokem ol Kristin tijing
o we oli agensem ol tijing ya.
Maet Pol i stap tingbaot
samfala insaed long kongregesen blong Efesas
we oli gat nogud tingting
long saed blong ol advaes blong Baebol
o oli no wantem obei
long ol brata we oli stap lidim olgeta.”
Tede, hemia i save minim
ol brata sista long kongregesen
we oli no wantem folem ol advaes blong Baebol
mo oli mekem wan bigfala sin.
Wan we i mekem wan bigfala sin,
i nidim we ol elda oli givhan long hem,
taswe wan komiti blong ol elda i mas mit wetem hem.
Mo mak blong ol elda ya
i no blong faenemaot nomo se
brata o sista ya i tanem tingting,
be tu, oli mas folem advaes blong 2 Timoti 2:24, 25.
Ol elda oli mas stretem
mo givim advaes long hem long kwaet fasin.
?From wanem i impoten?
Makem samting we wan nara stadi not
long 2 Timoti 2:25 i talem.
“Taem wan Kristin elda i stretem
‘olgeta we oli agensem hem’
long kwaet fasin,
maet hem i save tanem tingting
o ‘jenisim tingting’ blong hem.
I no man we i mekem se gudfala frut i kamaot taem
wan i jenisim tingting mo fasin blong hem.
Be Jehova nao i halpem hem blong mekem ol jenis ya.
Pol i tokbaot sam moa gudfala frut
taem wan i tanem tingting,
hemia se hem i kasem save moa
long stret save blong trutok,
i halpem hem blong gat gudfala tingting bakegen,
mo hem i naf blong ronwe long ol trap blong Devel.”
So mak blong ol elda
i blong pulum wan we i mekem sin,
blong i tanem tingting.
?Olsem wanem save blong yumi
long vas blong 2 Timoti 2:24, 25
i kam klia moa tede?
Fastaem, taem wan i mekem sin,
komiti blong ol elda i mit wetem hem wantaem nomo.
Be naoia, Hed Kampani i tekem desisen se
komiti i save jus blong mit wetem hem bitim wan taem.
?From wanem?
Long Revelesen 2:21,
Jisas i tokbaot “woman ya Jesebel” se:
‘Mi givim taem long hem blong i tanem tingting.’
Yumi hop se wetem help blong ol elda,
bambae Jehova i givhan
long wan Kristin we i lusum rod
blong i gat gudfala tingting bakegen mo kambak.
Sipos hem i tanem tingting,
komiti bae i givhan long hem
blong hem i save ronwe long ol trap blong Setan
mo blong hem i save stret rod blong folem.
Hemia nao sem samting we Jehova i mekem bifo
blong halpem Deved mo nesen blong Isrel
blong oli tanem tingting blong olgeta.
Be, ?olsem wanem long ol pikinini
we oli no kasem 18 yia yet,
mo we oli mekem wan bigfala sin?
Plan we yumi stap folem fastaem,
hemia se wan komiti blong ol elda
i mas mit wetem pikinini ya
mo Kristin perens blong hem.
Be naoia, tu elda nomo bambae i mit wetem pikinini ya
mo papa mama blong hem.
Ol elda bambae oli faenemaot samting
we ol perens oli mekem finis
blong halpem pikinini blong olgeta blong kambak.
Sipos pikinini ya i soemaot se
hem i stap folem advaes blong perens,
maet tufala elda ya
bambae oli jus blong no moa gohed
blong dil wetem kes ya.
Nating se i olsem,
ol elda bambae oli gohed yet blong jekem se
papa mama i stap givim samting we pikinini ya i nidim.
Be nao,
?olsem wanem sipos wan pikinini
i no wantem nating blong tanem tingting blong hem?
Long situesen ya,
wan komiti blong ol elda bae i mit wetem hem
mo Kristin perens blong hem.
Ol niufala arenjmen ya i soemaot se
Jehova i wantem tumas se
olgeta we oli mekem bigfala sin, oli tanem tingting.
Hem i wantem se ‘oli gat gudfala tingting bakegen
mo ronwe long trap blong Devel.’
