JW subtitle extractor

Ассалому алайкум!
Бугун сизлар билан
дунё бўйлаб эътиқоди
учун қамоқда ўтирган
имондошларимизга оид
охирги хабарларга эътибор қаратамиз.
Лекин бошида анжуманлар
тўғрисида сўз юритайлик.
Баъзи жойларда аллақачон
«Хушхабарни эълон этинг!»
номли ҳудудий анжуман ўтказилди.
Келинг, айрим имондошларимиз
бу дастур борасида
нима деганини кўрайлик.
Анча биродару опа-синглимиз
анжуманга келиш учун
фидойиликларга боришган.
Ишдан жавоб
сўрашимга тўғри келди.
Қизимиз ҳам мактабдан
жавоб сўради.
Жуда вақтли турдик.
Ҳаракатларимиз
ҳаммасига арзийди!
Бу ерда бўлиш
биз учун катта шараф!
Кўп янги имондошларимиз
билан ҳам танишдик.
Бу ерда ҳамма
бир-бирини қучоқлайди.
Буни роса яхши кўраман!
Жонли қучоқлашишлар
умуман бошқа нарса!
Онлайн анжуманлардан кўра,
бу ерда бўлиш анча яхшироқ.
Шунча одамни кўриш
жуда ҳаяжонли!
Куйлашни ёқтираман.
Ҳамма биргалашиб куйлаганида,
ўзгача туйғуни ҳис қиласиз.
Бу бизни мустаҳкамлаб,
далда беради.
Анжуманда Исо ҳақидаги
драмани кўрдик.
У чинданам зўр экан!
Ҳа, драма Исо яшаган даврни
жонлантиришга ёрдам беради.
Белгиланган оятларни ўқиганимда,
тўғриси, роса таъсирландим!
Бунақаси мен билан илк бор.
Драмани томоша қилиб
эса йиғлаб юбордим.
Мен ўша даврга шўнғий олдим.
Бу дастур мени Яҳовага
янада яқинлаштириб,
куч бахш этди.
Бу анжуманга яна уч-тўрт
марта келмоқчимиз.
Яҳованинг халқи орасида бўлиш,
мен учун энг зўр жой!
Мен катта, гўзал
бир оиланинг аъзосиман.
Имондошлар орасида бўлиш
улкан қувонч келтиради.
Буни қўлдан бой
беришни истамайсиз.
Барчангизни бу йилги
ҳудудий анжуманга
ташриф буюришга ундаб қоламиз.
Ҳа, сиз дастурдан
баҳра олишингиз аниқ!
Лекин шу билан биргаликда,
эҳтимол, анчадан бери кўрмаган
дўстларингиз билан кўришиб,
чинакам далдага ҳамда
шод-хуррамликка тўласиз.
Ёши ёки соғлиги
туфайли анжуманга
бора олмайдиганлар
уни Stream орқали
томоша қилишига тўғри
келишини тушунамиз.
Бу йил ўзгача бўлади.
Нега деганда, 15 та махсус
анжуман режалаштирилган.
Улардан биринчиси
7–9 июнь кунлари
Гваделупа оролида ўтказилди.
Биродарларимиз Жеффри
Виндер ва Клайв Мартин
ушбу анжуманда иштирок этишди.
Ташриф буюрувчилар
11 та мамлакатдан эди.
Уларнинг энг юқори сони
8 602 тани ташкил этди.
Шанба куни эса,
74 та одам сувга чўмди.
Умумжаҳон оиламиздаги
севги ҳамда бирликни
кўришдан роса хурсандмиз!
Дастуримизнинг қолган қисмида эса,
эътиқоди учун қамоқда
ўтирган имондошларимизга оид
сўнгги хабарлар ҳақида гаплашамиз.
Шу йўсин, Ибронийларга
13:3 даги маслаҳатга
амал қилган бўламиз.
Оятни ўқиймиз:
17 июнга келиб, дунё бўйлаб
199 дан ошиқ имондошимиз
қамоқда ўтирибди.
Улар қаерда?
Улардан 9 таси Қримда,
39 таси Эритреяда,
8 таси Сингапурда,
ва 17 дан ошиғи бошқа жойларда.
