JW subtitle extractor

N valguni chier ani
alalongia l’aurità dl Rëni
dan vester boni de l’abiné.
Tulon ca l ejëmpl
de Mary Kennedy.
Ti prims dl ’900,
cun 18 ani,
fovela jita dala Scozia
a sté ti Stac Unii,
y la ova scumencià a lauré da fancela.
Si dejidere fova de deventé miscionera,
ma la udova cuntradizions tla religion.
Mary ova cris n lëur
tl ciamp dla medejina,
ajache la ulova judé i autri.
Tl 1910
ovela giapà l diplom dla scola
per nfermieres tl spedel de Boston.
Mary jiva inant a crì l’aurità,
ma la fova descunseleda
a udëi che tla dliejes
univel nsenià fauza dutrines
y che l dajova truepa ipocrisia.
Nce sce la ne n’ulova
nia plu avëi da nfé cun la religions,
jivela mpo inant a liejer la Bibia.
Ntan che la laurova
tl sanatorium Pottenger, tla California,
ovela finalmënter abinà
chël che la chirova.
La ova cunesciù
Nellie Hanford,
na nfermiera
che fajova pert di Studënc Biblics.
N di ti ova Nellie spiegà a Mary
cie che la Bibia dij
n cont dla cundizion di morc.
A Mary ti savova coche
sce te si cë
se fossa mpieda na lum una ndlolautra,
sciche te na zentrela dl telefon.
Te chël mumënt ovela capì
de avëi abinà l’aurità.
La ova arbandunà duta si ambizions
tl ciamp dla medejina
y ova dedicà l rest de si vita
a perdiché la bona nuvela dla Bibia
a tëmp plën.
N valguni, sciche Mary, chier l’aurità,
autri de contra l’abina
nce sce i ne la chier nia.
L volleyball fova duta mi vita,
y jugove
tl plu aut livel prufescionistich.
Me dajove ju limpea uni di,
fove for de viac
y sambën fova nce la partides.
Dut l rest
univa al segondo post.
Ntlëuta ne chirovi nia l’aurità,
ma mi nevicia ova scumencià
a studië la Bibia y me ove mpensà:
“Me savëssa propi bel
a nen savëi zeche deplù”.
Ie me ove rendù cont
che l ie mpue’ sciche n puzzle,
ulache uni tòch muessa
jì adum tl drë post.
Me ova dantaldut tucà
l capitul 2 de Daniel
y ove capì che l fova ruvà l mumënt
de fé zeche deplù.
Śën messovi dezider
danter la vita che fajove
y la puscibltà de viver
per for sot al Rëni de Die.
Ie messove mudé la maniera
de partì su mi tëmp y mi prioriteies.
Ie pensove mé a mé nstës.
Canche ove tëut la dezijion
de me tré zeruch,
me ovi pità de jughé per un n ann
cun la scuadra plu sterscia.
Finalmënter pudovi avëi dut chël,
per chël che ove laurà dassënn,
suzes y scioldi.
Ma ove mpo refudà.
Dan cunëscer l’aurità dla Bibia,
minovi de savëi co arjonjer l suzes,
ma mé Iehova sà ciuna
che ie la miëura maniera
per avëi suzes tla vita.
Śën sons cuntënt de adurvé mi tëmp
per judé i autri,
ajache mé chësc dà drëta cuntentëza.
Ie y mi fëna servion śën Iehova
a tëmp plën,
y chësta ie zënzauter
la miëura maniera de viver nosta vita.
Iehova à trat al’aurità
sibe Mary che Björn.
Tramedoi ne n’à nia pensà
a chël che i messova renunzië,
ma al valor dl’aurità dl Rëni.

Ëi à abinà la pierla de gran valor