JW subtitle extractor

Trueps dij che la Bibia ie mé n liber
de stories y lijëndes,
scrites da persones cun bona ntenzions.
Ma la Bibia dij de vester “la Parola de Die”,
y Die “ne mënt nia”.
Sce Die fossa l autor dla Bibbia,
po messëssa chësc liber vester unich,
defrёnt da duc i autri libri.
Per ejëmpl, canche la Bibia rejona dla natura,
messëssela vester a una cun la scienza.
Canche la dij danora l daunì,
messёssa si profezies for se adempì.
Y sce la Bibia fossa la Parola de Die
per l’umanità,
messëssela vester a despusizion de duc,
nce do i tentatifs fac per fermé si defujion.
Ie pa la Bibia plëina de lijëndes,
o dijela pa l’aurità?
Tulon ca n valgun ejëmpli che desmostra
che la ie propi n liber straurdiner
y da pudëi ti avëi crëta.
Canche la Bibia ie unida scrita,
ova trueps fauza minonghes n con’
dla forma dla tiera.
Na teoria unida ora do
che fova unida scrita la Bibia,
dijova che l univiers fova nasciù
da n uev da stramp grant
y che la tiera fova tenida su
da plu criatures.
Ma bele ntëur al 1473 dan G.C.
ova Mosé scrit che la tiera
ie tenida tl’ aria “sëura l nia”.
Y ntëur al 732 dan G.C.
ova l profet Isaia scrit
che la tiera ie n revëut o na codla.
Chisc scritëures dla Bibia ova cuntradì
la credënzes dla persones de chëi tëmps.
Mpermò doi seculi do i dis de Isaia
ova l filosof grech Pitagora
purtà dant l’idea che la tiera fossa turonda.
Y mpermò do 3.000 ani
dal tёmp di scric de Mosé,
fova scienziac sciche
Isaac Newton
unic sёura che la tiera ie tenida
tl’aria sёura l nia.
Deguna persona po’ dì avisa l daunì danora.
Purempò ova l profet Isaia,
ntëur al 732 dan G.C.,
dit danora che n ël cun inuem Kyros
ëssa tëut ite Babilonia.
Ël ëssa suià ora n ruf y fossa jit ite tla zità
tres la portes lascedes daviertes.
La storia cunfërma che chësta profezia
ie unida a se l dé te uni particuler.
L profet Geremia ova dit danora
che Babilonia fossa deventeda n mudl de sasc
y che la zità ne fossa mei plu unida abiteda.
Scebën che la fova te
na pusizion strategica, iela unida desdruda,
y mo ncuei iela n mudl de sasc.
Cun l passé di seculi à persones nfluëntes
fat dl dut per pruibì la defujion
y la traduzion dla Bibia.
I cianciadëures univa brujei vives
y chëi che la lijova, univa perseguitei.
Degun auter liber ie unì tan cumbatù
sciche la Bibia.
Purempò iela deventeda l liber plu ciancià
y dat ora de duc i tëmps.
L ie unì stampà miliardes de copies
te zirca 2.700 rujenedes.
La Bibia ie a una cun la scienza,
la cuntën profezies dёnies de fidanza
y la ie a despusizion de duc.
L ie truepa rejons per crëier che la Bibia
ie nspireda da Iehova, l Die che ne mënt nia.
Povester Ve damandëis:
Per unì sëura cie che dij la Bibia sun chësc
y d’autri argumënc,
vijitëde la plata jw.org.

Ciuldì pudons’a ti crëier ala Bibia?