JW subtitle extractor

¿Yaan wa u kʼaabaʼ Dios?
Le Bibliaoʼ ku yaʼalik u kʼaabaʼ yaʼab diosoʼob.
Le kaajoʼob yanoʼob kaʼach naatsʼ tiʼ u kaajil Israeloʼ
ku adorartikoʼob Astoret, Baal yéetel Mólek.
Tu kʼiinil le yáax cristianoʼoboʼ yaan máaxoʼob
adorartik Ártemis, Hermes yéetel Zeus.
U kʼaabaʼ le diosoʼobaʼ tsʼíibtaʼan teʼ Bibliaoʼ.
Le Bibliaoʼ ku yaʼalikeʼ
«yaʼab ‹diosoʼob›» yaan.
Baʼaleʼ yaan juntúul Dioseʼ maas yaʼab u téenel
ku chíikpajal u kʼaabaʼ teʼ Bibliaoʼ,
maʼ jeʼex le uláakʼ diosoʼoboʼ.
Tak bejlaʼeʼ wa ka xokik junpʼéel Bibliaeʼ
yaan a wilik u kʼaabaʼ le uláakʼ diosoʼoboʼ.
Pero u kʼaabaʼ le Dios maas ku chʼaʼchiʼitaʼaloʼ
tsʼoʼok u luʼsaʼal tiʼ yaʼab Bibliaʼob.
Le kʼaabaʼaʼ kex siete mil u téenel
ku chíikpajal kaʼach teʼ úuchben Bibliaʼoboʼ.
¿Máax le Dios tsʼoʼok u luʼsaʼal
u kʼaabaʼ teʼ Bibliaoʼ?
U yáax jaats le Biblia kʼaj óolaʼan
bey Antiguo Testamentooʼ
ich hebreo yéetel arameo tsʼíibtaʼabi.
Ich hebreoeʼ u kʼaabaʼ Dioseʼ ku tsʼíibtaʼal
yéetel kanpʼéel letraʼob.
Tu x-noʼoj máak ku káajal u tsʼíibtaʼal.
Ich españoleʼ le letraʼobaʼ YHWH.
Maʼ ojéelaʼan baʼax vocalil ku
tsʼaʼabal kaʼach ichil le letraʼobaʼ,
baʼaleʼ yaʼab u téenel ku chíikpajal
tu úuchben tsʼíibiloʼob le Bibliaoʼ.
Tsʼoʼoleʼ yaʼab uláakʼ tuʼux tsʼíibtaʼabi.
Ich mayaeʼ u kʼaabaʼ Dioseʼ suuk
u yaʼalaʼal Jéeoba wa Yahveh.
Le kʼaabaʼaʼ tiʼ jujunpʼéel Bibliaʼobeʼ ku chíikpajal
teʼ Salmo 83:18 bey xan tiʼ uláakʼ versiculoʼob.
Yaan bibliaʼob jeʼex
U Suttʼaanil Túumben Luʼumoʼ
ku taaskoʼob u kʼaabaʼ Dios tiʼ tuláakal
le tuʼuxoʼob tsʼaʼab teʼ yáax tsʼíiboʼob beetaʼaboʼ.
Dioseʼ jach u kʼáat ka k-ojéelt bix u kʼaabaʼ
yéetel ka chʼaʼchiʼite,
le oʼolal tu beetaj u tsʼíibtaʼal
kex siete mil u téenel teʼ Bibliaoʼ.
Le Ley tu yaʼalaj Dios tiʼ Moisés
ka u tsʼíibtoʼ ku yaʼalik:
«Israel, uʼuye: Jéeoba k-Dioseʼ
chéen juntúul Jéeoba».
Jesuseʼ tʼaanaj tiʼ le Leyaʼ. Lelaʼ u kʼáat u yaʼaleʼ
u yojel bix u kʼaabaʼ Dios yéetel ku yaʼalik.
Juntéenjeakeʼ tu yaʼalaj tiʼ Jéeoba Dios:
«Teneʼ tsʼoʼok in tsʼáaik
u kʼaj óoltoʼob a kʼaabaʼ».
Jejeláas bix jeʼel u yaʼalaʼal tiʼ máakeʼ:
íichamtsil,
taatatsil,
arquitecto...
pero yaan u kʼaabaʼ, maʼ xaaneʼ Juan.
Dios xaneʼ jejeláas bix u yaʼalaʼaltiʼ:
Kiʼichkelem Yuum,
Jajal Dios
wa Yuumtsil.
Pero yaan xan u kʼaabaʼ.
Chéen tiʼ letiʼ yaan le kʼaabaʼ jeʼelaʼ.
U kʼaabaʼeʼ Jéeoba.
Maʼ xaaneʼ ka tuklik: «¿Bix Dios?
¿Jeʼel wa u yáantkoʼoneʼ?
¿Bix jeʼel k-natsʼikba tiʼ letiʼeʼ?».
Lelaʼ tiʼ ku tsoʼolol tu
kaʼapʼéel u xookil le folleto
U maʼalob péektsiloʼob Dios
Éems le folleto teʼ jw.org.
Wa uts ta tʼaaneʼ
jeʼel k-kaʼansikech yéetel le Bibliaoʼ.
Túuxt a solicitud tiʼ Internet.
Juntúul u j-jaajkunaj Jéeobaeʼ
jeʼel u xíimbaltikech teʼ hora
yéetel teʼ tuʼux maas maʼalob a wilkoʼ.