JW subtitle extractor

Dmitry Korshunov tanülia,
kepiashi taya suluʼu tü mma
eejachire joʼuuin taya Kovrov,
shia wanee pueulochon
pasanainka sünain Rusia.
Wanaa sümaa teʼraajüin Dima
anasü taaʼin nümaa,
kamaneeshi nia otta
anasü yootoo nümaa,
nia wanee wayuu anashi.
Piamapa juya shia tamaa kasaatshii waya,
soʼuleʼeya juyakat tia
jemeisü tü wachonchonkot.
Aʼyataashi taya sünain luusa.
Süka manneetsein na wayuukana,
nawalaajüin taya süka yootshi.
Nuʼwayuuse wanee asüi,
müsü aka saaʼin yala sotpaʼa,
wanee volcán.
Anale naaʼin kamaneeshi nia
otta nükaalinjain taya.
Nüsaale naatajaishi,
aʼwanajaasü nukuwaʼipa.
Aashichijaʼawaishi,
nnojoishi jaa müin tamüin.
Nantaka waneinnua wayuu,
naashajeʼeraka tamüin
wanee wetsiikulo.
Naküjain tamüin jamüin joutka müliaa
otta jamüin shapaaka saaʼin wayuu maaʼulu.
Saashajeʼeraka Liuwa tü karaloʼutakat,
teʼrüin kamalain shia sümüin.
Naleʼejapa nachikuaʼa naküjain tamüin
wanee kasa kamalainka tamüin,
naküjain tamüin eeinjatüin wanee
paʼaraiisü nutuma Maleiwa
jee kepiainjanain na wayuukana
waneepia saaʼu tü mmakat.
Tekirajaaka sünain tü Bibliakat.
Mawaishii naya tamüin:
«Püikalaa wamaa»,
tamüshii naya:
«Nn, nnojo, soʼukai nnojo».
Keemasü maʼin tü takuwaʼipakat,
tamaka sümüin Liuwa:
«¿Kasa taaʼinrajatka?».
«Paashajeʼera tü Bibliakat», tamaka nümüin.
Nümaka tamüin:
«¿Jalejeeinjachi taya oʼttuin?».
«Puʼtta süka Mateo», tamaka nümüin.
Siraasü aika taaʼu sünain aleejaa,
müsü aka sülatakai
tamüin tü taleejakat.
Ojutuusü suluʼumüin taaʼin tia pütchikat.
«Müichia masüin taya
waneʼereeya taashajeʼerapa
süpüshuaʼa tü Bibliakat», tamaka.
Anasü nümüin tü naashajeʼerakat,
niiʼiratüinjese'e nukuwaʼipa.
Naataichipa nia, anaichipa.
Anashantasü tü naainjakat,
eeitpa talataa aaʼin miichipaʼa.
Taleejüin tü Bibliakat süpüshuaʼa,
nnojoishi taya asüin soʼu akaratshi kashi.
Talerajüin tü takuwaʼipapuʼukat,
teeʼiratüinjeseʼe takuwaʼipa.
Saashin tü Bibliakat
eesü piamasü wopu
jee tayakai suluʼushi taya
tü wopu mojusükot.
Toʼuraajaka, achuntushi taya kaalinwaa.
Eeshi nuuʼulaale suulia ekirajawaa
jee asaa müshi nia nüchikuaʼa.
Sülatapa tia nümüin,
kapüleesü maʼin nümüin
nikirajaain nüchikuaʼa sünain tü Bibliakat.
Nnojoire tachuntuin kaalinwaa nümüin Maleiwa,
iseerü tachiki tooʼulaain tü maraajakat.
Isasüjeʼe tachiki.
Sunoutuin nukuwaʼipa Dima tü Bibliakat.
Nnojotpuʼusü kasajatüin taya nümüin,
arütkaashi neʼe nia tanainmüin,
choʼujaale nümüin wanee kasa.
Aluʼusaʼa jooluʼu,
nnojoluitpa müin nukuwaʼipa.
Waʼwaajapa Maleiwa, anashantasü maʼin,
anasü nünüiki, talatüsü waaʼin.
Shia waashajaaka achiki tü wanoulakat
otta süchiki alin maʼin wapüla Jehová.
Yootiraashii waya süka anaka akuwaʼipa
otta nnojoishii waya aʼülüjiraain.
Tü talataa teʼrakat maaʼulu,
nnojotsü müin aka saaʼin tü talataa
saapapuʼukat tamüin akaijaa
jee asaa yootshi.
Teeʼiratüin tü takuwaʼipakat jee
nükaalinjain taya Jehová sünain tia.
Sunoutuin takuwaʼipa tü Bibliakat.
Müshijeseʼe eein süpüla tamüin:
«¡Talatüsü maʼin taaʼin!».

«Talerajüin tü takuwaʼipapuʼukat»