JW subtitle extractor

?Wanem Nem Blong God?

Video Other languages Share text Share link Show times

?Wanem Nem Blong God?
- 

?Wanem Nem Blong God?

?Wanem nem blong God?
Baebol i talem nem blong plante God.
Ol man blong ol kantri raonabaot long Isrel bifo
oli wosipim ol god olsem Astoret,
Bal mo Molek.
Ol fas Kristin oli laef wetem ol man
we oli wosipim ol god olsem Atemis,
Heremes mo Sus.
Mo nem blong ol god ya i stap long Baebol.
Baebol i talem se: “I gat plante ‘god.’”
be i gat wan God we nem blong hem i kamaot
plante long ol olfala hanraet blong Baebol,
i bitim ol nem blong ol narafala god ya.
Sipos yu ridim Baebol we ol man oli stap yusum tede,
bae yu faenem nem blong ol narafala god ya.
Be long plante Baebol,
oli tekemaot nem blong God ya we i kamaot plante taem moa
i bitim ol narafala god.
Nem blong God ya
i kamaot samwe long 7,000 taem
long ol olfala hanraet blong Baebol.
?Wanem nem blong God ya
we oli tekemaot nem blong hem long Baebol?
Fas haf blong Baebol we tede
ol man oli kolem Olfala Testeman,
oli raetem fastaem long lanwis Hibru mo Arameik.
Long lanwis Hibru,
oli raetem nem blong God long fo leta.
Lanwis Hibru, man i ridim i stat long raet i kam long lef.
Long Inglis, oli raetem fo leta ya se YHWH.
Yumi no save stret
olsem wanem oli talem saon blong nem blong God
long lanwis Hibru.
Be, ol fofala leta ya
oli kamaot plante taem long ol olfala hanraet
mo oli raetem nem ya long plante narafala ples tu.
Long Inglis,
oli transletem nem blong God se <i>Jehovah</i>.
Sam narafala Baebol oli transletem se “Yahweh”.
Long sam Baebol,
oli yusum nem blong God, long Ol Sam 83:18
mo tu, long sam narafala vas.
Long sam narafala Baebol, olsem Baebol ya 
<i>New World Translation of the Holy Scriptures, </i>
oli putumbak nem blong God long stret ples,
olsem we i bin stap long ol olfala hanraet.
Prapa nem blong God i stap samwe long
7,000 taem long Baebol.
Taswe, hemia i soemaot se God i wantem se
yumi save nem blong hem mo yusum.
Long loa we God i givim long ol man Isrel,
hem i talem long Moses se:
“Ol Isrel, yu lesin:
Jehova, God blong yumi,
hem wan nomo i Jehova.” 
Jisas i yusum ol tok blong loa ya.
Hemia i soemaot se hem i save
mo i stap yusum prapa nem blong God.
Long wan prea we hem i mekem bifo we hem i ded,
hem i talem long Jehova God se:
“Mi mi mekem olgeta oli save nem blong yu.”
Wan man i save gat plante taetel
olsem Hasban,
Papa,
Akitek,
mo hem i gat prapa nem blong hem tu,
olsem, Jon.
Long sem fasin,
God i gat plante taetel:
God Ya We i Gat Olgeta Paoa,
God Ya We i Wokem Olgeta Samting,
mo Masta.
Be, hem i gat wan prapa nem blong hem,
we i no gat wan narafala god i save tekem nem ya.
Nem ya hem i Jehova.
Maet yu stap tingbaot se:
?God i olsem wanem?
?God i kea long yu?
?Yu save mekem wanem blong save gud God?
Blong lanem moa samting we Baebol i talem long topik ya
mo sam narafala topik bakegen,
yu go long jw.org.


-