JW subtitle extractor

Tsá Áakánistssksiniiʼpa Naatóyssínaakssini Otánistsissi?

Video Other languages Share text Share link Show times

‎‪Tókskaammiksi áwaaniiyaawa
‎‪Naatóyssínaakssini otohtohtóíʼtsissi
‎‪sáyipitsíítsinikssiistsi ki ákaitapiitsinikssiistsi.
‎‪Naatóyssínaakssini noohkitssínaiiʼpa
‎‪“Iihtsipáítapiiyoʼpa otsiʼpówahsini”
‎‪“máátáakohkottsitssayiwa.”
‎‪Iihtsipáítapiiyoʼpa ikkámssínaiiʼsi Naatóyssínaakssini,
‎‪máátáakitstsiiʼpa sináákssini áístoohkima.
‎‪Ikkámohtsitsinikssi isspssksínimáʼtstohkssini,
‎‪áakohkattánistsiiwa.
‎‪Ikkamáíkayissitsinikssi,
‎‪áakááhsaanistaʼsiyaawa.
‎‪Naatóyssínaakssini ikkámohtoʼtstsissi Iihtsipáítapiiyoʼpa,
‎‪kanáítapii áakohkottókstoomiaawa
‎‪imakítstsiiʼki áíssaaksssikáaattsstooma
‎‪ááhkániitskahtooʼsi.
‎‪Naatóyssínaakssini kítaoʼohtohtóíʼtsiiwa
‎‪sáyipitsíítsinikssiistsi, tsááhtaoʼ kítaoʼmanaʼpiiwa?
‎‪Iʼtóóhkainakowa otsstákaanaʼpissi.
‎‪Otaʼyáíssinaiiʼsi Naatóyssínaakssini,
‎‪akáítapii máátsitáómaiʼtakiyaawa otóʼtakissi ksááhkoyi.
‎‪Otáíʼksistssínaiiʼsi Naatóyssínaakssini,
‎‪iitstsííʼpa iitáómaiʼtakiyaawa
‎‪iihtáómatapaʼpiiwa ohkániitáístsiistsi
‎‪otohtóʼtsissaawa owááyi.
‎‪Otánistoksaahsi 1473 B.C.E.,
‎‪Moses iisínaima ksááhkoyi
‎‪“otsíksisstoyiʼtsitsspáístsissi.”
‎‪Otánistoksaahsi 732 B.C.E.,
‎‪áíkayissitsinikiwa Isaiah
‎‪iisínaima ksááhkoyi otóʼtakissi.
‎‪Naatóyssínaakssini máátssapiʼtsima
‎‪matápiiksimsstaanistsi.
‎‪Ákaisamáiʼniwa Isaiah
‎‪ámohka nínaawa Pythagoras
‎‪ááhkamaʼpániiwa ksááhkoyi otóʼtakissi.
‎‪Ákaisamáiʼniwa Moses
‎‪ámohka isspssksínimáʼtsaawa Isaac Newton
‎‪áániiwa ksááhkoyi otsíksisstoyiʼtsitsspáístsissi.
‎‪Matápii máátáóhkottsikayissitsinikatoomiaawa íssoohtsika.
‎‪Isaiah noohkitsikáyissitsinikiwa 732 B.C.E.
‎‪Cyrus otáakomoʼtsaahsi Babylon,
‎‪otáakihkitsissi niítahtaani,
‎‪ki otáakohtsipisskohtoahsi ikáyihkiiʼpistsi
‎‪kitsímmistsi ómahkakáítapisskoyi.
‎‪Ohkanáánistaʼsiwa ámohka ikáyissitsinikssini.
‎‪Jeremiah ohkáttohtsikáyissitsinikiwa Babylon
‎‪“otáakomotapitáísspaʼkihtsissaawa óóhkotokiistsi”
‎‪ki “máátáakattonawaitapisskowa.”
‎‪Babylon ánnohk saakiitáísspaʼkihtsiiʼpa óóhkotokiistsi.
‎‪Isskóóhtsika isskonátaʼpssiiksi nínaiksi
‎‪áíssaakssikáaattsstoomiaawa
‎‪ááhkániitskahtooʼsi Naatóyssínaakssini.
‎‪Tókskammiksi iikohtóksistotoayaawa
‎‪otáítapohtooʼsoaawayi Naatóyssínaakssini
‎‪otsíʼpowahsoaawayi.
‎‪Naatóyssínaakssini ikamotááhpihkaatooma
‎‪ááhksssikáaattsstooʼsi.
‎‪Ánnohk,
‎‪isstohkánawaakáániitskahtooʼpa sináákssini.
‎‪Iitápssinaiiʼpa 2,700 iʼpówahsiistsi.
‎‪Naatóyssínaakssini ikámoʼtaʼpiiwa,
‎‪isstákaanaʼpiiyaawa,
‎‪ki kanáítapii ááhkohkottókstoomiaawa.
‎‪Kitáakohkottomaiʼtsiiʼpa‬
‎‪iihtóʼtstsiiwa Jehovah,
‎‪máátáakohkottssáyiwa.
‎‪Kitááhkamáʼpssopowahtsiʼsi:
‎‪‘Takáá Iisínaima Naatóyssínaakssini?
‎‪Tsá anistápiiwa Naatóyssínaakssini?
‎‪Tsá kitáakánistohkottotsistapiʼtsiiʼpa Naatóyssínaakssini?ʼ
‎‪Iitóyiʼtsiiʼpiaawa Iʼtáámitsinikssiistsi Iihtóʼtstsiiwa Iihtsipáítapiiyoʼpa!
‎‪issksinimáʼtstohkssini 3.
‎‪Kitáakitohkooniiʼpa jw.org.
‎‪ Jehovah Otátohkáʼtohtaaniksi
‎‪áakohtááhsiʼtakiyaawa
‎‪kitááhkohtssksinimaʼtsiʼsi Naatóyssínaakssini.
‎‪Kitáakohkottssksinimaʼtsooka Naatóyssínaakssini
‎‪Jehovah Otátohkáʼtohtaani,
‎‪‎‪káákohtoiʼtoot iihtáókamanioʼpi sináákssini.