“Hem i no wantem se wan man i ded,
hem i wantem se olgeta man
oli tanem tingting blong olgeta.”
Naoia bae yumi tokbaot seken vas.
Hemia 1 Korin 5:13, we i talem se:
“Putumaot rabis man,
blong hem i no stap long medel blong yufala.”
Baebol i tijim klia se
olgeta we oli no wantem tanem tingting,
kongregesen i mas putumaot olgeta.
Mo hemia i olsem from we
hem nomo i jusum se bae i olsem.
?From wanem?
From we hem no wantem nating blong lesin
long ol advaes we ol elda
oli stap gohed blong givim long hem
blong halpem hem.
Nating se ol elda oli tekem desisen
blong putumaot hem long kongregesen,
be hemia i no min se i finis long ples ya.
Komiti bambae i eksplenem
samting we hem i save mekem
blong kambak bakegen long kongregesen.
Be i no hemia nomo,
bae ol elda oli eksplenem tu long hem se
sam manis afta,
bae oli mit wetem hem bakegen,
blong luk sipos hem i jenisim tingting blong hem.
Sipos hem i glad blong mit wetem olgeta,
bae oli halpem hem blong tanem tingting
mo blong i save kambak bakegen long trutok.
Nao, ?olsem wanem long olgeta we
oli disfelosip longtaem finis,
maet blong plante yia bifo?
Samfala maet oli fogetem finis
risen from wanem oli disfelosip.
Maet oli lego finis ol nogud fasin blong olgeta,
Taswe, Hed Kampani i tekem desisen
se ol elda oli mas visitim olgeta ya,
prea wetem olgeta,
mo givhan long olgeta blong
oli kambak bakegen long kongregesen.
Sipos wan i lego kongregesen blong plante yia finis,
i sua se hem i no moa frengud wetem Jehova.
From samting ya, sipos hem i glad,
ol elda oli save mekem plan blong stadi Baebol wetem hem,
nating se hem i no kambak yet.
Mo hem tu,
hem i mas wantem blong kambak long kongregesen,
mo ol elda nao bae oli mekem plan
blong stadi Baebol wetem hem.
Yumi wantem folem fasin sore
we Jehova i gat long ol sinman,
taswe yumi traehad
blong halpem plante we oli lego trutok,
blong save se doa i open yet
blong oli save kambak long kongregesen.
Sipos yu yu wan we yu disfelosip
mo yu stap wajem apdet ya,
mifala i wantem se yu akseptem help blong ol elda
blong kambak bakegen long kongregesen.
Sipos yu no save ol elda long ples we yu laef long hem,
plis no fraet blong go
long Haos Kingdom klosap long yu
mo askem ol elda blong oli save halpem yu.
Jehova i wantem se yu kambak hom,
mo mifala tu.
Folem advaes we i stap long vas blong 1 Korin 5:11,
taem kongregesen i putumaot wan brata o sista,
yumi “stop blong joen” wetem hem,
yumi “no mas kakae wetem man olsem.”
Hemia i min se yumi no kampani wetem olgeta
we kongregesen i putumaot olgeta.
Nating se i olsem,
wan Kristin i save invaetem wan we i disfelosip
blong kam joen long wan miting blong kongregesen.
Maet hemia we i disfelosip i wan famle,
i wan we yumi stadi wetem hem bifo,
o i wan we yumi frengud wetem hem bifo.
!Jenis ya i kamaot long stret taem,
speseli taem yumi stap rere
from impoten miting blong yia ya,
Memoriol,
we bae i stap
long Sande, Maj 24!
?Olsem wanem sipos
wan we i disfelosip, i kam long wan miting?
Fastaem, taem yumi luk wan we i disfelosip,
yumi no stap talem halo long hem
taem hem i kam long ol miting.
Be naoia, Hed Kampani i tekem desisen se
ol pablisa oli save yusum tingting blong olgeta
we oli trenem folem Baebol,
blong jus sipos oli wantem talem halo nomo
mo welkamem hem
taem hem i kam long wan miting blong yumi.
Halo.
Mi glad blong yu bakegen.
