JW subtitle extractor

親愛的兄弟姊妹
因為這改欲講的話題非常重要
所以中央長老團
決定欲先發布英語的
其他語言的版本嘛足緊就會提供
對頂一期的報導以後
咱閣舉行7場的國際大會
分別是佇加拿大的卡爾加里
厄瓜多爾的基多
立陶宛的維爾紐斯
德國的漢堡
荷蘭的烏得勒支
南非的約翰尼斯堡
及美國的密爾瓦基
超過3萬个代表參加遮的大會
怹來自69个國家
這幾場大會上懸出席的人數
加起來超過16萬5000人
閣有1428个人受浸
咱的兄弟姊妹
一定有佇當地做真濟美好的見證
閣有3場國際大會
會佇續落來的這幾個月舉行
另外
2027年的國際大會及區域大會
嘛已經咧準備矣
主題是
耶穌就是道路
明年會有21場國際大會
佇19个國家及地區舉行
就像進前宣布的
佇這個月
咱會向人介紹
《永遠享受美好的性命》體驗版
鼓勵人學習聖經
咱嘛邀請人來聽一个特別演講
主題是
《聖經會當按怎幫助你》
互咱把握機會
幫助誠懇的人認捌耶和華
培養對伊的愛
因為咱愛別人
所以咱足熱心給人講好消息
鼓勵怹學聖經
你敢會當定目標主持一个聖經課程
你會當佇祈禱給耶和華講
你足想欲幫助人成做基督徒
你盡力揣出有正確態度的人
耶和華
一定會互你得著足大的喜樂
毋管結果按怎
你攏會當相信
耶和華足看重你的付出
咱愛別人
所以咱熱心傳道
嘛會關心遐的遭受患難的兄弟姊妹
最近幾個月
相連續發生一寡天災
影響著真濟兄弟姊妹
包括佇委內瑞拉
日本及哥倫比亞發生的大地動
歐洲及北美洲的火燒山
亞洲嘛發生嚴重的土石流
佇委內瑞拉
救災工課當咧進行
一寡兄弟姊妹互人硩佇土石堆內底
其他的兄弟姊妹給怹救出來
委內瑞拉的兄弟姊妹
捐出價值超過50萬美金的食物
衫仔褲及其他的物資
分部辦事處設立一寡救災中心
互有需要的人會當得著遮的必需品
最近
中央長老團成員楊杰明兄弟
及協調委員會的助手
特洛伊·斯奈德兄
嘛去遐鼓勵當地的兄弟姊妹
災難發生的時
咱攏會煩惱兄弟姊妹
及身軀邊的人敢有安全
因為咱知影
性命是耶和華送咱的寶貴禮物
就像詩篇36:9講的
耶和華「是性命的源頭」
耶和華非常重視性命
身為伊的子民
咱及伊有仝款的看法
所以
耶和華見證人袂給囡仔提掉
袂參與戰爭
嘛袂刁工做危險的代誌
因為可能會害人失去性命
另外
在耶和華看來
血及生命
仝款是神聖的
所以佇創世記9:4
上帝吩咐挪亞講
「獨獨有性命的肉
就是含血的肉
恁袂當食」
後來使徒怹受著神聖力量的引𤆬
嘛互第1世紀的基督徒類似的誡命
就是愛「禁戒血」
咱做伙看使徒行傳15:28,29
「阮倚靠神聖力量做出決定
無欲增加恁的負擔
只有幾件代誌是需要禁戒的
就是禁戒獻互偶像的祭物
禁戒血
禁戒摧死的動物
禁戒淫亂
恁若繼續避開遮的代誌
就會一切順利
願恁平安健康」
咱對使徒行傳的這條誡命看出啥物咧
基督徒袂食血
嘛袂食無放血的肉
這毋但是食食方面的規定
嘛反映出耶和華對性命的看法
咱若照咧做
就表明咱尊重上帝的看法
而且
因為咱及上帝仝款重視性命
所以咱袂去刣人
嘛會避免做代誌衝碰無細膩
害人失去性命
結果需要為別人的死亡負責任
佇生活的每一方面
耶和華見證人
攏決心照耶和華的吩咐
給血及性命看做是神聖的
根據使徒行傳15章的經文
耶和華見證人
袂食血
袂注血
嘛袂捐血
一直以來
按呢的立場帶來真濟好處
比如
咱佇信仰方面會當保持清氣
佇身體上會當保持健康
過去咱的立場嘛包括
咱袂注血的四種主要的成分
就是紅血球
白血球
血小板及血漿
醫學研究嘛證明
無注血的醫療方式毋但有效
嘛會當避免注血造成的一寡風險
這馬的醫學愈來愈進步
治療的方式嘛愈來愈濟種
面對這種狀況
基督徒欲按怎照聖經原則做決定咧
有關這个問題
咱佇《2026來自中央長老團的報導(二)》講
禁戒血這條誡命
基督徒一定會遵守
毋過
因為基督徒
毋免閣遵守受摩西的法典
而且聖經嘛無明確的規定
佇醫療方面
人應該按怎使用家己的血
所以
及選擇其他的醫療方式仝款
