JW subtitle extractor

大家好！
今次嘅報導我哋會講吓
點解每一日都需要睇聖經同沉思
仲會講吓嚟緊喺傳道方面
有咩安排同計劃
講吓啲最新消息先喇
自上次嘅報導
我哋喺世界各地舉行多9場
《永恆幸福》國際大會喇
包括喀麥隆嘅杜阿拉
羅馬尼亞嘅布加勒斯特
巴西嘅庫里蒂巴
加拿大嘅聖約翰斯
波蘭嘅華沙
瑞典嘅斯德哥爾摩
台灣嘅高雄
巴拿馬嘅巴拿馬城
同埋葡萄牙嘅波圖
有來自77個國家
超過3萬2000個代表參加咗呢啲大會
呢9個大會加埋嘅最高出席人數
有超過25萬1000人
當中有2440人受浸
嚟緊8月
仲會舉行多7場國際大會
噉喺嚟緊9月
我哋仲會有啲咩活動呢？
正如之前提到喺9月
會有個特別傳道運動
呢個運動會全力向人
分發《美好生命》冊子
傳道員喺呢個月做輔助先驅嘅話
可以選擇15或者30個鐘嘅時間定額
另外全球嘅會眾
都會有個特別演講
題目係《聖經可以點樣幫助你？》
喺2026年9月至2027年2月
嘅嗰次分區監督探訪
亦都會有一個特別嘅安排
喺嗰個星期
唔會有公眾演講
而係一齊睇《耶穌嘅一生》
第二集嘅第一部分
鼓勵大家盡力邀請聖經學生
同埋對聖經感興趣嘅人
參加呢個聚會
為咗幫助大家喺傳道嗰陣
同人介紹《耶穌嘅一生》系列影劇
有一條新嘅影片會推出
大家好快就可以喺
JW網站嗰度睇到㗎喇
另外喺jw.org網站
亦都設計咗一個新嘅頁面
鼓勵人睇《耶穌嘅一生》
一入到去就會喺嗰度見到一條預告片
亦都有每一集嘅概覽
等大家可以搵到相關嘅福音書記載
我哋喺首頁就可以撳到入去㗎喇
真係好希望呢啲新嘅安排
可以幫助更多人
認識耶穌同耶和華
感激佢哋為我哋做嘅嘢
跟住想同大家講吓
委內瑞拉嘅情況
我哋喺JW網站都報導過
喺2026年6月24日
嗰度連續發生咗兩場大地震
其中一場有7.5級
係委內瑞拉
自1900年以嚟最強嘅一次地震
好遺憾
有46個弟兄姊妹喪生
35個受傷
仲有807人無家可歸
數以百計嘅房屋同聚會所
受損甚至被摧毀
佢哋嘅情況真係好艱難
見到佢哋要面對咁可怕嘅天災
我哋真係好心痛
喺地震發生後48個鐘內
就成立咗兩個救災委員會
仲有五位分部委員會嘅弟兄
探訪受災地區
組織亦都提供咗食物、水
臨時住嘅地方
個人衛生用品
同醫療護理俾弟兄姊妹
雖然喺救災期間
個人衛生用品曾經唔係好夠派
不過啲弟兄深信耶和華
一定會幫佢哋
就喺幾個鐘之後
有個男人拎咗啲嘢
嚟到聚會所話想捐俾我哋
原來佢親戚同佢講
你啲嘢捐俾耶和華見證人喇
佢哋安排得好好㗎
肯定會將呢啲嘢送到去有需要嘅人手上
呢個男人捐嘅就係個人衛生用品
正正係我哋呢個時候需要㗎
有好多志願人員嚟參與救災工作
幫手維修受損嘅建築物
包括王國聚會所
另外本地嘅弟兄都有繼續舉行聚會
同埋探訪受影響嘅弟兄姊妹
令佢哋得到安慰同鼓勵
上次嘅報導亦都提到
菲律賓喺2026年6月8號
都發生咗一場大地震
好不幸有一位姊妹喪生
34個弟兄姊妹受傷
有429個人無家可歸
中央長老團已經批准
撥款幫助菲律賓嘅弟兄姊妹
重建家園同王國聚會所
請大家繼續為委內瑞拉
菲律賓同埋喺世界各地
受天災影響嘅弟兄姊妹禱告
另外亦都好多謝你哋慷慨捐款
呢個可以大大支持我哋嘅救災工作
而家我哋會講吓
要照顧好自己嘅心靈需要
每一年中央長老團
都會揀一節全年經文
用嚟鼓勵弟兄姊妹
近年仲配埋首新歌俾呢節經文添
你記唔記得2026年嘅經文係乜嘢呀？
就係馬太福音5:3
喺聚會所成日都見到㗎
