JW subtitle extractor

Eaha te faahoaraa i nia i te Internet?
E nehenehe oe e aparau e
te taata, e rave rahi taata.
E tuu ta oe mau hoho‘a.
Faahiti te parau hauti.
Faaite to oe mana‘o
nia e rave rahi tuhaa.
E ite eaha ta to oe mau hoa e rave ra.
Mea ohie ia faahoa i nia i te Internet.
E tera hoi te fifi!
Mea ohie roa.
E ere i te mea ino ia faahoa i nia
i te internet, tera râ a haapao maitai,
mea atâta roa te reira.
Ia farii to metua ia haere
oe i nia i te Internet,
e tia ia oe ia faaohipa maitai i te reira.
A haapao maitai.
Eiaha e tuu te mau mea ta
oe e ore e hinaaro ia itehia
i roto i te afata teata e te vea.
Oia atoa
ta oe numera niuniu, te vahi e ora ’i
oe e ihea oe haere ai i te haapiiraa.
Eiaha roa ’tu e parau e aita
oe i te fare aore ra ia reva oe.
A ara maitai,
tera hoi ta te taata e faaohipa
nei no te eiâ roto to oe fare
aore ra rave i ta oe tiaraa taata.
E to oe roo? E faaite ta oe mau
hoho‘a e huru paraparau o vai mau oe.
Mai te peu ua rave oe i te
ohipa maamaa, a ui ia oe iho,
‘hinaaro anei au ia itehia
vau mai tera e te taata?’
Eiaha noa teie nei, te taime
iho â râ e imi oe te tahi ohipa?
Te parau ra te Maseli 22:1, mea faufaa
a‘e te hoê roo maitai i te ario e te auro.
Eiaha e mana‘o e
nehenehe oe e faaore
i te mau mea tuuhia i nia i te Internet.
Ia tuu ana‘e oe, e vai noa te reira
aita e nehenehe e faaore faahou.
Tera ïa! A haapao maitai eaha ta
oe e tuu e o vai ma te ite ra i te reira.
O vai to oe mau hoa?
E hanere hoa to vetahi
aore ra e tausani.
Mana‘o paha oe ia rahi
ana‘e te hoa, mea maitai ïa.
E ere roa ’tu!
Mea atâta roa ia mana‘o oe mai tera.
Ia farerei oe i to oe mau
hoa i nia i te Internet,
te faahoa atoa ra oe i to ratou mau hoa
E te mau hoa o to ratou mau hoa.
E ite paha oe te tahi mea
tuuhia e te feia aita oe i matau,
mea taa ê roa hoi to ratou
huru feruriraa e tiaturiraa i to oe.
E parau ino paha ratou
Aore ra e faahiti ratou i te
parau ta oe e ite e mea haavare.
E ere hoi tera huru taata
ta oe e hinaaro e faahoa ’tu,
eiaha noa i nia i te Internet.
Te vai atoa râ te tahi fifi.
Te faaara mai ra te Salamo 26:4 eiaha
roa ’tu e amui e “te feia haavare.”
Te parau nei ratou e taata
maitai ratou no te faahoa ’tu,
e haavare ra te reira!
No reira a maiti maitai te hoa.
To oe mau hoa i nia i te
Internet, matau a‘ena oe ia ratou.
A haamana‘o atoa:
Mâu‘a noa to oe taime.
Te hi‘oraa noa pauroa te
taime tei tuuhia i nia i te Internet.
No reira a faaohipa maitai i te reira,
eiaha roa ’tu e vaiiho na te
Internet e faatere i to oe oraraa mau.
E ravea maitai te faahoaraa i nia i te
Internet, tera râ e tia ia vai ara noa oe.
No reira ia haere ana‘e oe i nia i te
Internet, a faaohipa maitai i te reira.

Te faahoaraa i nia i te Internet: A ara!