JW subtitle extractor

大家好喺今次嘅報導
我哋會講吓點樣運用
《永遠享受美好嘅生命》呢本書
去主持聖經課程
但係我哋先講吓一啲最新消息吖
自從上次嘅報導以嚟
我哋舉行多3場特別區域大會
喺2025年12月26至28號
我哋喺印尼雅加達
舉行當地第2場特別區域大會
喺同一個星期亦都有另一場喺多哥嘅洛美舉行
而喺2026年1月9至11號
就有另一場特別區域大會
喺新西蘭嘅奧克蘭舉行
呢個大會係當地有史以嚟最大型㗎
亦都係差唔多50年嚟
第一次邀請新西蘭嘅所有見證人
聚埋一齊參加大會
場館嘅職員好欣賞見證人
佢哋話見證人好親切亦都好肯幫手
仲話佢哋開工嘅時候
從來都冇試過有咁好嘅體驗
喺會場入面
所有人都熱情咁同佢哋打招呼
氣氛咁好佢哋真係諗都冇諗過呀
啲工作人員話
「好想其他人都好似見證人咁好咁友善呀」
喺印尼嘅一個官員話
「耶和華見證嘅活動真係好有組織
我見佢哋好多人嚟自唔同嘅國家
個個都好熱情笑得好開心
亦都非常之真誠」
喺多哥
一個場館嘅負責人好欣賞大會統籌得咁好
個個都咁團結佢話
「你哋咁好我差啲想走埋去受浸
做你哋嘅一份子」
呢3個特別區域大會加埋
最高嘅出席人數係6萬8178人
包括超過8000個嚟自32個國家地區嘅代表
我哋亦都好開心有703人受浸
不過我哋以後唔會再有特別區域大會喇
點解呢？
就好似之前宣布嘅咁
由2026年開始我哋會統一叫做「國際大會」
而嚟緊會有3場喺2026年6月舉行
50年前嘅1月1號
我哋嘅組織喺架構上面有好大嘅調整
《宣揚者》書嗰度話
「呢個係現代耶和華見證人歷史上
其中一個意義重大嘅調整」
喺邊啲方面呢？
我哋成立咗6個委員會
入面都有中央長老團成員
分別負責人事、出版、傳道
教導、寫作仲有協調嘅工作
全球嘅會眾同埋我哋組織嘅所有活動
都係由呢啲委員會負責督導
而喺1976年2月1號
中央長老團亦都宣布咗一個新嘅安排
係同所有分部有關嘅
以前每一個分部都由一個分部僕人管理
但係之後就由分部委員會負責
呢個委員會係由3位或以上有經驗嘅長老組成
耶和華真係有賜福俾我哋
喺1976年全球只有210萬個傳道員
但係到咗50年後嘅今日
傳道員嘅數字突破咗900萬
我哋好多謝耶穌做會眾嘅頭用愛心指引我哋
佢一直督導傳道工作
幫中央長老團用新嘅方法
令到越嚟越多人聽到好消息
我哋都好開心可以參加最近嘅傳道運動
分發《唔再有戰爭有冇可能呢？》呢期《守望台》
我哋都收到嚟自世界各地嘅報告
弟兄姊妹喺分發呢本雜誌嘅時候都好開心
因為可以喺啲人最需要嘅時候安慰佢哋
我哋嘅雜誌一直以嚟都係好有用嘅傳道工具
每年我哋都會分發3期公眾版《守望台》
同埋3期《警醒》雜誌俾地區嘅人
我哋可以善用呢啲雜誌嘅話題
試吓同唔同嘅人傾吓邀請佢哋學習聖經
喺今年嘅1、2月
我哋就有機會向人分發
《上帝係咪真係關心你呢？》
呢本《守望台》公眾版雜誌
而家呢個世界立立亂
啲人真係好需要呢個信息呀
我諗大家都好想快啲喺傳道嗰陣用呢本雜誌
下次去聚會所嘅時候記得攞多啲喇
喺2021年我哋發行咗《永遠享受美好嘅生命》
呢本書嚟幫人學聖經
由嗰時到而家已經有超過100萬人受咗浸
就好似耶穌預言
有好多人會認識耶和華崇拜佢
你係咪都好鍾意教一啲態度好好
想認識耶和華嘅人學聖經呢？
咁喺運用《美好生命》書主持聖經課程嘅時候
我哋可以留意啲乜嘢指引呢？
喺2021年組織出咗一份編號係S-196嘅指引
題目係
喺傳度工作嘅時候運用《永遠享受美好嘅生命》
你可以問長老攞呢份指引睇吓㗎
另外《用愛心幫助人成為基督徒》呢本冊子
都有啲實用嘅建議
例如喺附錄C就提到
點樣用《美好生命》書同學生討論
唔單止係咁
傳道與生活聚會同埋守望台研究班
都教我哋點樣用呢本書幫聖經學生
經過呢幾年喺點樣用呢本書主持聖經課程方面
我哋都累積咗一啲寶貴嘅經驗
而家我哋好想話俾大家知一啲最新嘅指引
請諗吓4個問題吖
第一每星期應該同學生討論幾多呢？
第二究竟使唔使睇晒所有影片呢？
第三應該點樣運用「更多精彩內容」呢個部分？
第四點樣因應學生嘅需要調整課程呢？
首先每星期應該同學生討論幾多呢？
當然呢個係視乎學生嘅情況而定嘅
但係如果可以嘅話
試吓一個星期同佢討論一課吖
要咁做嘅話有一樣嘢我哋要記得
就係千祈唔好花太多時間討論每一課嘅頭嗰幾段
