JW subtitle extractor

Ti Piipel is een samelung
fon 66 kleene piicher.
Mee wii 3.500 yoere tsurik,
hot Mooses aan kefang
tas ëyerst fon tiise piicher se xraype.
Un in te neekste 1.600 yoere,
hon unkefeer 40 mëner ti anere piicher
fon te Piipel kexrip.
Wën mënxe ti Piipel kexrip hon,
warom is tii “Kot sayn Wort” kenënt?
Xtël tëyer mool foer:
Wën een kexëft man
een wichtich nooricht xike wil,
khan tee fer een asistent ferlange
een priif orer een e-mail se xraype.
Te kexëft man fertseelt fer
te asistent was er saan wil,
un te asistent tuut tiise ketanke
in een e-mail uf xraype.
Opwool te asistent te e-mail kexrip hot,
sin tas nët sayn aychne ketanke.
Kans eenlich waar tas
mit te Piipel xrayper.
Tii hon sayn aychne wërter
penutst,
awer ti ketanke sin nët
fon tëne khom.
Fon woo sin ti ketanke tan hëyer khom?
Ti Piipel saat:
Kot hot sayn macht penutst
fer ti Piipel xrayper tëm
sayn ketanke wise lose.
Wii hot er tas kemacht?
Tsum payxpiil,
wii te profeet Taniël am xloofe waar,
hot Kot treeme fer tee kexikt.
Anere, wii te profeet Esekiël,
waare wach
wii se impresionante wisioone
fon Kot kriit hon.
Als mool, hot Kot ëngele penutst
fer tëm sayn noorichte
pekhant se mache.
Tas is mim
aphostel Yohanes pasiirt.
Awer meecht Yeehoowa wërklich soo
sayn noorichte pekhant kemacht hon?
Hayt se taach,
khëne ti mënxe mit anere layt xprëche
woo kans wayt wëch fon tëne sin.
Tii khëne sich soo kaar
mit astronaute komunikiire,
woo wayt fon te ëyert sin.
Wën ti mënxe tas mache khëne,
meecht tëne sayn Kriatoer, Kot,
nët fiil mee mache khëne?
Mëyer khëne aan ti Piipel klaape.
Opwool mënxe tii kexrip hon,
khomt ales was too trin xteet,
fon unser liipe Kriatoer,
Yeehoowa Kot.
Awer
Ti antworte finst tuu in te lisioon 3
fom piichelche
Kuute Aatere fon Kot fer Tich!
Tuu khanst te download mache
im site jw.org.
Yeehoowa sayn Tsayer wole kërn
mit teer ti Piipel xtutiire.
Ferlang torich te site
een Piipel xtuutium,
un een fon Yeehoowa sayn Tsayer
tuut tich in te uertsayt
un am plats woos tuu wilst, kontaktiire.

Weer is te Autoer fon te Piipel?