JW subtitle extractor

Maro an̈aran̈a Zan̈ahary hafa koran̈iny Baiboly ao.
Iro firenena tsy Israelita aby io
nivavaka tamy Zan̈ahary hafa,
Astarta, Bala baka io Moleka.
Naro koa olo tamy taonjato voanalohany
nanompo Zan̈ahary hafa,
karaha ataony, Artemisy, Hermesy ndreky Zeosy.
Hita an̈aty Baiboly ao an̈arandro Zan̈ahary aby io.
Koran̈iny Baiboly ao fa maro Zan̈ahary.
Amy Baiboly amy soratan̈ana taloha tan̈y,
ahitan̈a an̈aran̈a Zan̈ahary araiky
mimpodimpody matetiky,
mandilatra isany an̈arandro
Zan̈ahary hafa aby io mitambatra.
Anao koa mamaky Baiboly misy amy zioty,
mbala ho hitanao ao fo an̈arandro
Zan̈ahary tsy izy aby io.
Raha mahagaga ndraiky,
amy Baiboly maro
nadoso an̈aran̈a Zan̈ahary ten̈a
mimpodimpody matetiky ao.
Amy Baiboly nisoratin̈y efa elabe tan̈y,
ahitan̈a an̈aran̈a Zan̈ahary io mimpody im-7000.
Azovy ma an̈aran̈a Zan̈ahary
nadoso tamy Baiboly tao io?
Nisoratin̈y tamy volan̈a Hebreo
ndreky tamy volan̈a Aramianin̈y
tapany voanalohany amy Baiboly,
Testamenta Taloha fahaizanolo izio.
Amy volan̈a Hebreo,
litera efatra nanoratan̈a an̈aran̈a Zan̈ahary io.
Mamaky izio baka ankavan̈ana mandeha ankavia.
Amy teny Gasy, JHVH nanoratan̈a iro litera efatra io.
Tsy hay ino zanatsoratra ten̈a mifan̈araka
amy litera efatra fanoratan̈a an̈aran̈a Zan̈ahary io.
Fa litera efatra io fo matetiky
mimpody amy Baiboly soratan̈ana taloha tan̈y.
Maro koa tany ahitan̈a litera aby io.
Amy teny Gasy,
matetiky nandikan̈a an̈aran̈a Zan̈ahary io, Jehovah,
na nadika Yaveh.
Baiboly sasany mampiasa Jehovah na Yaveh io
amy Salamo 83:18,
ndreky amy andininy maro hafa koa.
Nampody amy tany nisy izy tamy voanalohany tan̈y
an̈aran̈a Zan̈ahary io amy fandikanteny hafa,
Karaha ataony amy Fandikantenin’ny Tontolo Vaovao.
Nirahiny Zan̈ahary nisoratiny im-7000
an̈aranany io amy Baiboly ao.
Zen̈y mivolan̈a fa tiany ho haintsika
ndreky ampiasaintsika an̈aranany io.
Karaha ty nirahiny Jehovah nisoratiny Mosesy
tamy lalàn̈a namiany iro Israelita aby io:
Jesosy koa mbala nivolan̈a
raha misoratra amy lalàn̈a io.
Hita baka amy zen̈y fa izy nahay
ndreky nampiasa an̈aran̈a Zan̈ahary.
Tamy vavakanany araiky talohany nifatesany,
izy nivolan̈a tamy Zan̈ahary Jehovah:
Mety misy fan̈ajan̈a maro olo araiky,
mety vady,
baba,
pan̈amboatra plany tran̈o,
fa tsy zen̈y an̈arany,
fa Jean an̈arany.
Zan̈ahary koa misy an̈aran̈a fan̈ajan̈a maro,
Farany Mahery,
Pamoron̈o,
ndreky Tompo.
Fa izy misy an̈aran̈a ninany
tsy mampiran̈a izy amy Zan̈ahary hafa.
An̈aran̈a io, Jehovah.
Anao mety han̈ontany:
Izikoa tianao hahay raha
koran̈iny Baiboly momba zen̈y,
na momba raha hafa koa,
midira amy jw.org.

Zan̈ahary ma Misy An̈aran̈a?