Имондошларимизнинг энг кўп сони,
яъни 126 таси айни дамда
Россияда қамоқда ўтирибди.
Жанубий Корея-чи?
Гарчи биродарларимиз
бетарафлиги учун
қамоққа ташланмаётган бўлишса-да,
оғир шароитларда муқобил
хизматни адо этишяпти.
Улар уч йил давомида айнан
қамоқхонада яшаб, бу хизматни
бажариши керак бўлади.
Яқинда биродар Марк Сандерсон
қамоқхонада муқобил
хизматни адо этаётган
икки гуруҳ биродарларимиз
билан учрашди.
Жанубий Кореядаги вазият
яхшиланишига умид қиламиз.
Биз улар ва оилалари учун
ибодат қилишда давом этамиз.
Баъзида фақат биродарлар
эътиқоди учун қамоқда,
деб ўйлашимиз мумкин.
Лекин бу ундай эмас.
Минг афсуски, айни
дамда Эритреяда 12 та,
Россияда эса 8 та
азиз опа-синглимиз қамоқда ўтирибди.
Аниқки, бу имондошларимиз
ибодатларимизга муҳтож.
Кўп биродару опа-
сингилларимиз анчадан бери
қамоқ жазосини ўтаб,
у ерда даҳшатли
муносабатга учраяпти.
Биродаримиз Ринат Кирамов Россияда
айнан шу нарсани бошдан ўтказган.
2024 йил апрелда
бир нечта маҳбус
унга босим ўтказиб,
имондошларининг исмини
айтишини талаб қилган.
Лекин у бундан бош тортган.
Шунга уни тўрт кун дўппослаб,
ҳатто электрошокер
билан роса қийнашган.
Биз Ринат биродаримиз ва қамоқдаги
199 та азиз имондошимиз учун
ибодат қилишда давом этамиз.
Албатта, оилаларини ҳам унутмаймиз!
Қамоқдаги имондошларимизнинг бенуқсонлиги
Римликларга 12:21 даги
сўзларни ёдимизга солади.
Улар кучли қаршиликни
ва имон синовини
бошдан ўтказишяпти.
Бироқ шу билан бирга
асло мағлуб бўлишмаяпти.
Бунинг ўрнига «ёмонликни...
яхшилик билан» мағлуб қилишяпти.
Ҳа, уларни роса
яхши кўрамиз ва қадрлаймиз!
Қизиғи шундаки, қийинчиликларга
дуч келаётган имондошларимиз
ажойиб имкониятлардан фойдаланиб,
хушхабарни ваъз қилишяпти.
Биробижон шаҳридаги
кўп имондошимизда
шундай имконият бўлган.
Масалан, 2018 йили
давлат ходимлари бир кун ичида
22 та уйни тинтув қилишган.
Видеони кўрар экансиз,
қай йўсин улар хушхабарни
ваъз қилиб, қувончни
сақлаб қолганига эътибор қаратинг.
Қандай қилиб улар «ёмонликни...
яхшилик билан» енга олишди?
2018 йил 17 май тонг саҳарда
эшик қаттиқ тақиллаганидан
уйғониб кетдик.
Мен: «Бу ким?» — деб сўраганимда,
«Бу полиция!» — дейишди.
Тўғриси, кучли
стрессни ҳис қилдик.
Ўшанда ичимизда ибодат
қилишни бошладик.
Кейин билишимизча, бу операцияга
«Ҳукм куни»,— деб ном беришган экан.
Бунга тахминан 150 та
ходим жалб қилинган.
Менга қарши жиноий
иш очишганида,
барча ҳисоб рақамларимни
музлатиб қўйишди.
Шунга банкма-банк
юришимга тўғри келди.
Эшикни очишим билан
ходимлар мени табассум
ила кутиб олиб,
шундай деб ҳазиллашишарди:
«О қаранглар, бу бизнинг жажжи
экстремист қизимиз келди!»
Бир куни ФСБ идорасига тергов иши
бўйича кетаётганимда такси чақирдим.
Ҳайдовчи мендан: «Қаерга
кетяпмиз?» — дея сўради.
Мен: «ФСБ идорасига»,— дедим.
