JW subtitle extractor

Eeshii na aainjakana tareea
süka tü naserulaatsekat...
nachajaain kasa suluʼupünaa,
natüjaain saaʼu kasa jeketü,
nanajüin,
otta naapajüin wanee kasa.
Eeja paaʼin suulia kiʼrain pia
sünain tü püserulaatsekat.
Eeshijaʼa shapaale paaʼin
nnojorüle tü serulaatkat pümaʼana.
Waneepiale pia sünain,
amülouijeerü tü piʼyataainkat,
maʼaleewainjeechi pia,
otta eeshi süpüla jamajüin pia.
¿Waneepiashiche pia
sünain tü serulaatkat?
Süküjain tü Wiwüliakat
tü palajanainjatkat watuma.
Jülüja paaʼin tüü:
¿Shapaasüche paaʼin,
nnojorüle tü serulaatkat
pümaʼana?
¿Aashichijaashiche pia?
¿Siraasüche kaʼi paaʼu
sünain tü serulaatkat?
¿Matunküinreesai pia
sünain ananajaa mensaaje?
¿Akayalaashiche pia suulia püpüshi
sutuma tü serulaatkat?
¿Anasüche tia namüin?
Sülatüle pümüin
tü asakinnakalü anain,
ayata eejiraain pia.
Eeyülia süpüla
punouteʼerüin pukuwaʼipa.
Nnojo pülataleein suulia
tü oora piʼitaakat püpüleerua.
Chupeerüle pia,
wattaluʼu puulia,
eere nnojoluin püsaʼwatüin shia.
Pikaale sümaa püpüshi,
jukotchojoo tü jüserulaatsekat.
Chi aapaakai palajana nüserulaatse,
nieechi oʼlojoko tü iitakat.
Pükatala wanee kaʼi
maserulaatseka oʼu pia.
Piyokojoo shia süpülapünaa pütunküin,
aneerü putunkia.
Müsü tü Wiwüliakat:
«Anashii piamashii wayuu
nuulia waneeshia».
Puchunta kaaliinwaa
nümüin wanee püpüshi
jee niale wanee paʼaleewain.
Saashin 1 Corinto 9:25,
wachecherüinjatü waaʼin
«sünain süpüshuaʼa tü kasakalüirua».
Shia saaʼinmaaka maʼin wayuu
tü serulaatkat.
Nnojotpejeʼe sütaʼülajatüin pukuwaʼipa.
Peemera suulia tü püserulaatsekat.
Eʼreechi pia kasa anasü sünainjee.

¿Waneepiashiche pia sünain tü serulaatkat?