Tangkiu.
I tru se yumi save toktok smol wetem hem
blong welkamem hem,
be yumi lukaot blong
no spenem plante taem wetem hem.
Naoia bae yumi tokbaot namba tri vas.
Hemia 2 Jon 9-11,
i talem se:
“Man we i gohed blong folem tijing blong Kraes,
Papa mo Pikinini tufala i glad long hem.
Sipos wan man i kam long yufala,
be hem i tijim yufala long ol samting
we oli no laenap wetem samting we Kraes i tijim,
yufala i no mas tekem hem
i go insaed long haos blong yufala,
mo yufala i no mas talem halo long hem,
from we man we i talem halo long man olsem,
hem i stap joen long ol rabis wok blong hem.”
?Be i tru se 2 Jon 9-11 i se
yumi no mas talem halo nating
long wan we kongregesen i putumaot hem?
Folem ol vas raonabaot we yumi ridim,
Hed Kampani i faenemaot se
aposol Jon i stap tokbaot ol apostasi nomo
mo olgeta we oli stap gohed
blong leftemap ol rabis fasin.
From samting ya,
i stret nomo we Jon i talem strong
long ol Kristin blong oli no mas talem halo nating
long ol rabis man olsem.
Taswe, sipos wan we i disfelosip,
hem i wan we i wan apostasti
o i stap gohed blong leftemap rabis fasin,
bambae ol elda oli no visitim hem.
Mo ol Kristin tu oli no mas talem halo long hem
o invaetem hem blong joen long ol miting blong yumi.
Long apdet ya,
yumi luk se Jehova i wantem se
olgeta we oli mekem bigfala sin oli kambak
mo save blong yumi i kam klia moa long tri vas,
we i givhan long yumi
blong dil wetem olgeta we oli mekem sin.
Folem vas blong 2 Timoti 2:24,25,
mak blong wan komiti blong ol elda
i blong stretem wan we i mekem sin
mo givhan long hem blong tanem tingting
mo kambak bakegen long trutok.
Folem vas blong 1 Korin 5:13,
wan man we i no wantem tanem tingting,
kongregesen i mas putumaot hem.
Nating se i olsem,
bambae komiti i gohed yet
blong halpem hem blong kambak,
mo bae oli mekem plan
blong mit wetem hem bakegen
sam manis afta.
Mo tu folem niufala save long 2 Jon 9-11,
yumi lanem se ol disfelosip long vas ya
i minim ol apostasi nomo
mo olgeta we oli stap gohed
blong leftemap ol rabis fasin.
Be i no minim evriwan
we kongregesen i putumaot.
Stat long taem we Adam mo Iv i sin,
Jehova i gohed blong halpem ol man
blong tanem tingting blong olgeta.
Be hemia i no min se
Jehova i agri long sin we wan man i mekem,
mo i stap blokem frut we i kamaot
from ol rabis fasin blong hem, nogat.
Yet, from lav we Jehova i gat long ol man olsem,
hem i wantem yet se oli kambak long hem.
Hem i no wantem se oli lus,
taswe hem i wantem tumas se oli tanem tingting.
Ol elda oli gat privilej ya blong wok wetem Jehova,
blong halpem olgeta we oli mekem sin
blong oli tanem tingting.
Bambae lav we yumi gat long Jehova
i kam bigwan moa,
Taem yumi tingting dip long lav we hem i gat
mo bigfala fasin sore blong hem.
Bambae yufala i glad blong save se
ol samting we yumi tokbaot long apdet ya
bambae oli kamaot tu long sam atikol
blong Wajtaoa we yumi stap stadi long hem.
Mo tu, ol elda bambae
oli kasem moa save long saed ya
mo olsem wanem blong folem.
Bambae Jehova i blesem yumi
taem yumi folem ol daereksen ya
we i soemaot lav blong hem mo fasin sore.
Bifo we yumi finis,
Hed Kampani i askem mi
blong ridimaot anaonsmen ya long yufala:
“Hed Kampani i tekem desisen se
ol sista oli save jusum blong werem
longfala traosis blong ol woman
we i stret long wok blong prij,
long ol Kristin miting,
mo long ol asembli blong yumi.
