JW subtitle extractor

តើអ្នកណាជាអ្នកនិពន្ធគម្ពីរបរិសុទ្ធ?

Video Other languages Share text Share link Show times

តើអ្នកណាជាអ្នកនិពន្ធគម្ពីរបរិសុទ្ធ?
- 

តើអ្នកណាជាអ្នកនិពន្ធគម្ពីរបរិសុទ្ធ?

តើអ្នកណាជាអ្នកនិពន្ធគម្ពីរបរិសុទ្ធ?
គម្ពីរមានសៀវភៅតូចៗចំនួន៦៦ក្បាល។
ជាង៣.៥០០ឆ្នាំមុន
ម៉ូសេបានសរសេរសៀវភៅប្រាំក្បាលដំបូង។
ក្រោយមកក្នុងអំឡុង១.៦០០ឆ្នាំ
បុរសប្រហែលជា៤០នាក់ទៀត
បានសរសេរសៀវភៅផ្សេងៗទៀតក្នុងគម្ពីរ។
បើមនុស្សសរសេរគម្ពីរ
ហេតុអ្វីគម្ពីរបានត្រូវហៅថា«បណ្ដាំរបស់ព្រះ»?
ជាឧទាហរណ៍:
ពេលអ្នកជំនួញម្នាក់ចង់សរសេរសារសំខាន់មួយ
គាត់ប្រហែលជាសុំលេខាឲ្យសរសេរសំបុត្រឬអ៊ីមែល។
អ្នកជំនួញនោះប្រាប់លេខាអំពីគំនិតគាត់
រួចមកលេខាសរសេរគំនិតរបស់អ្នកជំនួញនោះក្នុងអ៊ីមែល។
ទោះជាលេខាសរសេរអ៊ីមែលនោះក្ដី
តែគំនិតក្នុងអ៊ីមែលនោះមិនមែនមកពីគាត់ទេ។
ស្រដៀងគ្នាដែរ 
អ្នកសរសេរគម្ពីរប្រើពាក្យនិងរបៀបសរសេរផ្សេងៗ
តែព័ត៌មាននោះមិនមែនមកពីពួកគាត់ទេ។
ដូច្នេះ តើមកពីអ្នកណា?
គម្ពីរចែងថា៖
«គ្រប់ទាំងបទគម្ពីរបានត្រូវសរសេរក្រោមការដឹកនាំរបស់ព្រះ»។
ព្រះយេហូវ៉ាបានប្រើសកម្មពល
ដឹកនាំពួកគេឲ្យសរសេរគំនិតរបស់លោក។ 
តើតាមរបៀបណា?
ពេលអ្នកប្រកាសទំនាយដានីយ៉ែលដេកលក់
ព្រះយេហូវ៉ាបានធ្វើឲ្យគាត់ឃើញក្នុងសុបិន។
អ្នកប្រកាសទំនាយឯទៀត
ដូចជាអេសេគាល
បានត្រូវព្រះបើកបង្ហាញ
ឲ្យឃើញក្នុងគំនិតវិញ។
ពេលខ្លះ ព្រះយេហូវ៉ាប្រើទេវតាឲ្យប្រាប់គំនិតលោក
ដូចជាពេលដែលលោកមានប្រសាសន៍
ទៅកាន់សាវ័កយ៉ូហាន។
ប៉ុន្ដែ តើព្រះយេហូវ៉ាពិតជាអាច
ប្រាប់គំនិតលោកតាមរបៀបទាំងនេះឬ?
សព្វថ្ងៃនេះ មនុស្សអាចទាក់ទងគ្នាបាន
ទោះជាពួកគេនៅឆ្ងាយពីគ្នាក្ដី។
ពួកគេថែមទាំងអាចទាក់ទងអ្នកអវកាសនៅក្រៅផែនដីទៀតផង។
បើមនុស្សអាចធ្វើដូច្នេះបាន
នោះព្រះដែលជាអ្នកបង្កើត
ពិតជាអាចធ្វើអស្ចារ្យជាងនោះទៅទៀត មែនទេ?
យើងអាចទុកចិត្ដគម្ពីរ
ពីព្រោះព្រះយេហូវ៉ាដែលជាអ្នកបង្កើត
ដែលប្រកបដោយសេចក្ដីស្រឡាញ់គឺជាអ្នកនិពន្ធ
មិនមែនមនុស្សទេ។
លោកអ្នកប្រហែលជាឆ្ងល់ថា
‹តើគម្ពីរបរិសុទ្ធរៀបរាប់អំពីអ្វី?
តើយើងអាចយល់អត្ថន័យក្នុងគម្ពីរយ៉ាងដូចម្ដេច?›។
សំណួរទាំងនេះនឹងត្រូវឆ្លើយក្នុងមេរៀនទី៣
ពីសៀវភៅព្រះមានដំណឹងល្អសម្រាប់យើង! 
លោកអ្នកអាចថតចម្លងសៀវភៅនេះពី jw.org។
សាក្សីព្រះយេហូវ៉ារីករាយបង្រៀនគម្ពីរដល់លោកអ្នក។
សូមបំពេញពាក្យស្នើសុំរៀនគម្ពីរក្នុងគេហទំព័ររបស់យើង
រួចមកសាក្សីព្រះយេហូវ៉ាម្នាក់ដែលនៅតំបន់លោកអ្នក
នឹងទៅជួបលោកអ្នកនៅកន្លែងនិងម៉ោង
ដែលស្រួលសម្រាប់លោកអ្នក។


-