JW subtitle extractor

大家好啊!
今次嘅报导我哋想讲吓
点样为嚟紧呢几个月嘅崇拜活动做好准备
先同大家分享一啲最新消息吖
2025年3月28号
缅甸发生一场7.7级嘅大地震
呢场地震波及邻近嘅泰国
震央位于缅甸嘅曼德勒市
好多弟兄姊妹之前因为内战
而被迫逃难去到呢个城市
有一对喺曼德勒市服务嘅特派传道员夫妇
因为居住嘅住宅大厦倒塌而不幸丧生
佢哋嘅屋企人同所有爱锡佢哋嘅弟兄姊妹
一定好伤心难过
我哋会继续为佢哋祷告
求耶和华喺呢段艰难嘅时间
安慰同埋赐力量俾佢哋
而另一对住喺同一座大厦嘅特派传道员夫妇
就受咗重伤
佢哋被送去医院接受治疗
庆幸嘅系佢哋嘅伤势都慢慢开始康复嘞
另外就有7位弟兄姊妹受咗轻伤
弟兄姊妹嘅住所当中有6间被摧毁
仲有77间受损
另外有6个聚会所都受到破坏
当地嘅分部委员会协调紧救灾嘅工作
包括重建同埋维修呢啲建筑物
喺南美洲仲有非洲嘅南部同东部
一啲弟兄姊妹经历紧严重嘅饥荒
组织安排咗将食物送去6个国家
帮助当地超过8000位弟兄姊妹
我哋真系好多谢你哋一直以嚟嘅慷嘅捐献
使到呢啲受灾嘅弟兄姊妹得到帮助
我哋会继续努力帮助呢啲弟兄姊妹渡过难关
同时我哋都有一啲好消息想话俾大家听
我哋好开心知道喺2025年2月12号
72岁嘅阿尔加内什·特克勒姊妹
喺厄立特里亚嘅监狱获释
喺跟住嘅3月12号
80岁嘅贝雷克蒂·格布雷塔尤斯姊妹
亦都获释
佢哋都已经同屋企人团聚
而且接受紧适当嘅治疗
佢哋两位都系先前报导过
喺2024年9月被捕嘅
当时总共有23位弟兄姊妹被警察拘留
我哋亦都好开心话俾大家知
最近喺俄罗斯有6位弟兄刑满获释
当中包括德米特里·戈利克弟兄
佢被监禁已经将近4年
放监嘅嗰一日佢太太仲有屋企人
同朋友都喺监狱外面迎接佢
另一位刑满获释嘅弟兄
系恩韦尔·西乌霍夫
佢嘅家姐同姐夫都好开心见返佢
佢受审之前已经被拘留咗将近4年
我哋嘅弟兄从来都冇试过
被审前羁押咁长嘅时间
而一般审前羁押嘅地方
环境都比监狱更加恶劣
虽然系噉恩韦尔仍然因为佢嘅好行为
而作咗美好嘅见证
例如有一个囚犯寄咗封信多谢佢
封信系噉写嘅
你真系一个好好嘅人啊
你令呢个世界更加美好
你以身作则话俾我哋听
我哋可以成为一个点样嘅人
你嘅目光时时都令人觉得好温暖
就算喺呢度你都努力帮人感受到快乐
亦都帮我对其他人有返信心
呢个世界好需要你噉嘅人
我哋都好需要你啊
呢啲坐紧监嘅弟兄姊妹
真系为我哋立下一个好好嘅榜样
虽然要忍受一啲咁艰难嘅环境
但系佢哋仍然用好行为荣耀耶和华
就好似马太福音5章16节所讲
“你哋发出嘅光要俾人睇到
噉人哋见到你哋嘅好行为
就会荣耀你哋嘅天父”
愿耶和华继续支持同埋俾力量嗰啲
因为信仰而被囚嘅弟兄姊妹
喺2025年嘅3月
中央长老团鼓励年满80岁嘅分部委员会成员
考虑自己嘅情况
系咪继续留喺呢个岗位上面服务
结果一啲弟兄经过仔细考虑之后
决定唔再担任分部委员会成员
听吓佢哋点讲吖
不知不觉我哋嘅年纪越嚟越大
有时都唔察觉自己可以做嘅嘢越嚟越有限
所以今次中央长老团用呢个方式
帮我哋慢慢接受呢个现实
我哋做到嘅嘢真系冇以前咁多喇
我已经参与全时服务差唔多77年
我睇出耶和华通过忠信睿智奴隶俾嘅指引
总系令人得到快乐同埋满足㗎
呢个安排使我睇得出
耶和华真系非常之爱我哋㗎
即使将来我哋嘅委派唔同咗
但系无论我哋喺咩岗位
都系一个为耶和华服务嘅机会
我哋只要继续喜乐噉为佢服务
就可以令佢开心喇
耶和华真系回应咗我哋嘅祷告
我哋有时都觉得力不从心㗎
所以就等啲后生嘅接棒啦
佢哋做得好好啊
见到啲后生嘅分部委员会成员做得咁好
我真系好开心
我好明白俾后生嘅弟兄担任呢啲重要嘅职责
长远对组织好有帮助
呢个安排令我因为自己做到嘅嘢而开心
唔会成日谂住自己做唔到嘅嘢
我哋跟住耶和华嘅指引去做
一定会系最好㗎
中央长老团真系好敬重同好爱呢啲弟兄
如果佢哋嘅情况容许
佢哋会继续担任一啲教导嘅工作
例如主持早晨崇拜
以分部代表嘅身份出席分区大会
同埋喺区域大会发表演讲
噉样所有弟兄姊妹都可以继续
从佢哋多年嚟忠心嘅榜样得到鼓励