Sipos wan sista i wantem werem wan traosis olsem,
hem i mas meksua se traosis ya i stret,
i soem respek mo i no pulum ae.
“Taem sista i gat wan haf long miting o long asembli,
hem i mas werem wan sket o dres,
sipos hemia i fasin blong dresap long ples ya.
I tru, sam sista oli save jusum
blong werem wan sket o dres
nating se oli no gat wan haf long program.
Mo tu, ol brata oli save jusum
blong no werem nektae o kot
taem oli stap long wok blong prij,
taem oli joen long ol Kristin miting,
mo long ol defren asembli blong yumi.
Sipos wan brata i jus blong no werem wan nektae
o wan kot long taem ya,
hem i mas dresap long wan fasin we i stret,
i soem respek, mo i no pulum ae.
“Taem wan brata i gat wan haf long program,
hem i mas werem nektae o kot
sipos hemia i fasin blong dresap long ples ya.
I tru, sam brata oli save jusum
blong werem nektae o kot
nating se oli no gat wan haf long program.
Long taem blong visitim Betel,
ol brata oli mas werem wan nektae o wan kot,
mo ol sista oli mas werem wan sket o wan dres
sipos hemia i fasin blong dresap long ples ya.”
!Mifala i lavem yufala tumas!
Long Wol Hedkwota blong Ol Witnes blong Jehova,
hemia hem i JW Brodkasting®.

2024 Hed Kampani Apdet #2
- 

2024 Hed Kampani Apdet #2

!Welkam long apdet blong yumi!
?Yu yu glad long anuel miting blong 2023?
Yu tingbaot ol save we yumi lanem
long saed blong Jehova
olsem “Jaj Blong Olgeta Man Long Wol”?
Yumi lanem se from fasin sore blong Jehova,
samfala we oli ded long taem blong Noa,
long taem blong Sodom mo Gomora,
mo olgeta we oli tanem tingting blong olgeta
long taem blong bigfala trabol,
maet bambae oli save laef.
Afta long tok ya,
?yu bin tingting dip plante
long saed blong fasin sore blong Jehova?
Yes, Hed Kampani tu i stap tingbaot.
Taem mifala i stadi, tingting dip,
mo storian gud long saed ya,
mifala i tingbaot olsem wanem Jehova
i dil wetem olgeta we oli mekem bigfala sin.
So long apdet ya,
bae yumi tokbaot smol olsem wanem 
Jehova i dil wetem ol man olsem bifo.
Biaen, bae yumi tokbaot sam niufala save,
olsem wanem yumi save dil wetem olgeta
we oli mekem bigfala sin long kongregesen.
Seken Pita 3:9 i talem se,
Jehova “i no wantem se wan man i ded,
hem i wantem se olgeta man
oli tanem tingting blong olgeta.”
?Yumi lanem wanem long vas ya?
Yes, Jehova i wantem se olgeta man
oli tanem tingting mo kasem laef.
Taem Adam mo Iv oli rebel,
oli pasem sin mo ded
i kam long yumi evriwan long wol.
Ale, ?Jehova i mekem wanem?
Kwiktaem nomo, hem i tekem aksen
blong halpem yumi
we yumi kamaot biaen long Adam
blong kasem laef.
Hem i yusum sakrefaes blong Jisas,
blong hem i save fogivim ol sin blong ol man
we oli bilif mo oli tanem tingting.
Nao olgeta ya,
oli save kasem laef olwe.
So yumi no sapraes 
taem yumi ridim long Baebol se
Jehova i wantem tumas se 
ol sinman oli tanem tingting.
Hem wantem tumas se
oli kambak bakegen long trufala wosip. 
Hemia i joen gud wetem Rom 2:4, we i se:
“God i kaen tumas, mo i no save kros kwik,
mo tingting blong hem i longfala.
?Be olsem wanem?
?Maet yu yu ting nating
long ol gudfala fasin ya blong hem, 
from we yu no save se hem i kaen long yu,
mo i traem blong pulum yu
blong yu tanem tingting blong yu?”