每一課嘅第一部分只係簡介嚟嘅啫
就好似食主菜之前嘅前菜咁
我哋唔需要用太多時間討論第一部分
點做到呢？
我哋可以鼓勵學生
喺討論之前先預習吓第一部分嘅內容
如果佢已經睇咗
討論嘅時候就唔使將嗰幾段讀出嚟
可以直接討論每段嘅問題
同埋一齊睇吓「請讀」嘅經文
咁就有更加多時間傾吓「深入挖掘」嗰部分嘞
而喺「深入挖掘」大多數嘅語言
都有影片嘅
咁就帶出第2個問題嘞
究竟使唔使睇晒所有影片呢？
以前我哋鼓勵大家同學生睇晒佢
不過而家我哋可以因應學生嘅需要
決定睇唔睇晒所有影片
如果你覺得學生喺呢一刻未必需要睇某個影片住
就可以唔使播嘞
老實講
有時如果你想睇晒「深入挖掘」嘅所有影片
噉就可能唔夠時間一次討論一課
唔用太多時間討論同一點冇咁唚
學生就會更加鍾意讀落去
所以準備嘅時候
要根據學生嘅需要睇吓邊啲影片對佢有幫助
會唔會有啲暫時唔使睇住呢？
記得要禱告求耶和華幫你
有啲傳道員住嘅地方上唔到網
所以唔可以同學生一齊睇影片
如果你嘅情況係咁嘅話
唔使擔心睇唔到影片點算呀？
其實就算播唔到影片
同佢討論其他內容都夠㗎
要記得聖經先係最重要㗎
只要我哋好好運用經文同埋呢本書嘅其他資料
咁就算冇影片我哋都可以幫人認識耶和華
嚟到第3個問題
應該點樣運用「更多精彩內容」呢個部分呢？
呢部分提供咗一啲額外資料
可以解答學生嘅疑問或者幫佢克服一啲難題
我哋喺主持聖經課程嘅時候唔使討論呢一部分
不過
如果我哋覺得呢部分入面嘅一啲文章或者影片
特別適合我哋嘅學生
就可以鼓勵佢自己睇吓
第4個問題嘞
點樣因應學生嘅需要調整課程呢？
《美好生命》書嘅設計
係幫助學生循序漸進咁學習聖經
所以一般嚟講最好係跟呢本書嘅次序逐課去討論
不過都可以靈活啲嘅
我哋可以因應學生嘅需要
睇咗某一課先或者再討論多次之前讀過嘅課文
舉個例吖
最近你學生係咪有屋企人過咗身呢？
你可以根據佢嘅情況先同佢討論第29課
「人死咗之後會點呢？」
然後就跟返之前嘅進度繼續討論落去
另一方面
我哋都可能留意到某一課未必適合我哋嘅學生
可能係因為我哋住嘅地方或者學生嘅文化背景
某啲課題就唔係咁適用嘞
咁可以點做呢？
我哋可以直接跳過嗰一課
重點係要靈活變通留意你學生嘅需要
使徒保羅都好識得變通㗎
記唔記得佢喺哥林多前書9:20-22講嘅嘢？
「對猶太人我就做猶太人為咗幫助猶太人
對受法典約束嘅人我雖然唔受法典約束
但係就仍然好似受法典約束嘅人
為咗幫助受法典約束嘅人
對冇法典嘅人我就做冇法典嘅人
為咗幫助冇法典嘅人
不過我一定要遵守上帝嘅法律
亦都受基督嘅法律約束
對軟弱嘅人我就做軟弱嘅人
為咗幫助軟弱嘅人
對乜嘢人我就做乜嘢人
無論如何都要救啲人」
可能大家仲會諗到另一個情況㗎
就係你嘅學生未讀完本書就受咗浸嘞
噉讀唔讀落去好呢？
答案就喺歌羅西書2:6,7
保羅話所有受咗浸「接受咗主基督耶穌嘅人」
都應該有呢個目標
「要繼續同耶穌聯合同佢同行
身為基督嘅門徒要按照你哋受到嘅教導
好似植物咁深深扎根不斷成長
亦都要有堅強嘅信心繼續凡事感謝上帝」
我哋嘅目標係幫學生培養堅強嘅信心
所以就算學生未讀完《美好生命》書就受咗浸都好
我哋都可以同學生讀埋佢
鞏固佢同耶和華嘅關係
幫佢好似植物咁紮根不斷成長
仲有一樣嘢唔好唔記得呀
雖然傳道員而家交報告嗰陣唔使再寫傳道時間
但係如果你有主持聖經課程嘅話
就要將個數字寫低落報告嗰度喇
呢個報導提到嘅新指引
都係為咗幫助學生進步得更加好更加快
同埋更加鍾意讀聖經
喺呢個報導
我哋睇到上帝嘅子民點樣喺大會表現團結嘅精神
仲有組織喺架構同埋傳道方面嘅調整
點樣令弟兄姊妹得益
我哋都學到點樣更加有效咁
運用《美好生命》書主持聖經課程
簡單嚟講要留意學生嘅需要靈活變通
同埋試吓一個禮拜讀一課吖
如果我哋咁樣做
就會體驗到幫到人崇拜耶和華係幾咁開心
不過你會唔會諗起主持聖經課程就覺得好驚呢？
要記得腓立比書2:13嘅說話
「上帝一定會激勵你哋令你哋唔單止有意願
亦都有力量採取行動因為咁做令佢非常喜悅」
你可以求耶和華令你有意願
同埋俾力量你去搵聖經學生
耶和華好慷慨聖經話佢「會賜美好嘅禮物俾人」
佢可能會用你諗唔到嘅方式回應你嘅禱告㗎
各位弟兄姊妹
我哋好愛你哋亦都欣賞你哋咁努力傳道
呢度係耶和見證人世界總部嘅JW電視

2026來自中央長老團的報導（一）