每一个基督徒
攏愛家己決定
佇醫療方面
欲按怎使用家己的血
這个根據聖經原則所做的調整
幫助基督徒會當像加拉太書6:5講的
「每一个人著愛擔家己的擔」
經過誠懇的祈禱和及深思了後
中央長老團決定
仝款的聖經原則
嘛會當用佇血的四種主要的成分
就是紅血球
白血球
血漿
及血小板
不管是家己的抑是別人的
攏適用這个原則
所以基督徒
佇選擇治療方式的時
敢欲使用血的四種主要的成分
是每一个人家己的決定
仝款
敢欲給血的主要成分抑是提煉物
捐出來互別人使用
嘛是個人的決定
遮的改變
敢代表中央長老團
對血的看法愈來愈凊彩
無閣重視矣
絕對毋是
中央長老團猶是非常嚴肅的看待
及血有關的代誌
毋過
因為聖經無明確的講
應該按怎使用血的無仝的成分
所以
中央長老團會遵照哥林多前書4:6講的
「毋通超出聖經頂面的話」
另外
中央長老團嘛照哥林多後書1:24講的去做
「阮毋是主人
毋是欲管轄恁的信心
是做伙做工課的同伴
欲互恁喜樂
因為恁是憑家己的信心徛在的」
敢欲使用血的四種主要的成分
每一個基督徒佇決定進前
攏應該按怎做咧
愛好好仔祈禱
而且認真考慮所有相關的因素
想互清楚才做決定
咱若無按呢做
就會損害家己的良心
嘛會破壞及耶和華寶貴的友誼
假使一个醫療產品
有包括別人的血提煉出來的成分
基督徒佇決定敢欲使用的時
愛考慮啥物咧
每一个人考慮的可能攏無啥仝
有的人完全無法度接受
因為怹認為
只要產品有血的成分
使用就是毋著的
有的人會當接受產品有血的成分
因為這个成分干焦佔血的一小部分爾
其實
有的主要的成分佇血內底所佔的pha̋-siàn-tòo
顛倒比某一寡血的提煉物閣較低
而且遮的提煉物是
一寡基督徒佇良心方面已經會當接受的
毋管按怎
就像羅馬書14:12講的
「咱人人攏愛為家己的代誌向上帝交數」
中央長老團有準備一寡相關的資料
互逐家會當有閣較全面的了解
照家己的良心做決定
組織有製作一張圖表
給一寡較普遍
及血有關的產品列出來
阮嘛根據這擺的報導準備一篇《讀者來函》
遮的資料足緊就會發布佇jw.org®網站
及JW Library®頂面
另外
未來嘛會有《守望台》研讀版的文章
閣較詳細說明這个調整
真緊
逐家就會收到調整過的《預立醫療指示》
佇考慮過各種的因素了後
每一个基督徒攏愛家己決定
敢欲接受
對別人的血分解出來的主要的成分
抑是血的提煉物
會眾袂干涉兄弟姊妹佇這方面的決定
其他的基督徒嘛無應該批評別人的選擇
除了你的《預立醫療指示》頂面的
醫療委任代理人以外
一般來講
你無需要及其他的人討論你的醫療決定
假使你需要幫助
請及你當地的病院聯絡委員會聯絡
怹會尊重你的決定
協助你揣著尊重你良心的醫生
遮的兄弟
嘛袂給你的決定講出去
若是工課牽涉著血
抑是及血有關的產品
閣應該按怎做咧
《守望台》1999年4月15日刊
有一篇《讀者來函》
會當幫助兄弟姊妹
做明智的決定
嘛有清白的良心
兄弟姊妹
阮知影你可能需要一寡時間
來理解聽著的內容
毋過請給遮的要點記得
耶和華見證人袂食血
抑是食無放血的肉
咱嘛袂注血
袂捐血互別人注
毋過咱需要家己決定
敢欲接受對別人的血
分解出來的主要成份抑是提煉物
仝款
若確定家己的血
是欲提煉出某一種成份互人使用
敢欲捐
這嘛是個人的決定
中央長老團想欲閣一改強調
阮一直給性命及血看甲非常的寶貴
按呢的觀點袂改變
及耶和華仝款
阮給性命及血
看做是非常寶貴的禮物
毋過
阮嘛知影
每一个基督徒
攏需要為家己的決定向上帝交數
所以
中央長老團請所有的兄弟姊妹
佇欲做任何及血有關的醫療決定進前
一定愛向上帝祈禱
嘛認真考慮所有的因素
若是咱每一个基督徒
佇做決定進前攏先按呢做
就會當有清白的良心
嘛表明家己深深尊重性命的源頭
耶和華上帝
親愛的兄弟姊妹
恁一直是忠貞的好模範
阮真珍惜恁表現的信心及愛心
阮非常的愛恁
遮是耶和華見證人世界總部的JW電視

2026來自中央長老團的報導（六）