JW subtitle extractor

Yu ting God i gat Nem?
Baibel i stori long nem bilong planti god
Ol kantri i stap klostu long lain Israel bilong bipo i save lotuim ol kain god olsem, Astarte Bal na Molek
Ol Kristen long taim bilong ol aposel i stap namel long lain i lotuim god Artemis, Hermes na Sus,
na nem bilong ol displa god i stap long Baibel
Baibel i tokaut klia olsem i gat bilong planti god,
tasol nem bilong wanpela God i kamap planti taim moa long ol manu-skrip bilong Baibel.
Na displa Nem i stap planti taim winim ol narapela god
Sapos yu ritim Baibel ol i trensleitim long nau, yu bai lukim nem bilong ol narapla god i stap
Tasol planti Baibel i rausim nem bilong displa God we i kamap planti taim long Baibel.
Displa Nem i stap 7000 taim long ol olpela rait bilong ol Baibel long bipo.
Husat displa God, em ol i rausim Nem bilong em long Baibel?
Namba wan hap bilong Baibel em Olpela Testamen
Na ol i raitim long tok ples Hibru na long tok Aram.
Ol i usim 4pela leta Hibru long trensleitim nem bilong God, ol i save rit long rait said igo long lef said,
long Inglis dispela 4pela let Hibru em YHWH.
Yumi no save long pasin bilong kolim Nem bilong God long bipo
Tasol 4pela leta i makim nem bilong God i kamap planti taim long ol manu skrip bilong ol Baibel long bipo
Na ol i raitim tu long planti ol narapla hap.
Long tok Inglis, ol i raitim nem bilong God olsem, ‘Jehovah’, em narapla wei bilong trensleitim nem Yahweh
Sampela Baibel i usim dispela nem bilong God long Song 83 ves 18 na ol narapela hap tu.
Long sampela Baibel olsem, ‘New World Translation of the Holy Scripture’
Ol i putim bek Nem stret bilong God long ol hap we em i bin stap long bipo.
Sapos Nem bilong God i stap long Baibel inap 7000 taim,
displa i soim klia olsem Em i laik bai yumi mas save long Em na usim displa Nem
Long Lo God i givim long Israel, Em i tokim Moses long raitim ol displa tok,
‘’Yupla Israel harim gut Jehovah em God bilong yumi Em wanpla tasol Em i Jehovah’’.
Tok Jisas i mekim i stap long Buk bilong Lo. So em i save long Nem bilong God na i usim.
Long wanpla laspla beten em i mekim paslain long em i dai,
Jisas i tokim God Jehovah ‘’mi bin kamapim nem bilong yu’’
Man inap i gat planti biknem, Maritman, Papa, Akitek
Na nem bilong yumi wan wan olsem Jon.
Long wankain pasin God i gat planti biknem, God i gat olgeta Strong, Krieta na Bikpela.
Na Em i gat narakain nem tu, ino gat narapela god i gat displa nem. Displa Nem, em Jehovah.
Sampela taim bai yu tingting..
God i wanem kain? Yu ting Jehovah i save tingim yumi? Olsem wanem yumi inap igo klostu moa long God?
Bekim bilong ol displa askim i stap long lesen 2 long buk let ‘’Gutpela Nius i Kam long God’’
Yu ken daulodim wanpela kopi long jw.org/tpi.
Ol Witnes bilong Jehovah bai amamas long stadi long Baibel wantaim yu.
Pulumapim rikwest form i stap long intanet bilong stadi long Baibel, na wanpla Witness long hap bilong yu,
bai kam na stori wantaim yu long Baibel, long taim na ples i stret long yu.

Yu Ting God i Gat Nem?