Hemia sam eksampol we Jehova
i soemaot se hem i wantem tumas
se ol sinman oli tanem tingting.
Taem Ken i soem se
hem i no laekem nating brata blong hem Ebel,
Jehova i tekem aksen
blong traem givhan long hem.
Taem Deved i sin,
Jehova i yusum profet Natan
blong pulum hem blong tanem tingting.
?Mo olsem wanem long nesen blong Isrel?
Jehovah i gohed blong rimaendem olgeta,
nating se oli no wantem tanem tingting.
Long Esikel 33:11,
Jehova i talem long nesen blong Isrel se:
“Long nem blong mi we mi laef i stap,
mi mi no glad taem wan rabis man i ded,
be mi glad moa taem wan rabis man
i jenisim ol fasin blong hem 
mo i gohed blong stap laef.
O haos blong Isrel,
tanemraon, tanemraon
mo lego ol nogud fasin blong yufala,
?from wanem yufala i mas ded?”’
?Yumi lanem wanem long vas ya?
Nating se Jehova i no fosem wan man
blong i tanem tingting,
be hem i soemaot
se hem i gat bigfala sore long yumi ol sinman.
Hem i mekem bigfala samting blong save fogivim yumi,
we i soemaot se hem i wantem tumas
we ol sinman oli tanem tingting blong olgeta.
!Yes, yumi glad blong wosipim
God ya we i gat bigfala sore!
Hed Kampani i tingting dip
long fasin sore blong Jehova,
blong i save soemaot fasin ya tu
long olgeta we oli mekem 
bigfala sin long kongregesen.
Taswe, save blong yumi 
long tri vas blong Baebol i kam klia moa.
Bae yumi luk faswan vas.
Hemia 2 Timoti 2:24, 25.
Pol i talem se:
“Be wan slef blong Masta i no mas faet,
hem i mas kaen long evriwan,
mo hem i mas naf blong tijim ol man.
. . . hem i mas bos long tingting blong hem.
Hem i mas wan man we i save
stretem ol man we oli agensem hem,
long fasin we i kwaet nomo.
Maet God bambae i givim janis long ol man ya,
blong oli tanem tingting blong olgeta,
blong oli gat stret save long trutok.”
So ?hu ya “ol man we oli agensem hem”
we aposol Pol i tokbaot long vas ya?
Wan stadi not blong 2 Timoti 2:25 i eksplenem se:
“Pol i yusum wan Grik tok long ples ya
blong tokbaot ol man we oli blokem ol Kristin tijing
o we oli agensem ol tijing ya.
Maet Pol i stap tingbaot
samfala insaed long kongregesen blong Efesas
we oli gat nogud tingting
long saed blong ol advaes blong Baebol
o oli no wantem obei
long ol brata we oli stap lidim olgeta.”
Tede, hemia i save minim 
ol brata sista long kongregesen
we oli no wantem folem ol advaes blong Baebol
mo oli mekem wan bigfala sin.
Wan we i mekem wan bigfala sin,
i nidim we ol elda oli givhan long hem,
taswe wan komiti blong ol elda i mas mit wetem hem.
Mo mak blong ol elda ya
i no blong faenemaot nomo se 
brata o sista ya i tanem tingting,
be tu, oli mas folem advaes blong 2 Timoti 2:24, 25.
Ol elda oli mas stretem
mo givim advaes long hem long kwaet fasin.
?From wanem i impoten?
Makem samting we wan nara stadi not
long 2 Timoti 2:25 i talem.
“Taem wan Kristin elda i stretem
‘olgeta we oli agensem hem’
long kwaet fasin,
maet hem i save tanem tingting
o ‘jenisim tingting’ blong hem.
I no man we i mekem se gudfala frut i kamaot taem
wan i jenisim tingting mo fasin blong hem.
Be Jehova nao i halpem hem blong mekem ol jenis ya.
Pol i tokbaot sam moa gudfala frut
taem wan i tanem tingting,
hemia se hem i kasem save moa 
long stret save blong trutok,
i halpem hem blong gat gudfala tingting bakegen,
mo hem i naf blong ronwe long ol trap blong Devel.”
