JW subtitle extractor

各位弟兄姊妹大家好
好开心喺呢度同大家分享一啲最新消息
每年嚟到呢个时间
我哋都好期待出席耶稣牺牲纪念聚会
今年呢个聚会会喺4月2号星期四举行
而喺3月23号嗰个星期
我哋会听到特别公众演讲
题目系
边个能够重建美好嘅地球家园？
喺嚟紧呢两个星期
我哋会尽力邀请更加多人听呢个特别演讲
同埋参加纪念聚会
不如试吓喺3月同4月做辅助先驱吖
如果你喺呢两个月报名做辅助先驱
时间定额可以系15或者30小时
另外我哋都要研读同埋沉思圣经嘅记载
深入咁谂吓耶稣喺地上最后嗰几个星期发生嘅事
就好似希伯来书12:3讲嘅咁
呢节经文鼓励我哋咁样做
“你哋要仔细谂吓佢嘅榜样免得疲倦最终放弃”
我哋沉思耶稣嘅榜样
就会更加爱同感激耶和华仲有耶稣
咁样我哋面对难题嗰阵就可以好似耶稣咁
有力量保持忍耐
而家你可以喺JW Library下载《纪念聚会读经进度表》啦
呢个读经进度表列出咗一啲经文
你只要点一点连结就可以睇到
耶稣牺牲前后发生嘅一啲重要事件
呢个进度表就放咗喺《册子》呢个栏目入面
你亦都可以将佢加入“我的最爱”
方便下次打开
喺纪念聚会当日
亦都会有一个早晨崇拜节目
呢个影片会喺3月26号上载去我哋嘅网站
好开心喺4月2号呢一日
全球嘅耶和华见证人可以一齐收睇呢个节目
纪念聚会之后
我哋会继续帮助嗰啲出席呢个聚会
对圣经有兴趣嘅人
目标系尽力邀请更加多人
开始一个圣经课程
另一方面
我哋都可以继续运用唔同嘅杂志向人传道
喺3月同埋4月
我哋会主力分发
驱散压力嘅乌云
呢本《警醒！》杂志
而家嘅人压力咁大
真系好需要睇吓呢本杂志嘅建议
我哋网站嘅新闻曾经都报导过
意大利嘅分部会由罗马
搬去博洛尼亚嘅新设施
一齐睇吓呢个工程嘅最新进展吖
喺2019年
JW网站嘅新闻就提到
意大利分部会由罗马搬去博洛尼亚
报导嘅结尾话
“我哋会向耶和华祷告求佢继续赐福俾呢个工程
令即将喺新分部设施展开嘅工作
喺呢片已经成熟嘅田地顺利进行”
耶和华真系有回应我哋嘅祷告
佢帮我哋克服咗唔同嘅难题
一齐嚟睇吓呢个工程嘅进度吖
即使受到疫情影响
喺2020年9月
其中一栋宿舍大楼都可以顺利落成
嗰度可以提供41个单位
俾建筑部嘅弟兄姊妹
喺2022年1月我哋得到批准
开始翻新一栋喺2018年买入嘅办公大楼
同埋兴建另外3座宿舍
另一个好消息系
喺博洛尼亚嘅访客中心正式开幕
里面嘅展览可以推动嚟参观嘅人
更加热心献出自己为耶和华服务
呢度提供咗15种语言嘅导赏团
喺开幕之后嘅短短15个月里面
已经有超过5万人嚟参观
好多人参观完都好开心
亦都更加感激弟兄姊妹嘅付出
有总部嘅支援
加上中央长老团同埋其他弟兄嘅探访
令我哋睇出耶和华真系支持呢个工程
啲弟兄鼓励我哋保持耐心
相信耶和华会喺最适当嘅时候帮我哋
佢哋亦都提醒我哋
要感激所有有份帮手嘅弟兄姊妹
好多本地嘅弟兄姊妹
献出自己嘅时间同埋精力嚟帮手
好多人祷告之后都认真谂吓
自己可以点样尽力支持呢项工程
有啲人减少返工时间甚至有啲仲辞埋职添
