JW subtitle extractor

Maro raha mety mampakajo anao,
na a lekoly zen̈y,
na ahia na ahia tany misy anao.
Anao fa mianatra leson ndreky
man̈ano devoara maro,
mbala io koa ditriny tsaiky a lekoly an̈y,
fotony anao tadiavindro han̈ano firaisan̈a,
hi-triche, hifima sigarety
ndreky hihina jamala.
Ndray raha io efa hainao tsarabe fa ratsy,
fa ndraikindraiky anao karaha
mahatsiaro perty hoe koa tsy man̈ano izio.
Tsy anao zaraiky fo karaha zen̈y.
Tsy zio vo sambany nisy tsaiky
tahôminy namany haditry zen̈y,
kanefa anao tsy voatery han̈ano karaha iro,
fotony Baiboly afaka man̈ampy anao.
Eksodosy 23:2 mivolan̈a,
“Aza man̈araka ny maro.”
Dikany zen̈y,
tsy zay raha ataony tsaiky
zay mila arehanao aby.
Ndray maro iro man̈ano raha io,
aza man̈eky ribiribenolo.
Karakory fo basy tokony ataonao
izikoa misy tsaiky mitaon̈o anao haditry?
Ataova raha efatra ty:
Voanalohany,
mila hainao
ahia aby tany misy tsaiky
mety hitaon̈o anao haditry?
Ndraiky, ino aby raha
mety hampaditry anao?
Ke izikoa fa hitanao misy raha tsy paripare,
aza mandalo io sandra,
mivilia lalan̈a.
Faharoe,
mandiniha tsarabe fa aza man̈ekin̈eky fo.
Iritrireta vokatrany ditry io afara an̈y.
Ohabolana 14:15 mivolan̈a fa,
“Olo misy jery mandiniky dianany tsiaraikiaraiky.”
Aza man̈anon̈ano foan̈a fa mandiniha tsara.
Tsy mora ndraikindraiky tsy man̈eky,
fotony anten̈a mba tiho namandro.
Amy zen̈y anao ten̈a mila mandiniky tsarabe,
“Tsy ndraiky hanen̈iny edy zaho
koa man̈ano izity va?
Akory hiafarako?
Karakory volan̈iny papako ndreky
mamako koa mahay zen̈y,
kanefa iro ten̈a tia zaho?”
Fahatelo,
Diniha tsarabe raha tokony ataonao.
Ohabolana 24:5 mivolan̈a:
“Olo koa manan̈a fahaizan̈a,
izy hitombo angovo.”
Ho vitanao tsy han̈eky,
izikoa mazava aminao
nan̈ino anao tsy tokony haditry,
na nan̈ino ten̈a ratsy raha
hampan̈anovindro anao.
Fahefatra,
hevitrinao fo areha.
Anao tsy mila lava koran̈a.
Volan̈a amindro,
“Zaho tsy han̈ano!”
Mety ho gaga anao fa
mety ho voly iro mankadala anao.
Ke anao koa fa hitandro tsy voaton̈ondro haditry,
iro mety ho voly,
fotony ho hitandro fa anao tsy totondro marin̈y.
Mety tsy ho problemo aminao eky
tsy man̈eky volan̈andro amy man̈araka.
Aza masiaka,
fa hazavaiha amindro fo
antony tsy han̈anovanao izio.
Alaiva onon̈o ty izikoa anao
mbala ankadalaindro fo:
Ataondro soma fo anao
koa man̈eky raha volan̈indro.
Anao ndray tsy afaka hiala iro
tsaiky maditry aby io,
anao afaka tsy man̈eky raha koran̈indro.
Aza adin̈a koran̈antsika tio in̈y.
Mila hainao ahia aby tany misy
tsaiky mety hitaon̈o anao haditry.
Mandiniha tsarabe fa aza man̈ekin̈eky fo.
Diniha tsarabe raha tokony hataonao.
Hevitrinao fo areha.
Ndraikindraiky anao tsy mahasaky manohitry
izikoa misy tsaiky mitaon̈o anao haditry.
Kanefa anao koa tsy man̈eky,
amy zen̈y anao hita fa
mba manan̈a hevitrinao manokan̈a
fa tsy man̈aradroron̈o fo.

Aza Man̈araka Ditrindro!