JW subtitle extractor

An wõn naan ko ilo Baibõl̦ eo?
Ilo Baibõl̦ eo, ewõr 66 bok
ko reddik kar kobaiki ilowaan.
Elõñl̦o̦k jãn 3,500 iiõ ko remootl̦o̦k,
Moses ear jino je bok ko m̦oktata.
Im ium̦win 1,600 iiõ ko,
ewõr 40 em̦m̦aan ro rar je bok ko jet
bwe en likiio Baibõl̦ eo.
El̦aññe armej rar je naan ko ilo Baibõl̦,
innem etke rej n̦aetan “Naanin Anij”?
Baj l̦õmn̦ak m̦õk:
Ñe juon em̦m̦aan ewõr an peejnej
ej kõn̦aan jilkinl̦o̦k juon an ennaan,
emaroñ kõjerbal juon an ri-jeje
ñan je lõta eo an ak juon e-mail.
Em̦m̦aan in ej jiroñl̦o̦k ri-jeje
eo an bwe en je l̦õmn̦ak ko an,
im ri-jeje eo ej likũt l̦õmn̦ak
ko an boss eo an ilo e-mail eo.
Meñe ri-jeje eo ear je e-mail eo,
ak ejjab an naan ko ie.
Ilo ejja wãween in wõt,
ri-jeje Baibõl̦ ro rar kaalikkar
l̦õmn̦ak im eñjake ko ekkar ñan wãween aer jeje,
ak ennaan eo rar je ear jab itok jãn er.
Innem ear itok jãn ia?
Baibõl̦ ej ba:
“Aolep Jeje ko rej kakũrm̦ool in Anij.”
Jeova Anij ear kõjerbal kajoor
eo an ñan tõl l̦õmn̦ak ko aer,
im lel̦o̦k l̦õmn̦ak ko an ñan er.
Ewi wãween an kar kõm̦m̦ane men in?
Ke ri-kanaan Daniel ear kiki,
Jeova ear kõm̦m̦an bwe en ettõn̦ak.
Ro jet, ãinwõt ri-kanaan Ezekiel,
ear jab kiki ke Jeova ear kõm̦m̦an
bwe ren lo pijen ko rekabwilõñlõñ.
Jet iien, Jeova ej kõjerbal
enjel̦ ro ñan kwal̦o̦k l̦õmn̦ak ko an,
ãinwõt an kar kõnono ñan rijjilõk Jon.
Ak Jeova emaroñ ke lukkuun kõjerbal
wãween kein ñan kwal̦o̦k ennaan eo an?
Rainin, armej remaroñ kõnono ippãn doon
meñe relukkuun ettol̦o̦k jãn doon.
Joñan, remaroñ kõnono ippãn
armej ro rej etal ñan outer space.
Ñe armej remaroñ kõm̦m̦an men in,
enãj ke kar l̦apl̦o̦k men ko
ri-Kõm̦anm̦an eo emaroñ kõm̦m̦ani?
Jemaroñ lõke Baibõl̦ eo
kõnke naan ko ie,
rejjab an armej
ak rej an ri-Kõm̦anm̦an eo ad,
Jeova Anij.
Ak kwõmaroñ kajjitõk,
‘Ta ennaan ko rej pãd ilo Baibõl̦ eo?
Im ewi wãween kwõmaroñ
mel̦el̦e kõn Baibõl̦ eo?’
Kajjitõk kein renaaj uwaak ilo katak 3
ilo bok eo Juon Ennaan Em̦m̦an Jãn Anij!
Kwõmaroñ taunl̦outi jãn jw.org.
Ri-Kõnnaan ro an Jeova renaaj
m̦õn̦õn̦õ in katak Baibõl̦ ippam̦.
Kanne form in katak
Baibõl̦ eo ilo weepjait in,
im juon iaan Ri-Kõnnaan
ro an Jeova enaaj lowaj eok
bwe kemiro en katak Baibõl̦
ilo awa eo im jikin eo em̦m̦an ippam̦.

An Wõn Naan ko ilo Baibõl̦ Eo?