「意識到自己
需要上帝指引嘅人係有福嘅」
聖經將上帝嘅話語比喻做食物
喺馬太福音4:4
耶穌話「人生存
唔可以淨係靠食物
仲必須靠耶和華所講嘅每一句說話」
就好似食嘢可以幫助我哋保持健康
滋養信心嘅食物
都可以鞏固我哋嘅信心
通常一個人覺得肚餓嘅話
就會自己去搵嘢食
同樣滋養信心嘅食物
都係需要我哋主動去吸收㗎
耶和華供應咗好多
滋養信心嘅食物俾我哋
忠信睿智嘅奴隸
一直都喺適當嘅時候
供應豐富嘅食物
每次參加完聚會或者大會
真係好似去食完大餐噉呀
不過好似以色列人噉
要食嗎哪就要自己出去執
所以我哋都要問吓自己
除咗去聚會同大會
為咗照顧自己嘅心靈需要
我仲要做啲乜嘢呢？
我有冇每一日
都抽時間做個人研讀呢？
當然家主有責任
照顧好屋企人同上帝嘅關係
但係我哋自己都有責任㗎
我哋每一日都要照顧好自己
其他人唔可以代我哋去做
腓立比書2:12話
「不斷努力令自己最終得救」
加拉太書嘅原則幫助我哋保持平衡
6章2節話
「你哋嘅重擔要繼續互相承擔」
但係喺第5節就話
「每個人要承擔自己嘅擔子」
擔子同重擔係唔一樣嘅
耶和華同弟兄姊妹
可以幫助我哋承擔重擔
但係擔子係我哋嘅個人責任
冇人可以代我哋承擔
所以要問吓自己
我今日做咗啲乜嘢
去鞏固同上帝嘅關係呢？
上帝嘅組織有好多工具
幫助我哋噉樣做㗎
有《守望台線上書庫》
《檢索手冊》
同《基督徒生活指南》
而最能夠幫助我哋
鞏固同上帝關係嘅一個方法
就係每日抽時間睇聖經
睇完之後仲要用啲時間去沉思
除咗聖經都要沉思每日經文
一齊睇吓兩位傳道員
噉樣做得到啲咩益處吖
我特別記得2026年2月12號
嘅每日經文
呢節經文好打動我
就係詩篇94:19
我哋五兄弟姊妹
都係由媽媽一手湊大嘅
每一日朝早佢都會同我哋五兄弟姊妹
坐低一齊討論每日經文
到我有咗自己嘅家庭之後
都繼續有呢個習慣
為咗等自己每日都記得睇當日經文
我會喺前一晚臨瞓前
開定JW Library嘅每日經文
噉第二日一起身
就可以即刻睇喇
朝頭早我太太會幫小朋友
準備返學嘅嘢
佢會幫阿女米凱拉換衫梳頭
跟住我哋就一齊坐低食早餐
之後我哋一家人會討論每日經文
睇經文嘅時候我會經常問吓自己
關於耶和華呢節經文教咗我啲咩呢？
我可以點樣將經文嘅原則
喺生活上用出嚟呢？
問吓呢啲問題
幫到我更加了解
耶和華嘅特質同埋旨意
我係單身嘅
所以我會特別留意經文
點樣幫到單身嘅人
平時我成日都會同啲小朋友傾吓偈
了解吓佢哋最近面對咩嘢難題
噉喺朝頭早討論每日經文嗰陣
我哋就會傾吓
經文嘅原則可以點樣幫到佢哋
噉小朋友應付挑戰嘅時候
就識得將呢啲原則用出嚟喇
我鍾意用一句說話去總結
每日經文嘅《守望台》評論
噉嗰一日我就好容易記得
經文嘅重點係咩嘢嘞
喺討論嘅時候
我會寫低啲筆記
記低大家嘅心得
有樣嘢可能你都估唔到㗎
好多時最鼓勵到我嘅
都係我啲小朋友講嘅嘢
喺嗰一日我會間中拎返啲筆記出嚟睇
就會諗起我哋討論過嘅內容
令我好有力量㗎
我有個朋友住得好遠㗎
我哋經常會發訊息俾對方
特別係讀到一啲《守望台》評論
令我哋諗起對方
又或者令我哋覺得好感動嗰陣
我哋都會發訊息
同對方分享自己嘅諗法
我仲記得喺年頭嗰陣
有一次我哋討論嘅每日經文
鼓勵我哋要有勇氣放膽發言
我留意到米凱拉好認真咁諗緊啲嘢
好似有嘢想講
我記得有一日朝早
我哋討論嘅經文叫我哋要勇敢
啱嘅嘢就要講出嚟
之後我返到學校
就同鍾意蝦人嘅嗰個女仔講
耶和華想我哋對人友善
愛其他人
