JW subtitle extractor

Ũn pipir ag mỹ,
ón kỹ vẽnh kẽme ag tỹ Topẽ Vĩ Rá kãki rán kỹ nĩ.
Hã ra, Topẽ Vĩ Rá vỹ ẽg mỹ kãmén tĩ,
ti kãki vỹ Topẽ vĩ nĩ.
Kar Topẽ pi ón nĩgtĩ.
Topẽ tỹ Topẽ Vĩ Rá rán kỹ nĩn kỹ,
ti vĩ rá vỹ livro ũ ag kãfór nĩ.
Topẽ Vĩ Rá tỹ ciência to nén ũ tó kỹ,
ti vỹ ciência to ki hã kãmén ke nĩ.
Topẽ Vĩ Rá tỹ nén ũ tỹ hãn ri kenh fã to kãmén kỹ,
nén ũ ẽn tỹ hãn ri ke ke ke nĩ.
Kar Topẽ Vĩ Rá tỹ tỹ Topẽ tũ nĩn kỹ,
vẽnh kar vỹ Topẽ Vĩ Rá nỹtĩ ke nỹtĩ.
Jérĩn mỹ ũn pipir vỹ ti to jũgjũ tĩ.
Topẽ Vĩ Rá kãki mỹ ón kỹ vẽnh kẽme nĩ hãn?
Ke tũ nĩn kỹ ẽg tỹ ti vĩ kri finh mũ?
Ha vé, Topẽ Vĩ Rá vỹ nén ũ ag to ki hã kãmén tĩ.
Vãsỹ, Topẽ Vĩ Rá rán kỹ nĩ kã,
ũn ag pi ki kanhrãn nỹtĩ vã, ga ve ti.
Topẽ Vĩ Rá rán kỹ nĩ kar, ũn ag jykre ki,
nén kar vỹ nén oꞌ ki munmur ke.
Kar ag mỹ ga vỹ misu ag kri nĩ nĩ.
Jesus ga kri mur jo, prỹg 1473 to hã,
Moisés vỹ rán,
ga tỹ nén ũ tũ kri nĩ.
Jesus ga kri mur jo, 732 to hã,
Isaías vỹ rán,
ga vỹ ror nĩ.
Ag vỹ ga to ki hã rán kỹ nỹtĩ.
Hã ra, Isaías vỹ tũꞌ ke kar, prỹg tỹ 200 to hã,
Pitágoras vỹ ga to kãmén
ga vỹ ror nĩ.
Moisés vỹ rán kãn kar prỹg 3 mil kãfór,
Isaac Newton vỹ ga to kãmén kỹ nĩ,
ga vỹ nén ũ tũ kri nĩ.
Ũn ag pi ki hã kãmén tĩ,
nén ũ tỹ hãn ri kenh fã to.
Jesus ga kri mur jo, prỹg 732 to hã,
Isaías vỹ kãmén,
Ciro vỹ ẽmã tỹ Babilônia ra rãnh,
goj tỹ pipir han ke mũ,
kar jãnkã mág ra kã genh.
Vẽnh kãme vỹ ẽg mỹ kãmen tĩ,
tag vỹ hãn ri ke ke mỹr.
Kar Babilônia to, Jeremias vỹ rán,
Babilônia vỹ kókén kỹ nĩnh mũ,
kar ũn pi tá nĩ mãn ke mũ.
Ũri Babilônia vỹ kókén kỹ nĩ mỹr,
nén tó ja ẽn ri ke.
Prỹg e kãmĩ,
ũn tar ag vỹ ũn ag tỹ Topẽ Vĩ Rá nỹtĩ ve sór tũ nỹtĩ vã.
Ag vỹ ũn tỹ ti traduzi ke tĩ ag kygpũr tĩ vã,
kar ũn tỹ ti to jãn tĩ ag to jũgjũ tĩ vã.
Hã ra ti vỹ nĩ ver,
ti vỹ livro ũ ag kãfór nĩ.
Ge ra ti vỹ ũn ag vĩ e ki ránrán kỹ nỹtĩ.
Ũn ag vỹ Topẽ Vĩ Rá e hyn han,
ũn vĩ tỹ 2.700 ki.
Topẽ Vĩ Rá vỹ ki hã kãmén tĩ,
ciência to, nén tỹ hãn ri kenh fã to,
kar ũn e ag vỹ ti nĩ gé.
Tag tugnĩn, ã tỹ Topẽ vĩ kri finh mũ.
Topẽ pi ón nĩgtĩ.
Hã ra ũn tũ nẽꞌ vẽnh jykre tỹ Topẽ Vĩ Rá ki nỹtĩ ag ti?
Topẽ Vĩ Rá ne kãmén tĩ?
Ã hã ren kỹ Topẽ Vĩ Rá ki kanhrãn ke mũ?
Popé tỹ “Topẽ vĩ sér ã mỹ” vỹ tag to kãmén tĩ,
vẽnh kanhrãn ũn tẽgtũ ki.
Ti vem nĩ, site jw.org ki.
Jeová Kãmén Fã ag mỹ há tĩ jé tóg,
ag tỹ Topẽ Vĩ Rá to ã kanhrãn kỹ.
Jw.org ki, ẽg mỹ to vĩm nĩ,
ũn tỹ ã kanhrãn tĩ jé.

Ẽg hã ren kỹ ki kanhró nỹtĩnh mũ, Topẽ Vĩ Rá vỹ ki hã tó nĩgtĩ?