JW subtitle extractor

Yaan máax aʼalikeʼ
le Bibliaoʼ chéen úuchben
tsikbaloʼob tsʼíibtaʼab tumen máakoʼob.
Baʼaleʼ le Bibliaoʼ ku yaʼalikeʼ u Tʼaan Dios,
Máax maʼ tu páajtal u tuus.
Wa le Biblia tiʼ Dios u taaleʼ,
deber u yilaʼal u jelaʼanil tiʼ uláakʼ libroʼob.
Por ejemplo le kéen tʼaanak tiʼ cienciaeʼ,
maʼ deber u bin tu contra
le baʼax ku yaʼalik le cientificoʼoboʼ.
Le kéen u yaʼal baʼax ku taal u kʼiineʼ
le profecíaʼoboʼ tu cien por cientoil
ku béeychajloʼob mantatsʼ.
Wa le Biblia u Tʼaan Dioseʼ
deber u yantal tu kʼab tuláakal máak
kex náach tuʼux kajaʼan
wa kex ku prohibirtaʼal u tʼoʼoxol.
¿Chéen wa cuentos ku yaʼalik le Bibliaoʼ
wa jach jaaj baʼax ku yaʼalik?
Koʼox ilik jujunpʼéel baʼaxoʼob eʼesikeʼ
jeʼel u páajtal k-confiar tiʼ le Bibliaoʼ.
Tu kʼiiniloʼob tu tsʼíibtaʼal le Bibliaoʼ,
yaʼab máakoʼobeʼ
jejeláas u tuklikoʼob bix le Luʼumaʼ.
Tsʼokaʼaniliʼ u tsʼíibtaʼal le Biblia ka joʼopʼ
u kaʼansaʼaleʼ le unirversooʼ tiʼ upʼéel jeʼ káajik
yéetel le Luʼumaʼ kuchaʼan bin
tumen baʼalcheʼob.
Baʼaleʼ Moisés tu tsʼíibtaj óoliʼ
tu añoil 1473 táanil tiʼ Cristoeʼ
chʼuykíintaʼan tu jáan pʼikʼenil.
Kex tu añoil 732, le profeta Isaíasoʼ
tu tsʼíibtajeʼ le Luʼumaʼ wóolis.
Le baʼax tsʼíibtaʼab yoʼolal le Luʼumaʼ jach
jelaʼan tiʼ bix u tuklik le máakoʼob teʼ kʼiinoʼoboʼ.
Doscientos años kíimik Isaíaseʼ,
Pitágoras, utúul filosofoeʼ,
káaj u yaʼalik le Luʼumaʼ wóolis.
Tres mil años máanak
tiʼe baʼax tu tsʼíibtaj Moisesoʼ,
le científico Isaac Newtonoʼ
tu tsʼáaj cuentaeʼ le Luʼumaʼ
chʼuykíintaʼan yóokʼol mix baʼal.
Mix máak u yojel baʼax ku taal u kʼiin,
baʼaleʼ Isaíaseʼ tu tsʼíibtaj
tu añoil 732 táanil tiʼ Cristoiʼ
yaan u xuʼulsaʼal u kaajil Babilonia
yéetel tu yaʼalaj Ciro kun beetik.
Yaan u yéemsik u kaʼanlil le jaʼoʼ
yéetel píiʼ jeʼekʼab le joonaj kéen ookkoʼoboʼ.
Le baʼax uchaʼanoʼ ku yeʼesik
jach jaajchaj le profecíaaʼ.
Tsʼoʼoleʼ maʼ chéen aʼalaʼab yaan u lúubul le kaajoʼ,
profeta Jeremíaseʼ tiaʼalaj xan mix bikʼin
kun kaʼa yantal u kajnáaliloʼob.
Kex jach maʼalob tuʼux yanik
Babilonia kaʼachoʼ láaj júut u pakʼiloʼob
tak bejlaʼeʼ láayliʼ bey anikoʼ.
Desde úuchjeakileʼ yaʼab máakoʼob
taak u xuʼulskoʼob u tʼoʼoxol
yéetel u traducirtaʼal le Bibliaoʼ.
Ku kíimsikoʼob le
máaxoʼob ku traduciroʼoboʼ
yéetel ku chʼaʼpachtikoʼob
le máaxoʼob ku xokkoʼoboʼ.
Minaʼan uláakʼ libro tsʼoʼok
u sen chʼaʼpachtaʼal jeʼex le Bibliaoʼ.
Kex beyoʼ tsʼoʼok u jóoʼsaʼal tiʼ le
jejeláas idiomaʼob yaan yóokʼol kaaboʼ.
U millonesil tsʼoʼok u beetaʼal
tiʼ 2,700 jejeláas idiomaʼob.
Kéen tʼaanak tiʼ cienciaeʼ
jaaj baʼax ku yaʼalik,
ku láaj béeytal le profecíaʼoboʼ
yéetel tuláakal máak jeʼel u páajtal u xokikeʼ.
Jeʼex a wilkoʼ
yaʼab baʼax eʼesikeʼ le Bibliaoʼ ku taal
tiʼ Jéeoba, le Dios maʼ tu páajtal u tuusoʼ.
Wa taak a wojéeltik:
¿Máax tiʼ u taal le Bibliaoʼ?
¿Tiʼ baʼax ku tʼaan le Bibliaoʼ?
¿Baʼax jeʼel u yáantkoʼon
k-naʼat le Bibliaoʼ?
U núukileʼ tiaʼan tu yóoxpʼéel xookil le folleto
U maʼalob péektsiloʼob Dios.
Lelaʼ jeʼel a wéensik tiʼ Internet te jw.org.
U j-jaajkunajoʼob Jéeobaeʼ
yéetel kiʼimak óolal ken u yáantechoʼob.
Kʼáat tiʼ Internet ka
kaʼansaʼakech yéetel le Bibliaoʼ.
Juntúul u j-jaajkunaj Jéeobaeʼ
jeʼel u xíimbaltikech teʼ kʼiin, teʼ hora
yéetel teʼ tuʼux maas maʼalob a wilkoʼ.

¿Bix jeʼel a wojéeltik jaaj baʼax ku yaʼalik le Bibliaoʼ?