啲弟兄姊妹都好有心煮咗好多好嘢食俾大家
呢个工程唔单止令到弟兄姊妹得益
住喺周围嘅人都可以
因为我哋将一个废置咗嘅工业用地改建得好靓
仲增设咗一个公园俾所有人使用添
咁究竟最近工程嘅进展系点呢？
喺2025年3月1号
呢个新分布设施入面嘅王国聚会所落成啦
而家有4群会众用紧呢个聚会所
喺2026年嘅1月30号
承办商已经完成咗办公室工程嘅主要部分
净返嘅就会交由我哋嘅建筑工程委员会去完成
我哋嘅目标系喺2026年6月
正式启用呢个新分部办事处
好快净返嗰三栋宿舍大楼嘅工程亦都会陆续完成
我哋好开心可以搬嚟呢个新嘅分部
因为长远嚟讲可以节省开支
弟兄姊妹亦都可以喺更舒适嘅环境工作
大部分嘅伯特利成员
而家都可以住喺同一个范围
咁样就可以更加方便嗰啲
支援佢哋嘅弟兄姊妹嘞
诗篇127:1话
“如果唔系耶和华建造家宅
建造嘅人就徒劳无功”
我哋会继续祷告
求耶和华支持呢啲建筑工程
亦都好希望呢啲新设施可以荣耀耶和华
真系好多谢耶和华帮助我哋
亦都好多谢各位弟兄姊妹你哋嘅支持
我哋会祷告求耶和华继续赐福
俾组织喺唔同地方嘅建筑工程
世界各地有好多弟兄姊妹都受到天灾嘅影响
喺马拉维持续出现严重嘅水灾同旱灾
呢个导致农作物失收
好多人都唔够嘢食
分部成立咗两个救灾委员会
到目前为止
已经有差唔多4000个弟兄姊妹
收到足够嘅食物同埋其他救援物资
喺2月初热带气旋格扎尼吹袭马达加斯加
庆幸冇弟兄姊妹受重伤或者丧生
但系有199间弟兄姊妹嘅屋被摧毁
亦都有237间受损
另外仲有1个大会堂同埋3个聚会所受到破坏
而家有两个救灾委员会帮紧弟兄姊妹重建家园
热带气旋吹袭之后
马达加斯加分部
即刻喺灾情最严重嘅地区
举行一个特别聚会
参加嘅人都得到安慰同埋鼓励
之前嘅报导亦都讲过
喺旧年飓风梅利莎重创加勒比海一带嘅岛屿
包括牙买加
最近中央长老团成员杨杰明弟兄
去咗牙买加探访当地嘅弟兄姊妹
杨弟兄喺特别聚会发表演讲
鼓励嗰度受飓风影响嘅会众
加强佢哋嘅信心
喺旧年短短7个星期之内
菲律宾就经历咗三场台风同埋两场大地震
协调委员会助手保罗·吉利斯弟兄
最近探访咗嗰度
佢去咗灾情最严重嘅地方
同弟兄姊妹见面
我哋会继续为受天灾影响嘅弟兄姊妹祷告
等佢哋有力量渡过难关
就好似诗篇145:18保证
“所有呼求耶和华嘅…上帝都亲近佢哋”
多谢大家慷嘅捐款
你哋尽自己嘅能力表现爱心
可以帮助到受天灾影响嘅弟兄姊妹
耶和华一定会大大赐福俾你哋每一位
喺俄罗斯唔少弟兄姊妹
因为信仰而要继续坐监
其中有好多人需要睇医生接受治疗
例如鲁斯塔姆·季阿罗夫弟兄
因为佢病得好严重
好需要得到治疗
所以喺2026年2月17号获准假释出狱
季阿罗夫弟兄喺2021年
被判8年有期徒刑
假释出狱之后
佢就即刻被遣返乌兹别克
佢而家喺嗰度接受紧癌症治疗
乌兹别克嘅弟兄姊妹
喺佢同太太到达之后
热情咁欢迎佢哋
截至2026年3月16号
全球有280位弟兄姊妹因为信仰而被囚
有181位系喺俄罗斯
喺坐监嘅人当中
有至少35位
喺残疾人士或者有严重嘅健康难题