過咗冇幾耐之後佢就唔再蝦人喇
我真係好開心
耶和華俾勇氣我去講啱嘅嘢
知道我哋每日討論嘅經文
幫到佢做啱嘅事
我覺得好開心
阿女佢真係做得好好呀
當我阿哥阿嫂收到邀請
參加王國傳福音者訓練班嗰陣
我好戥佢哋開心㗎
但同時我又覺得有啲失落
因為我申請過兩次
都冇收到邀請
我就喺度諗
點解又冇我份嘅？
係咪我做錯咗啲咩呢？
不過每日經文提醒我
我哋喺耶和華眼中係好寶貴嘅
耶和華就係喺我最需要嘅時候
用呢啲經文幫助我調整自己嘅諗法
我係自己做生意㗎
所以有時都會好容易擔心
照顧唔到屋企人
特別係生意唔係咁好嗰陣
我就會更加憂慮
不過就喺呢個時候
我哋討論嘅每日經文
馬太福音6:33
經文話我哋唔好過度憂慮
因為耶穌保證
耶和華一定會照顧我哋嘅需要
淨係諗到呢點已經令我放鬆咗
呢節經文幫到我保持冷靜
記得唔使太過擔心錢嘅問題
因為耶和華一定會
將我哋需要嘅嘢俾我哋
呢個經歷令我明白
每一日都睇當日嘅經文
係好重要㗎
生活上總會有啲嘢
令我哋覺得灰心嘅
但係我真係睇出
每日經文可以俾到我
嗰一日需要嘅力量
所以日日都要睇㗎
每一日耶和華都通過每日經文
同我哋傾偈
佢用佢嘅話語聖經
一直喺我哋身邊支持我哋一家
仔細沉思每日經文
真係可以幫到我哋好多呀
瑪列麗話佢會將喺每日經文學到嘅嘢
總結成一句說話
有個姊妹甚至將學到嘅
總結成一個字
噉樣佢就更加容易記得喇
如果我哋都好似佢哋噉樣做
就更容易實踐學到嘅嘢喇
點解我哋要喺呢度討論呢件事呢？
因為好似哥林多前書7:31話
「呢個世界嘅景象不斷改變緊」
而我哋個人嘅情況都會不斷改變
所以我哋要幫助自己同屋企人
每一日都研讀聖經
噉就可以繼續做上帝鍾意嘅事
韓國嘅一位弟兄服緊替代役
佢寫咗一封信俾我哋
係一個好感人嘅經歷
封信係咁樣講嘅
佢話「我哋每一日做完嘢之後
同房嘅弟兄就會坐埋一齊
討論每日經文
分享吓大家嘅心得
有時我哋會因為同監獄嘅職員
或者其他人有磨擦
而覺得好灰心
但係我哋成日都可以
喺每日經文嗰度得到鼓勵
一齊討論每日經文
真係可以令我哋有力量做啱嘅事
亦都可以令我哋感受到耶和華
同埋弟兄姊妹嘅愛」
所有因為信仰而要坐監
同埋服緊替代役嘅弟兄姊妹
我哋冇忘記你哋㗎
你哋忠貞嘅榜樣一直鼓勵緊我哋
喺世界各地嘅弟兄姊妹
亦都有為你哋禱告
我哋生活喺最後嘅日子
真係唔容易㗎
希望大家都繼續
同耶和華有緊密嘅關係
耶和華仲送咗一樣嘢
俾我哋去加強我哋嘅信心
就係音樂呢份禮物喇
各位弟兄姊妹
我哋好開心話俾你哋知
嚟緊我哋會推出一系列新嘅歌曲
呢啲歌可以幫助我哋親近耶和華
呢個系列叫做《音樂無邊界》
呢啲歌來自唔同嘅地區有唔同嘅風格
好快喺JW網站同JW Library嗰度
大家就可以下載喇
呢個系列嘅歌
唔會翻譯成其他語言
亦都唔會有音樂影片
我哋相信弟兄姊妹都會鍾意聽呢啲歌
特別係年輕人
因為係為你哋而設㗎
不如一齊聽吓
頭兩首而家就有得聽喇
嚟緊仲會陸續推出
耶和華預備咗咁多好聽嘅歌送俾我哋
我哋真係好開心好感動呀！
喺今次報導
我哋講咗嚟緊會有嘅一啲新安排
仲有9月嘅特別傳道運動
亦都睇到委內瑞拉
同菲律賓嘅地震之後
耶和華點樣安慰嗰度嘅弟兄姊妹
另外要每日睇聖經
因為我哋有責任
照顧好自己同上帝嘅關係
各位弟兄姊妹請你哋記得
我哋真係好愛你哋㗎
無論你哋係受天災影響
定係俾人迫害緊
我哋都會繼續為你哋禱告
呢度係耶和華見證人世界總部嘅JW電視

2026來自中央長老團的報導（五）