У эса: «Ишга кетяпсизми?» — деди.
Шунда сўроқ қилинишга
кетаётганимни айтдим.
Тўғриси, у бундан
роса ҳайрон қолди.
Мен унга Яҳованинг Шоҳиди эканимни
ва эътиқодим учун жиноий иш
очилганини айтиб бердим.
Бир неча кундан кейин,
ФСБ идорасига кетаётганимда
яна такси чақирдим.
Қизиғи шундаки, бу сафар ҳам
айнан ўша ҳайдовчи келди.
У билан яна
яхши суҳбат қура олдик.
Унга бугунги кунда
қайси башоратлар амалга
ошаётганини айтдим.
Бизни сўроқ қилишаётганида,
ширин сўзларимиз ва
ҳаракатларимиз билан
экстремист эмаслигимизни,
Яҳованинг Шоҳидлари
оддий, меҳрибон инсон
эканини кўрсатишга интилардик.
Тергов иши тугаганидан кейин,
биз барча ходимлар учун
откриткалар ясадик.
Биз уларни яхши
томонлари учун мақтаб,
эзгу тилаклар тиладик.
Адвокатим хавотирланиб,
менга шундай деди:
«Сизлар яхши инсонсиз!
Сизларнинг жойингиз қамоқда эмас.
Худойингиз сизларга
албатта ёрдам беради!
Фақат Артур, бу йўлдан
ҳечам қайтма!
Орқага чекинма!»
Суд кунида бизнинг, яъни
тўртта опанинг ишини
кўриб чиқиш учун
битта аёл судья тайинланганди.
У бизни ёқтирмаслиги
шундоқ кўриниб турарди.
У гапимизни бўларди,
бизни ўқимишсиз, деб
роса ерга урарди.
Бир пайт бизга
шундай фикр келди:
«Балки Яҳова шоҳидлик
беришимизни истаётгандир».
Лекин гапиришга имкон
бермаётган инсонга
қандай ваъз қила оламиз?
Шунда Яҳовага ибодат қилдик
ва унга яхши шоҳидлик
бера олишимиз учун
қалбини юмшатишини сўрадик.
Шунингдек, меҳрибон,
хушмуомала бўлишга интилардик.
Доим салом берардик.
Мен оҳангим, сўзларим
ва юз ифодам билан
севгини кўрсатишга интилардим.
Лекин биласизми, ҳаммаси
бир зумда ўзгарди.
Вазият бошқача тус олди.
Ўша аёл бизни тинглаб,
саломлашадиган бўлди.
Суд пайтида йиғилишларимизнинг
видео ёзувини кўраётганимизда,
судья бир нарсани ёзаётганди.
Бир пайт у: «У нимани
ўқиди?» — деб сўради.
Тўғриси, мен қўрққанимдан:
«Муқаддас Китобни»,— дедим.
У: «Бу тушунарли, аммо
айнан қаерини?» — деди.
Мен: «Аюб»,— деб айтдим.
У эса: «Нима?»
Мен: «Аюб».
У: «Нима-нима?»
Шунда адвокатим: «Аюб»,— деди.
У: «Ааа»,— деб ёзиб қўйди.
Мен: «42:10»,— деб қўйдим.
Ўша аёл ҳукмни ўқиётганида,
бир неча бор шундай сўради:
«Ирина Юрьевна, Худонинг
исмини тўғри ўқияпманми?»
Мен Яҳовага шундай дедим:
«Бугун ҳукм ўқилганида,
исминг улуғланишини истайман.
Илтимос, шундай қилгинки,
судья аёл исмингни
ўн марта тўғри талаффуз қилсин».
Чунки у доим нотўғри урғу қўярди.
Бунга ишониш қийин,
лекин ҳукмни ўқиб бўлганида,
у ўн марта Худонинг
исмини тўғри ўқиди.
Мени ҳукм қилишган куни
кўп дўстларим ёнимда эди.
Улар жуда кўп гул совға қилишди.
Бир пайт битта аёл
иккита дугонаси
билан ёнимга келиб,
табассум қилиб шундай сўради:
«Роса очилиб кетибсиз!
Қайси байрамни нишонлаяпсиз?»
