JW subtitle extractor

Deus ten nómi?
Na Bíblia nu ta atxa nómi di un monti deus.
Kes povu ki ta moraba pértu di israelitas
ta adoraba deuzis sima Astoreti, Baal i Moloki.
Kes primeru sigidoris di Kristu
ta viveba na meiu di pesoas ki ta adoraba deuzis sima
Ártimis,
Érmis
i Zeus
i ses nómi sta na Bíblia.
Bíblia ta fla ma ten un ‘monti ‘deus’.’
Má, na kes kópia di Bíblia antigu,
nómi di Deus ta parse mutu más txeu di ki nómi di tudu kes otu deus.
Na kes traduson di Bíblia ki ten oji
inda bu ta atxa nómi di kes otu deus.
Má na txeu di kes traduson
es tra nómi di kel Deus ki Bíblia ta pâpia di el más txeu.
Se nómi ta parse más di 7 mil bês na kes traduson di Bíblia más antigu.
Kenha ki é kel Deus ki se nómi tradu di Bíblia?
Kes primeru livru di Bíblia,
más konxedu pa antigu testamentu,
skrebedu na língua ebraiku ku aramaiku.
Na língua ebraiku nómi di Deus ta skrebedu ku kuatu létra.
Ebraiku ta ledu di direita pa skerda.
Na txeu língua, kes kuatu létra ta reprizentadu pa
YHWH.
Ningen ka sabe modi ki ta fladu nómi di Deus na ebraiku.
Má kes kuatu létra ki ta reprizenta nómi di Deus
ta parse txeu bês na kes kópia antigu di Bíblia.
Tanbê nu ta atxa-l skrebedu na txeu lugar.
Nómi di Deus na kabuverdianu ta fladu
Jeová
ô tanbê
Javé.
Alguns Bíblia ta uza Jeová ô Javé
na Salmo 83 versu 18
i na txeu otus versíklu di Bíblia.
Na txeu traduson di Bíblia sima
Tradução do Novo Mundo da Bíblia Sagrada,
torna podu nómi di Deus na tudu kes párti ki el ta parseba na komésu.
Si nómi di Deus ta parse más di 7 mil bês na Bíblia,
é pamodi el krê pa nu konxe-l i pa nu uza se nómi.
Na lei ki Deus da Israel el fla Muizes pa skrebe:
‘Obi, ó Israel: Jeová, nos Deus, é sô un Jeová.’
Jizus konxeba i el ta uzaba nómi di Deus,
pamodi el torna fla mésmu kuza ki sta na lei di Muizes.
Na un di kes últimu orason ki el faze antis di el móre
el fla Jeová: ‘N pô-s ta konxe bu nómi’.
Un ómi pode txomadu di:
maridu,
papá,
arkitétu
i pa se nómi, ki pode ser Juan.
Di mésmu manera,
Deus tanbê ta txomadu di:
Tudu-poderozu,
Kriador
i Sinhor.
El tanbê el ten un nómi ki é sô di sel,
ki ninhun otu deus ka ten.
Kel nómi é Jeová.
Má talvês bu ta pergunta:
Kuzê ki Bíblia ta fla-nu di Deus?
Deus ta preokupa ku nos?
Modi ki nu pode ser amigu di Deus?
Pa bu sabe kuzê ki Bíblia ta fla sobri kel asuntu li
i txeu otus asuntu
djobe na jw.org.