JW subtitle extractor

Misy olo mivolan̈a fa
angano ndreky tantara nisoratinolo
tsara sitrapô fo an̈atiny Baiboly ao.
Baiboly ndraiky mivolan̈a fa
izio Volan̈a Zan̈ahary,
baka io Zan̈ahary io tsy mahay mavandy.
Izikoa Baiboly baka amy Zan̈ahary,
dikany zen̈y izio tokony hiavaka
amy boky jiaby nisoratinolo.
Ohatra, Baiboly koa fa mikoran̈a
raha momba siansy,
tokony hifan̈araka amy raha hitany
manampahaizan̈a momba siansy fo raha koran̈iny.
Izio koa fa mikoran̈a raha mbala hoavy,
tokony ho tanteraka zato isanjato
faminanian̈a jiaby koran̈iny ao.
Izikoa koa hafatra Zan̈ahary handeha
aminy olombelon̈o an̈atinizio ao,
dikany zen̈y tokony olo jiaby
mety mahazo izio,
na ahia na ahia tany misy izy.
Ndray ino raha ataonolo,
tsisy olo tokony hahavita han̈afoan̈a izio.
Angano ma raha koran̈inizio ao sa
mikoran̈a raha ten̈a marin̈y?
Diniha hely baka antony
mahavy atsika mivolan̈a fa
Baiboly io boky miavaka ankitin̈y
sady atokisan̈a.
Tamy fotoan̈a nanoratan̈a Baiboly io,
maro olo diso hevitry momba tany ty.
Nisy olo nivolan̈a fa
raha jiaby amy donia ty
niboaka baka tan̈atiny antody maventy be,
ke misy biby maro zen̈y
mitana tany ty tsy ho rongana.
Kadirin̈y tamy taon̈o 1473 T.K. tan̈y ndraiky,
Mosesy nanoratra fa tany ty mihevaheva.
Kadiriny tamy taon̈o 732 T.K.,
paminan̈y Isaia koa nanoratra fa
tany ty boribory.
Ten̈a tsy nitovy taminy hevitrinolo
tamy fotoan̈any zen̈y
raha nikoran̈indro panoratra Baiboly aby io.
Efa 200 taon̈o tafarany nanoratany Isaia
vo nisy olo nivolan̈a fa tany ty boribory,
an̈isany zen̈y filozofy Griky araiky
Pythagore an̈arany.
Efa mandilatrany 3000 taon̈o
tafarany nanoratany Mosesy,
vo hitandro manampahaizan̈a
momba siansy aby io fa
mety mihevaheva ankitin̈y tany ty.
An̈isany nivolan̈a raha zen̈y
Isaac Newton.
Tsisy olombelon̈o mahavita man̈ambara
tsiaraikiaraiky raha mbala ho avy.
Kanefa tamy taon̈o 732 T.K. tan̈y,
paminan̈y Isaia efa nan̈ambara fa
hisy lelahy araiky, Kyrosy an̈arany,
handresy tanànany Babylony.
Hiritriviny ten̈arano mikodidin̈y tanàna io,
baka iô ho tafiditry amy tanàna io maramilanany,
fotony varavaran̈a tanàna io hiban̈aban̈a.
Izikoa tantara zahan̈a,
tanteraka tsiaraikiaraiky raha jiaby zen̈y.
Paminan̈y Jeremia koa efa nan̈ambara fa
Babylony io hanjary karaokambato,
baka iô tsisy olo hipetraka ao.
Mbala hita firaka zioty tany
navy nisy Babylony io,
ke karaokambato fo raha hita an̈y
fa tsisy olo mipetraka eky.
Letrizay,
misy olo fo man̈ano raha
tsy hazahoanolo Baiboly io,
ndreky mila hampijanon̈o fandikan̈a izio foeky.
Niroan̈a amy môtro olo nandika Baiboly io
amy volan̈a azony ankamaraozanolo,
baka iô nampijaliandro koa
lan̈ianolo namaky izio.
Baiboly zaraiky fo boky ten̈a
halanolo karaha zen̈y rango zay.
Baiboly zaraiky fo boky ten̈a
voadika amy volan̈a maro,
ndreky farany maro panan̈a erantany.
Antapitrisany Baiboly vita pirinty,
amy volan̈a mandilatra 2700 karazany.
Marin̈y raha koran̈iny Baiboly momba siansy,
tanteraka aby zay raha koran̈iny,
baka iô olo jiaby mety mahazo izio.
Tsy diso anao koa man̈eky fa izio
baka amy fan̈ahy masin̈y Jehovah,
Zan̈ahary tsy mahay mavandy io ankitin̈y.
Anao mety han̈ontany:
Izikoa tianao hahay raha
koran̈iny Baiboly momba zen̈y,
na momba raha hafa koa,
midira amy jw.org.

Ten̈a Marin̈y ma Raha Koran̈iny Baiboly?