我哋真系好期待参加
2025年“正确崇拜”区域大会
由2025年5月9至11号呢个周末开始
世界各地都陆续举行呢一个大会
直到2026年嘅年初
当中包括19场特别区域大会
分别喺13个国家举行
喺5月9至11号第一场特别区域大会
就喺玻利维亚嘅圣克鲁斯举行
最高出席人数总共有12380人
另外仲有177人受浸
相信大家一定好想快啲参加今年嘅区域大会
为咗可以令每一位喺大会充分得益
中央长老团好想提醒大家
喺音乐影片播出之前
就最好返埋自己嘅座位坐低嘞
噉样我哋就可以准备好心情
专心咁聆听大会节目
讲起大会
我哋又有另一样嘢想话俾大家听
最近总部嘅弟兄了解过
非洲20个分部地区入面弟兄姊妹嘅需要
睇吓佢哋喺举行大会嘅时候
需要乜嘢影音设备
喺呢啲地区出席区域大会嘅人数
差唔多系传道员人数嘅2.5倍
即系话接近有500万人参加大会
不过就唔系所有嘅场地
都有足够嘅影音设备
等参加嘅人可以好似其他地方嘅弟兄姊妹噉
享受大会嘅节目
我哋好开心话俾大家听
中央长老团已经批准咗拨款2110万美金
喺未来3年帮助非洲嘅弟兄姊妹
添置新嘅大会影音设备
我哋会分阶段购买呢一啲设备
然后用喺大会堂、租返嚟嘅场地
可以随时扩充嘅王国聚会所
同埋露天嘅场地
喺2026年我哋嘅主要目标
系帮呢啲大会场地
买足够嘅音响同埋发电机
另外我哋亦都会为一啲场地安装新嘅屏幕
或者提升现有嘅设备
我哋真系好多谢大家表现嘅慷嘅精神
使到我哋能够提供新嘅设备
嚟帮助呢啲地区嘅弟兄姊妹
仲有感兴趣嘅人从大会充分得益
而家讲吓我哋可以点样
计划嚟紧几个月嘅崇拜活动吖
喺北半球开始踏入夏季嘞
好多人喺嚟紧呢几个星期都会参加区域大会
而喺南半球
大会亦都会喺跟住嗰几个月陆续举行
你可能都计划紧其他活动
又或者去吓旅行
喺计划嘅时候
你会考虑乜嘢圣经原则呢？
如果我哋将最好嘅献俾耶和华
就会得到最大嘅喜乐同满足
就好似箴言3:9,10话
“要用你宝贵嘅资产
用一切最早嘅收成尊崇耶和华
噉你嘅仓房就会充满美物
你嘅酒缸都会有新酒满溢”
当我哋计划嚟紧呢几个月嘅活动嗰阵
可唔可以都谂吓
有咩机会可以为耶和华做更多呢?
年轻人
如果你嚟紧就快放暑假
你可唔可以都试吓出多啲传道呢?
喺大会之前嗰几个礼拜
我哋想邀请多啲人同我哋一齐参加大会
所以会系一个好好嘅机会出多啲传道
有冇谂过做辅助先驱?
好多人都试过喺放假嗰阵做辅助先驱
佢哋都做得好开心呀
当然唔系净系年轻人先可以噉做㗎
我哋个个人都值得谂吓
可唔可以做辅助先驱
可能甚至可以成家人一齐报名添
又或者试吓去一啲
唔系经常有传道员去嘅地区传道
试吓噉样做一定可以为你带嚟
好大嘅喜乐同满足
如果你系就快毕业嘅弟兄姊妹
你有冇谂过立下目标报名做正规先驱?
你可以为呢件事祷告吖
新嘅服务年度仲有几个月就开始嘞
而家就可以交先驱申请表㗎喇
仲有聚会所嘅维修同埋建筑工程
都好需要志愿人员
你都可以报名参加㗎
仲有而家只要你年满18岁
受咗浸就可以申请加入伯特利
对年轻嘅弟兄姊妹嚟讲
呢个真系一个好好嘅机会为耶和华做更多
唔单止系噉
王国传福音者训练班SKE都好值得你考虑
最近中央长老团特别鼓励年轻人
考虑订立目标做特派传道员
报名读SKE就可以为你打开呢道服务大门
你报咗名参加SKE未呀?
记得㖞受咗浸嘅弟兄姊妹
只要年满21岁
同埋做咗正规先驱至少两年
就符合资格报名参加SKE㗎喇
真系有好多服务机会等紧我哋啊!
请你哋认真谂吓有边个目标系适合你吖
另外如果条件容许嘅话
我哋都希望你亲身出席今年嘅大会
就算我哋嘅健康或者体力唔系咁好
可唔可以都考虑出席1日
甚至只系半日嘅大会呢?
我哋尽力噉样做
就可以亲身体验到同弟兄姊妹互相鼓励
一齐祷告一齐唱诗歌带嚟嘅喜乐
喺今次嘅报导
我哋讲咗可以订立啲乜嘢目标
帮我哋喺崇拜方面保持忙碌
只要好好计划就可以为耶和华做更多嘞
我哋为你哋所作嘅祷告
就好似诗篇20:4所讲嘅噉
经文话
“愿佢成全你嘅心愿
使你嘅所有计划成功”
各位弟兄姊妹我哋好爱你哋每一位
呢度系耶和华见证人世界总部嘅JW电视

2025来自中央长老团的报导（三）