JW subtitle extractor

Faaohipa te taata te matini
roro uira no te ohipa haapiiraa,
te maimiraa,
te reni faahoaraa,
te faaanaanataeraa e hau atu â.
Ia ore râ oe e ara, nehenehe oe
e maamaahia i ta oe mau matini.
Mana‘o atoa oe e te ere ra oe i
te tahi mea aita ana‘e te reira.
Ia maamaa roa oe,
nehenehe oe e ere i ta oe ohipa,
to oe mau hoa,
e hau atu â.
Maamaa matini to oe?
Ia au te Bibilia ia “taa maitai ia
outou eaha te mea faufaa roa ’‘e.”
A ui:
E hepohepo aore ra e riri au ia ore au
e faaohipa ta ’u matini afaifai?
Faaohipa anei au te reira
hau atu i tei titauhia?
Eita anei au e taoto no te mea
hi‘o noa vau i ta ’u mau poroi?
Eita anei au e haapao i to ’u utuafare
no to ’u maamaa matini?
Eaha to ratou mana‘o?
Ia pahono oe e,
i teie mau uiraa,
eiaha e tuu. Aita i taere roa!
Nehenehe â oe e haavî!
Ei hi‘oraa, haamau te tahi otia.
E a rave i ta oe i faaoti!
Ia faahoro oe,
eiaha roa e faaohipa i te reira.
“Haaputu i te matini afaifai”
a tamaa ai e to oe utuafare.
Te taata matamua e rave i te niuniu,
na ’na ïa e horoi i te au‘a.
Haamau te hoê arui
aita e matini roro uira.
Tupohe ta oe matini roro uira.
Taoto maitai a‘e oe.
Na ô ra te Bibilia:
“e maitai te taata toopiti i te taata hoê.”
Ia tauturu te hoê mero utuafare
aore ra hoa papu ia oe. A taui!
Ia au te Korinetia 1, 9:25,
ia ‘ haavî tatou ia tatou
iho i te mau mea atoa.’
Haamana‘o,
e ao maamaa matini teie,
eiaha râ te reira ia faatere ia oe.
Vaiiho ta oe mau matini i te hiti.
E oaoa e e maitai a‘e to oe oraraa.

Na vai e faatere? Na oe aore ra ta oe matini afaifai?