JW subtitle extractor

‎‪‎‪Gizhe-Manidoo na odayaan wiinzowin?
‎‪‎‪Niibiwa manidoog wiinjigaazowag
‎‪‎‪Gichi-Mazina’iganing.
‎‪‎‪Mewinzha Israeling
‎‪‎‪awiyag besho gaa-gii-ayaawaad
‎‪‎‪ogii-bamitawaawaa’ manidoog
‎‪‎‪Ashtoreth, Baal, gaye Molech.
‎‪‎‪Godag awiyag ogii-bamitawaawaaʼ manidoog
‎‪‎‪Artemis, Hermes, gaye Zeus;
‎‪‎‪gaye atewan owiinzowiniwaan Gichi-Mazina’iganing.
‎‪‎‪Gichi-Mazina’igan ikidoomagan
‎‪‎‪‘e-baatiinowaad manidoog.’
‎‪‎‪Bezhig dash Manidoo owiinzowin
‎‪‎‪ozhibii’igaadeni imaa gete-Gichi-Mazina’iganan
‎‪‎‪awashime apiich ogo bakaan manidoog.
‎‪‎‪Anamitooyan oshki-Gichi-Mazina’iganan,
‎‪‎‪gidaa-mikaanan owiinzowiniwaan
‎‪‎‪igi bebakaan manidoog.
‎‪‎‪Owe Gizhe-Manidoo owiinzowin
‎‪‎‪aapiji gaa-mikonjigaadeg
‎‪‎‪gii-odaapinigaade.
‎‪‎‪Owiinzowin niizhwaasomidanaak (7,000)
‎‪‎‪ateni imaa maawach
‎‪‎‪gaa-gete’iiwang Gichi-Mazina’iganan.
‎‪‎‪Awenen awe Gizhe-Manidoo owiinzowin
‎‪‎‪gaa-gii-odaapinigaadenig?
‎‪‎‪Iwe gaa-izhinikaadeg Gete-Mazina’igan
‎‪‎‪gii-ozhibii’igaade Hebrew gaye Aramaic.
‎‪‎‪Niiwin ozhibii’iganensan aabajichigaadewan
‎‪‎‪Gizhe-Manidoo owiinzowin imaa Hebrewing.
‎‪‎‪Anamichigaade napaaj aa’ii izhi.
‎‪‎‪Ono niiwin ozhibii’iganensan YHWH.
‎‪‎‪Aanind ozhibii’iganensan
‎‪‎‪Gizhe-Manidoo owiinzowining
‎‪‎‪gaawiin gikenjigaadesinoonan noongom.
‎‪‎‪Mii dash ono niiwin ozhibii’iganensan
‎‪‎‪miziwe ateniwan imaa gete-Gichi-Mazina’iganan.
‎‪‎‪Gaye mazinaʼibii’igaadewan miziwe.
‎‪‎‪Anishinaabemowining, weweni gikendaagwan
‎‪‎‪Gizhe-Manidoo owiinzowin Jehovah;
‎‪‎‪bakaan gaye Yahweh.
‎‪‎‪Aanind Gichi-Mazina’iganan odaabajitoonaawaa
‎‪‎‪bezhig ono imaa Psalm 83:18,
‎‪‎‪bakaan ingoji gaye.
‎‪‎‪Aanind Gichi-Mazina’iganan,
‎‪‎‪daabishkoo iwe
‎‪‎‪New World Translation of the Holy Scriptures,
‎‪‎‪gitwaam ogii-atoonaawaa Gizhe-Manidoo owiinzowin
‎‪‎‪imaa nishtam gaa-gii-atenig.
‎‪‎‪Aaniish ginandawenimigonaan ji-gikendamang
‎‪‎‪gaye ji-aabajitooyang owiinzowin,
‎‪‎‪Gizhe-Manidoo ogii-atoon awashime
‎‪‎‪niizhwaasomidanaak (7,000) Gichi-Mazina’iganing.
‎‪‎‪Onashowewining Gizhe-Manidoo
‎‪‎‪ogii-miinaa’ Isriyala’,
‎‪‎‪Moses ogii-inaa’:
‎‪‎‪Jesus ogii-aabajitoon Gizhe-Manidoo owiinzowin.
‎‪‎‪Anami’aawining
‎‪‎‪jibwaa-nibod Jesus ogii-inaan Jehovahoon:
‎‪‎‪Inini niibiwa wiinjigewinan odayaanan:
‎‪‎‪Naabem,
‎‪‎‪Baabaa,
‎‪‎‪Mazinibii’igewinini,
‎‪‎‪gaye wiin igo owiinzowin daabishkoo John.
‎‪‎‪Gizhe-Manidoo gaye odayaanan wiinjigewinan:
‎‪‎‪Mashkawendaagozid,
‎‪‎‪Gaa-Ozhichiged,
‎‪‎‪gaye Gaa-Dibenjiged.
‎‪‎‪Wiin eta odayaan iwe wiinzowin,
‎‪‎‪gaawiin bakaan manidoo ogayaabajitoosiin:
‎‪‎‪Jehovah
‎‪‎‪Giwii-gikendaan ina:
‎‪‎‪‘Aaniin enaadizid Gizhe-Manidoo?
‎‪‎‪Jehovah na gizhawenimigonaan?
‎‪‎‪Aaniin besho ge-zhi-gikenimang Gizhe-Manidoo?’
‎‪‎‪Gidaa-mikaanan nakwetamowinan
‎‪‎‪imaa gikino’amaagowin niizh (2)
‎‪‎‪imaa mazina’iganensing
‎‪‎‪Minwaajimowin Gizhe-Manidoo Onji!
‎‪‎‪Gidaa-ondinaan omaa jw.org.
‎‪‎‪Jehovah’s Witnesses daa-minwendamoog
‎‪‎‪ji-gikino’amawikwaa Gichi-Mazina’igan.
‎‪‎‪Mooshkinebii’an giwiinzowin
‎‪‎‪gaye aandi eyaayan omaa jw.org,
‎‪‎‪awiya ji-bi-mawadasik bigo apii
‎‪‎‪gaye aandi endawendaman.

Gizhe-Manidoo Na Odayaan Wiinzowin?