So mak blong ol elda
i blong pulum wan we i mekem sin,
blong i tanem tingting.
?Olsem wanem save blong yumi 
long vas blong 2 Timoti 2:24, 25
i kam klia moa tede?
Fastaem, taem wan i mekem sin,
komiti blong ol elda i mit wetem hem wantaem nomo.
Be naoia, Hed Kampani i tekem desisen se
komiti i save jus blong mit wetem hem bitim wan taem.
?From wanem?
Long Revelesen 2:21,
Jisas i tokbaot “woman ya Jesebel” se:
‘Mi givim taem long hem blong i tanem tingting.’
Yumi hop se wetem help blong ol elda,
bambae Jehova i givhan 
long wan Kristin we i lusum rod
blong i gat gudfala tingting bakegen mo kambak.
Sipos hem i tanem tingting,
komiti bae i givhan long hem
blong hem i save ronwe long ol trap blong Setan
mo blong hem i save stret rod blong folem.
Hemia nao sem samting we Jehova i mekem bifo
blong halpem Deved mo nesen blong Isrel
blong oli tanem tingting blong olgeta.
Be, ?olsem wanem long ol pikinini
we oli no kasem 18 yia yet,
mo we oli mekem wan bigfala sin?
Plan we yumi stap folem fastaem,
hemia se wan komiti blong ol elda
i mas mit wetem pikinini ya 
mo Kristin perens blong hem.
Be naoia, tu elda nomo bambae i mit wetem pikinini ya
mo papa mama blong hem.
Ol elda bambae oli faenemaot samting 
we ol perens oli mekem finis
blong halpem pikinini blong olgeta blong kambak.
Sipos pikinini ya i soemaot se
hem i stap folem advaes blong perens,
maet tufala elda ya
bambae oli jus blong no moa gohed
blong dil wetem kes ya.
Nating se i olsem,
ol elda bambae oli gohed yet blong jekem se
papa mama i stap givim samting we pikinini ya i nidim.
Be nao,
?olsem wanem sipos wan pikinini
i no wantem nating blong tanem tingting blong hem?
Long situesen ya,
wan komiti blong ol elda bae i mit wetem hem
mo Kristin perens blong hem.
Ol niufala arenjmen ya i soemaot se
Jehova i wantem tumas se
olgeta we oli mekem bigfala sin, oli tanem tingting.
Hem i wantem se ‘oli gat gudfala tingting bakegen
mo ronwe long trap blong Devel.’
“Hem i no wantem se wan man i ded,
hem i wantem se olgeta man
oli tanem tingting blong olgeta.”
Naoia bae yumi tokbaot seken vas.
Hemia 1 Korin 5:13, we i talem se:
“Putumaot rabis man,
blong hem i no stap long medel blong yufala.”
Baebol i tijim klia se
olgeta we oli no wantem tanem tingting,
kongregesen i mas putumaot olgeta.
Mo hemia i olsem from we
hem nomo i jusum se bae i olsem.
?From wanem?
From we hem no wantem nating blong lesin
long ol advaes we ol elda 
oli stap gohed blong givim long hem
blong halpem hem.
Nating se ol elda oli tekem desisen
blong putumaot hem long kongregesen,
be hemia i no min se i finis long ples ya.
Komiti bambae i eksplenem
samting we hem i save mekem
blong kambak bakegen long kongregesen.
Be i no hemia nomo,
bae ol elda oli eksplenem tu long hem se
sam manis afta,
bae oli mit wetem hem bakegen,
blong luk sipos hem i jenisim tingting blong hem.
Sipos hem i glad blong mit wetem olgeta,
bae oli halpem hem blong tanem tingting
mo blong i save kambak bakegen long trutok.
Nao, ?olsem wanem long olgeta we
oli disfelosip longtaem finis,
maet blong plante yia bifo?
Samfala maet oli fogetem finis 
risen from wanem oli disfelosip.
