JW subtitle extractor

ვინ არის ნამდვილი მეგობარი?
ვინც კარგი თვისებების გამოვლენაში გეხმარება,
ვინც ყოველთვის გვერდით გიდგას,
განსაკუთრებით მაშინ, როცა გიჭირს.
იგავების 18:24-ში ვკითხულობთ,
რომ ასეთი მეგობარი ძმაზე ახლობელია.
აი ნამდვილი მეგობარი სწორედ ასეთია.
ნამდვილი მეგობრის პოვნა ადვილი არ არის.
თუ ძალიან გინდა,
რომ ყველას თავი მოაწონო,
შეიძლება ისეთ ადამიანებს დაუმეგობრდე,
რომლებიც შენზე ცუდ გავლენას მოახდენენ.
რა უნდა ეძებო ადამიანში?
წიგნს მხოლოდ ყდიდ ნუ შეაფასებ.
საჭიროა, მის შინაარს გაეცო.
ისეთ ადამიანს დაუმეგობრდი,
რომელიც სანდოა,
რომელსაც შეუძლია პატიება
და რომელიც წამდაუწუმ არ გახსენებს შეცდომებს.
1 კარგი მეგობარი 100 ვითომ მეგობარს სჯობია.
ნამდვილი მეგობარი რომ იპოვო,
მხოლოდ შენს თანატოლებზე
არ უნდა შეაჩერო ყურადღება.
მეგობარი შეიძლება მათ შორის იპოვო,
სადაც ყველაზე ნაკლებად მოელი.
ამიტომ იყავი ობიექტური.
ნუ დაუწყებ ძებნას ზუსტად შენს მსგავსს.
სულაც არ არის აუცილებელი,
შენს მომავალ მეგობარს
შენნაირი ჰობი და უნარი ჰქონდეს.
ის შეიძლება შენზე ბევრად უფროსი
ან უმცროსი და სხვა ეროვნებისაც კი იყოს.
ჩარჩოებში ნუ მოექცევი.
მაგრამ გახსოვდეს,
რომ კარგი მეგობარი ღვთის მოსაწონი
ნორმების თანახმად უნდა ცხოვრობდეს.
გყოლია ისეთი მეგობარი,
რომელიც შენთან გამორჩენის მიზნით მეგობრობდა?
ან ზურგს უკან ლაპარაკობდა?
ან ცილს გწამებდა?
შენ უკეთესი მეგობრის ღირსი ხარ!
მოერიდე ისეთ ადამიანებს,
რომლებიც ზიანს მოგაყენებენ.
ასეთებს მხოლოდ შენი გამოყენება სურთ.
მათ შესაძლოა მასხრათ აგიგდონ
შენი საუბრის მანერის
გარეგნობისა თუ რწმენის გამო.
ნამდვილი მეგობრები ასე არ იქცევიან.
ისინი ისეთს გიღებენ, როგორიც ხარ.
ასე რომ, გონიერი ადამიანები
უნდა აირჩიო სამეგობროდ.
მაგრამ არამარტო ისინი, ვისაც თეორიული ცოდნა აქვთ,
არამედ პრაქტიკულიც.
ისინი ღვთისთვის მოსაწონი
ფასეულობებით უნდა ცხოვრობდნენ.
იგავების 27:17-ში ვკითხულობთ,
რომ რკინა რკინას ლესავს.
ნამდვილი მეგობრებიც
ერთმანეთისგან ბევრ რამეს სწავლობენ.
როგორ შეგიძლია ასეთი მეგობრის პოვნა?
არ უნდა მოელოდე, რომ ყოველთვის სხვა
გადმოდგამს შენსკენ პირველ ნაბიჯს.
თავადაც უნდა გამოავლინო ინიციატივა.
პირველი ნაბიჯი შენ გადადგი
და გამოელაპარაკე ვინმეს.
უნდა ილაპარაკო,
მაგრამ არა მხოლოდ საკუთარ თავზე.
დაუსვი კითხვები მას
და მოუსმინე.
ოღონდ გულწრფელად.
მეგობარს საუკეთესო დახმარებას მაშინაც გაუწევ,
თუ გულისყურით მოუსმენ.
ახლა კი დროა იმოქმედო.
ნამდვილ მეგობრობას განმტკიცება სჭირდება.
შენ უნდა გააღრმავო ურთიერთობა.
სიკეთე გამოავლინე ერთგული მეგობრის მიმართ,
რომელიც გულში წყენას არასდროს იდებს.
მხარში ამოუდექი მას,
განსაკუთრებით გასაჭირის დროს.
თუ ასე მოიქცევი,
თქვენი მეგობრობა აუცილებლად განმტკიცდება.
ფილიპელების 2:4-ში ვკითხულობთ,
რომ მხოლოდ საკუთარ თავზე კი არ უნდა იფიქრო,
არამედ სხვებზეც.
მეგობრობა სწორედ ისაა, თუ სხვების
მიმართ ყურადღებას ავლენ.
ცხოვრების მანძილზე ბევრ ადამიანს გაიცნობ.
შენზეა დამოკიდებული,
თუ ვის აირჩევ მეგობრად.
ასე რომ, გონივრულად მოიქეცი
და ისეთ ადამიანზე შეაჩერე ყურადღება,
რომელიც ნამდვილ მეგობრობას გაგიწევს.