Мен эса: «Биласизми,
Яҳованинг Шоҳидиман.
Ҳозиргина менга икки ярим йиллик
шартли жазо тайинланди»,— дедим.
Буни эшитган ўша аёллар
жойида қотиб қолишди.
Мен уйда ишлайман.
Мижозларим келишганида,
шунча кўп гулни кўриб:
«Уларни ким берди?
Қандай байрам бўлди
ўзи?» — дейишарди.
Мен эса бу имкониятдан фойдаланиб,
уларни азиз имондошларим
берганини айтардим.
Таъқиб қилинган 23 та
биродару опа-синглимиздан
4 та биродаримиз ҳибсга олинган.
Ҳозирда улар жазони
колонияда ўташмоқда.
Эрларимиз қамоққа олиб
кетилишини эшитганимизда,
улар билан хайрлашиш учун
поездлар бекатида йиғилдик.
Поезд ходимлари шунча
кўп одамни кўриб:
«Булар сизга ким
бўлади?» — дея сўрашарди.
Биз уларни қамоққа қўшиқлар
ва табассум билан
кузатаётганимиздан ҳайрон эди.
Ортга назар ташлаб,
тўғриси, чуқур миннатдорчиликка тўламан!
Чунки буларнинг бари осон ўтмаган.
Лекин Яҳова бир сония ҳам
бизни ташлаб қўймай куч берган.
Бир пайт менинг имоним
заифлашаётганини тушундим.
Шунда турмуш ўртоғим
билан гаплашиб,
ундан шундай сўрадим:
«Нега Яҳованинг қўллаб-
қувватловини ҳис қилмаяпман?»
У менга шундай деб далда берди:
Садоқатлисан!
Сен садоқатлисан!
Бу Яҳованинг ёрдами билан.
Ундан юз ўгирмадинг!
Ундан воз кечмадинг!
Бу У сен билан эканининг исботи.
Артурнинг сўзлари
мени мустаҳкамлади.
Шуни тушундимки, Шайтон
бизга босим ўтказиб,
Яҳовага ва Унинг ёрдамига бўлган
ишончимизни сусайтиришни истайди.
Шунга бу соҳада
ишлашим керак эди.
Шайтон қувончимизни ўғирламоқчи.
Лекин бу ҳечам
унинг қўлидан келмайди.
Чунки қувонч Яҳовага тегишли нарса.
Шунда Шайтон нима қилади?
Биз қувончни кўролмаслигимиз учун
уни биздан яширишга уринади.
Лекин Дўстимиз Яҳова доим
қувонишимиз учун сабабларни
кўришга ёрдам берарди.
Таъқиб қилувчилар биз Яҳова ҳақида
бошқа гапирмаслигимизни исташган.
Лекин аслида улар
яшил чироқни ёқиб,
У ҳақда гапиришимизга
кўпроқ имконият беришган.
Уларнинг ғайрати
ва қувончига гап йўқ!
Уларнинг ваъз қилиш
ва садоқатли қолиш
қарори қатъий!
Кўрдикки, улар Яҳовага таянишган
ва ажойиб имкониятлардан
фойдаланиб ваъз қилишган.
Дунё бўйлаб биродару
опа-сингилларимиз
дуч келаётган қийинчиликлар
бир-биридан фарқ қилади.
Аммо шунга аминманки,
имондошларимизнинг мисоли
сизга далда берган ва
Яҳовага таяниб,
хушхабарни қийинчиликларга қарамай,
ваъз қилишда давом
этишга ундаган.
Ҳа, Унинг қўллаб-қувватлови
ва ёрдами билан «ёмонликни...
яхшилик билан» енга оламиз.
Азиз имондошлар,
«қамоқда ўтирганларни
гўё ўзларингиз ҳам
қамоқда улар билан
бирга ўтиргандек,
ёдингиздан чиқарманглар».
Қадрдонлар, барчангизни
сабр-бардош
ва ғайратингиз учун
жуда яхши кўрамиз
ва қадрлаймиз!
Бу Яҳова Шоҳидларининг
бош идорасидаги
JW Интернет-телевидениеси.

Етакчи кенгашдан янгиликлар – 4 (2024)