JW subtitle extractor

¿Kasaichi nünülia Maleiwa?
Suluʼusü Biblia
nanülia na maleiwayaashiikana.
Na kepiakana pejepünaa
nanain na israeliitakana
naʼwaajüin Astoret, Baal otta Mólek.
Na anoujashii namaiwajanakana
naʼakashii na aʼwaajakana
Ártemis, Hermes otta Zeus.
Suluʼusü tü Bibliakat anülieekalüirua tia.
Wainma na maleiwayaashiikana
saashin tü Bibliakat.
Aküjünüsü nünülia Maleiwa
wainmatua suluʼu tü ashajuushi sümaiwajatkat
suulialeʼeya sünülia
tü wane maleiwakalüirua.
Wachajaale nanülia na maleiwayaashiikana
suluʼu tü Biblia eekat maaʼulu,
wanteerü anain.
Nnojotpejeʼe eʼitaanüin nünülia Maleiwa
eerejeʼe wainmatuain süshajünüin.
Tia anülieekat ashajünüsü maʼaka 7.000tua
suluʼu tü Biblia sümaiwajannuukat maʼin.
¿Jarai chi Maleiwa asünneʼenakai anülia
suluʼujee tü Bibliakat?
Tü palajannuuka karalo’uta
ashajünaka suluʼu tü Bibliakat
ashajünüsü süka hebreo otta arameo,
shiyajiraʼaya neʼe.
Pienchisü leetüra hebreo
ashajünaka aka nünülia Maleiwa,
reweesü tü saashajeʼeriakat.
Tia pienchisükalüirua leetüra
shia tü makalü yaa
YHWH.
Nnojotsü atüjaanüin aaʼu
jamapuʼuin saashajeʼeria nünülia Maleiwa,
shiapejeʼe tia pienchisükat leetüra
ashajünaka aka nünülia Maleiwa
suluʼu tü ashajuushi sümaiwajatkat.
Ashajünüsü shia sünain waneirua kasaya.
Sutuma tü wayuukalüirua
maaʼulu yaa,
Jehová münüshi,
eeshii Yahvé namüle.
Eesü süshajünüle suluʼu waneirua Biblia
tia anülieekalüirua
maʼaka saaʼin suluʼu Salmo 83:18.
Ashajünüsü sünain Traducción
del Nuevo Mundo de las Santas Escrituras
süpüshuaʼa tü nünüliakat Maleiwa
eejatüle shia sümaiwa paala.
Nüshajirüin Maleiwa tü nünüliakat
maʼaka 7.000tua suluʼu tü Bibliakat,
keeʼireesü naaʼin weʼraajüin nünülia
jee wachuntuin shia.
Müsü nünüiki Maleiwa:
Nüküjüin Jesús tia pütchikat kakalia mapa.
Niʼraajüin Jesús nünülia Maleiwa
otta nuchuntuin shia.
Süpülapünaa outuin nia
müsü nünüiki nümüin Maleiwa:
Wainma tü kasa
naaʼinrakat wanee wayuu:
kaʼwayuuseshi,
kachonshi,
otta arquitectoshi nia.
Waneesüpajaʼa neʼe nünülia.
Wainma tü nünüliayaasükat Maleiwa
maʼaka saaʼin:
Pülashikai maʼin,
Kuʼyamaikai
otta Senyotkai.
Waneesia neʼe nünülia,
nnojoishi müin aka saaʼin tü maleiwayaasükalüirua.
Tü nünüliakat shia
Jehová
Eeshijaʼa püsakirüichire:
Aküjünüsü tia suluʼu tü poyeetokot
Pütchi anasü
ekirajaaya 2.
Püdescargaaja shia suluʼu jw.org.
Nekirajeein pia sünain tü Bibliakat
na aküjüliikana pütchi nüchiki Jehová.
Puchunta ekirajawaa sünain tü Bibliakat
suluʼu jw.org,
nikirajeechi pia wanee Aküjai pütchi
eere pücheküin jee soʼu tü oora püchekaka.