Maet oli lego finis ol nogud fasin blong olgeta,
Taswe, Hed Kampani i tekem desisen
se ol elda oli mas visitim olgeta ya,
prea wetem olgeta,
mo givhan long olgeta blong 
oli kambak bakegen long kongregesen.
Sipos wan i lego kongregesen blong plante yia finis,
i sua se hem i no moa frengud wetem Jehova.
From samting ya, sipos hem i glad,
ol elda oli save mekem plan blong stadi Baebol wetem hem,
nating se hem i no kambak yet.
Mo hem tu,
hem i mas wantem blong kambak long kongregesen,
mo ol elda nao bae oli mekem plan
blong stadi Baebol wetem hem.
Yumi wantem folem fasin sore
we Jehova i gat long ol sinman,
taswe yumi traehad 
blong halpem plante we oli lego trutok,
blong save se doa i open yet
blong oli save kambak long kongregesen.
Sipos yu yu wan we yu disfelosip
mo yu stap wajem apdet ya,
mifala i wantem se yu akseptem help blong ol elda
blong kambak bakegen long kongregesen.
Sipos yu no save ol elda long ples we yu laef long hem,
plis no fraet blong go
long Haos Kingdom klosap long yu
mo askem ol elda blong oli save halpem yu.
Jehova i wantem se yu kambak hom,
mo mifala tu.
Folem advaes we i stap long vas blong 1 Korin 5:11,
taem kongregesen i putumaot wan brata o sista,
yumi “stop blong joen” wetem hem,
yumi “no mas kakae wetem man olsem.”
Hemia i min se yumi no kampani wetem olgeta
we kongregesen i putumaot olgeta.
Nating se i olsem,
wan Kristin i save invaetem wan we i disfelosip
blong kam joen long wan miting blong kongregesen.
Maet hemia we i disfelosip i wan famle,
i wan we yumi stadi wetem hem bifo,
o i wan we yumi frengud wetem hem bifo.
!Jenis ya i kamaot long stret taem,
speseli taem yumi stap rere 
from impoten miting blong yia ya,
Memoriol,
we bae i stap 
long Sande, Maj 24!
?Olsem wanem sipos
 wan we i disfelosip, i kam long wan miting?
Fastaem, taem yumi luk wan we i disfelosip,
yumi no stap talem halo long hem
taem hem i kam long ol miting.
Be naoia, Hed Kampani i tekem desisen se
ol pablisa oli save yusum tingting blong olgeta 
we oli trenem folem Baebol,
blong jus sipos oli wantem talem halo nomo
mo welkamem hem
 taem hem i kam long wan miting blong yumi.
Halo.
Mi glad blong yu bakegen.
Tangkiu.
I tru se yumi save toktok smol wetem hem
blong welkamem hem,
be yumi lukaot blong 
no spenem plante taem wetem hem.
Naoia bae yumi tokbaot namba tri vas.
Hemia 2 Jon 9-11,
i talem se:
“Man we i gohed blong folem tijing blong Kraes,
Papa mo Pikinini tufala i glad long hem.
Sipos wan man i kam long yufala,
be hem i tijim yufala long ol samting
we oli no laenap wetem samting we Kraes i tijim,
yufala i no mas tekem hem
 i go insaed long haos blong yufala,
mo yufala i no mas talem halo long hem,
from we man we i talem halo long man olsem,
hem i stap joen long ol rabis wok blong hem.”
?Be i tru se 2 Jon 9-11 i se
yumi no mas talem halo nating
long wan we kongregesen i putumaot hem?
Folem ol vas raonabaot we yumi ridim,
Hed Kampani i faenemaot se
aposol Jon i stap tokbaot ol apostasi nomo 
mo olgeta we oli stap gohed 
blong leftemap ol rabis fasin.
From samting ya,
i stret nomo we Jon i talem strong
long ol Kristin blong oli no mas talem halo nating
long ol rabis man olsem.
Taswe, sipos wan we i disfelosip,
hem i wan we i wan apostasti
o i stap gohed blong leftemap rabis fasin,
bambae ol elda oli no visitim hem.
Mo ol Kristin tu oli no mas talem halo long hem
o invaetem hem blong joen long ol miting blong yumi.