我哋会继续为呢啲忠心嘅弟兄姊妹
仲有佢哋嘅家人同埋会众祷告
耶和华比咗生命我哋
佢想我哋都珍惜同埋尊重生命
其中一个表明我哋尊重生命嘅方法就系
遵守同血有关嘅规定
耶和华俾咗一个永不过时嘅吩咐
挪亚同埋佢嘅后代
就系“带生命嘅肉即系带血嘅肉
你哋唔可以食”
后嚟佢亦都吩咐基督徒
要“禁戒勒死嘅动物”同埋“禁戒血”
今日耶和华见证人都会遵守呢个规定
呢个包括喺选择医疗方案嘅时候
我哋一样会禁戒血
以往我哋有一啲关于血嘅指引
系基于摩西法典入面其中一条规定
呢条规定就记录喺利未记17:13
“如果以色列人
或者喺你哋嗰度嘅外族居民去打猎
捉到可以食嘅雀仔或者其他野生动物
佢就一定要将猎物嘅血放出嚟
用泥土掩盖”
咁今日基督徒仲需唔需要遵守呢个规定呢？
简单嚟讲系唔需要㗎
原因好简单
因为我哋唔需要再遵守摩西法典
就好似使徒保罗
喺歌罗西书2:13,14讲嘅咁
“上帝…撤销咗法典上写住
指正我哋过错嘅法令
上帝已经将呢啲法令
喺苦刑柱上废除咗啦”
所以基督徒唔使好似摩西法典讲嘅咁
将啲血倒出嚟然后用泥土掩盖
而喺医疗方面
例如接受手术嘅时候
点样运用自己嘅血液
圣经亦都冇明确嘅规定
关于点样使用自己嘅血液
守望台2000年10月15日刊
入面有一篇《读者来函》
就提到我哋嘅观点
“喺接受外科手术、医学化验
或者其他治疗嘅时候
基督徒要自己决定
其他人点样处理佢嘅血液”
基于呢个原则
好多基督徒都接受验血
有啲亦都会接受
使用心肺机、血液回收机
又或者肾脏透析
呢一类牵涉到运用自己血液嘅疗法
不过我哋都发现
而家有越嚟越多
用到自己血液嘅治疗方法推出
所以经过恳切祷告同埋查考圣经之后
中央长老团就住喺医疗程序嗰阵
运用自己血液方面调整咗观点
究竟最新嘅睇法系乜嘢呢？
我哋最新嘅睇法系
喺医疗方面
只要系涉及用到自体血液
每一个基督徒都要根据良心自己做决定
呢个包括系咪接受
抽取自己嘅血液、储存、然后输返入体内
即系话
有啲基督徒可能接受到
抽取自己嘅血液、储存
然之后输返入体内嘅疗法
有啲就未必接受
无论系啲乜嘢疗法
只要涉及用到自体血液
咁嘅话每一个基督徒
都要按住自己嘅良心去选择
总结一下吖
“禁戒血”呢条诫命
基督徒一定要遵守㗎
但系由于我哋已经唔使再守摩西法典
而且圣经亦都冇明确规定
喺医疗方面
一个人应该点样运用自己嘅血液
所以呢一方面
其实系同其他医疗选择一样
即系每个基督徒都要自己决定
喺医疗方面点样运用自体血液
喺今次嘅报导
我哋睇到意大利分部工程嘅进展
俄罗斯弟兄姊妹嘅最新情况
仲有耶和华点样照顾
受天灾影响嘅弟兄姊妹
我哋亦都好开心听到
关于喺医疗方面使用自己嘅血液
组织最新嘅睇法系乜嘢
我哋清楚睇得出
耶和华好照顾佢嘅子民
佢会通过佢嘅组织帮助我哋
佢亦都会赐力量俾我哋
等我哋喺考验之下忍耐得住
耶稣牺牲纪念聚会好快就会举行
希望大家都把握机会亲近耶和华
我哋肯定耶和华一定
唔会忘记忠于佢嘅人
我哋好爱你哋每一位
呢度系
耶和华见证人世界总部嘅JW电视

2026来自中央长老团的报导（二）