Long apdet ya,
yumi luk se Jehova i wantem se
olgeta we oli mekem bigfala sin oli kambak
mo save blong yumi i kam klia moa long tri vas,
we i givhan long yumi
blong dil wetem olgeta we oli mekem sin.
Folem vas blong 2 Timoti 2:24,25,
mak blong wan komiti blong ol elda
i blong stretem wan we i mekem sin
mo givhan long hem blong tanem tingting
mo kambak bakegen long trutok.
Folem vas blong 1 Korin 5:13,
wan man we i no wantem tanem tingting,
kongregesen i mas putumaot hem.
Nating se i olsem,
bambae komiti i gohed yet 
blong halpem hem blong kambak,
mo bae oli mekem plan 
blong mit wetem hem bakegen
sam manis afta.
Mo tu folem niufala save long 2 Jon 9-11,
yumi lanem se ol disfelosip long vas ya
i minim ol apostasi nomo
mo olgeta we oli stap gohed
blong leftemap ol rabis fasin. 
Be i no minim evriwan 
we kongregesen i putumaot.
Stat long taem we Adam mo Iv i sin,
Jehova i gohed blong halpem ol man
blong tanem tingting blong olgeta.
Be hemia i no min se
Jehova i agri long sin we wan man i mekem,
mo i stap blokem frut we i kamaot
from ol rabis fasin blong hem, nogat.
Yet, from lav we Jehova i gat long ol man olsem,
hem i wantem yet se oli kambak long hem.
Hem i no wantem se oli lus,
taswe hem i wantem tumas se oli tanem tingting.
Ol elda oli gat privilej ya blong wok wetem Jehova,
blong halpem olgeta we oli mekem sin
blong oli tanem tingting.
Bambae lav we yumi gat long Jehova
i kam bigwan moa,
Taem yumi tingting dip long lav we hem i gat
mo bigfala fasin sore blong hem.
Bambae yufala i glad blong save se
ol samting we yumi tokbaot long apdet ya
bambae oli kamaot tu long sam atikol
blong <i>Wajtaoa </i>we yumi stap stadi long hem.
Mo tu, ol elda bambae 
oli kasem moa save long saed ya
mo olsem wanem blong folem.
Bambae Jehova i blesem yumi
taem yumi folem ol daereksen ya
we i soemaot lav blong hem mo fasin sore.
Bifo we yumi finis,
Hed Kampani i askem mi 
blong ridimaot anaonsmen ya long yufala:
“Hed Kampani i tekem desisen se
ol sista oli save jusum blong werem 
longfala traosis blong ol woman
we i stret long wok blong prij,
long ol Kristin miting,
mo long ol asembli blong yumi.
Sipos wan sista i wantem werem wan traosis olsem,
hem i mas meksua se traosis ya i stret,
i soem respek mo i no pulum ae.
“Taem sista i gat wan haf long miting o long asembli,
hem i mas werem wan sket o dres,
sipos hemia i fasin blong dresap long ples ya.
I tru, sam sista oli save jusum 
blong werem wan sket o dres
nating se oli no gat wan haf long program.
Mo tu, ol brata oli save jusum
blong no werem nektae o kot
taem oli stap long wok blong prij,
taem oli joen long ol Kristin miting,
mo long ol defren asembli blong yumi.
Sipos wan brata i jus blong no werem wan nektae
o wan kot long taem ya,
hem i mas dresap long wan fasin we i stret,
i soem respek, mo i no pulum ae.
“Taem wan brata i gat wan haf long program,
hem i mas werem nektae o kot
sipos hemia i fasin blong dresap long ples ya.
I tru, sam brata oli save jusum
 blong werem nektae o kot
nating se oli no gat wan haf long program.
Long taem blong visitim Betel,
ol brata oli mas werem wan nektae o wan kot,
mo ol sista oli mas werem wan sket o wan dres
sipos hemia i fasin blong dresap long ples ya.”
!Mifala i lavem yufala tumas!
Long Wol Hedkwota blong Ol Witnes blong Jehova,
hemia hem i JW Brodkasting®.


-