JW subtitle extractor

Teʼearü inügü niʼĩ
Tupanaarü Orewa ngemagüü̃?
Tupanaarü Orewa 66 poperagü nangema.
Marü 3.500 taunecü nangupetü
na Moĩché nawügüü̃
nuĩratchiü̃ ga poperagü.
40 yatügü nanaümatügü to poperagü
rü 1.600 taunecü ninge
na nayangüẽgüü̃ nanaümatügüü̃.
Biblia rü yatügü niʼĩ nawügüü̃.
Tüʼcüü̃ nüü̃ tiʼugü
na Tupanaarü Ore yaʼĩü̃?
Nhaü̃gu rüʼinü:
Wüi cori rü wüi popera
wüie ya duẽʼẽü̃tawa namutchaü̃,
nüma na nüü̃ puracücüü̃ nanawüẽ
i wüi e-mail.
Yima cori rü nüü̃ puracücümaã
nüniʼutchigü i norü deʼagü.
Nüü̃ puracücü na nayawütchigüü̃
e-mailgu i ngema deʼagü.
Woo nüü̃ puracücü nawügü deʼagü
rü coriarütama niʼĩ.
Ngegumarüü̃ ga yatügü
ga Tupanaarü Ore wügüü̃,
yema inügü nawügüü̃
rü tama norügü niʼĩ.
Ngeta ne naĩ i inügü i Bibliawa ngemagüü̃?
‘Rü guü̃ma i Tupanaarü Ore i ümatüü̃
rü nügüãẽwatama nanayau ga Tupana.’
Tupana rü yema norü Ore
ümatügüü̃wa nideʼa,
naãẽ i üüneü̃maã.
Nhuãcü yema naüü̃ ga Tupana?
Yeguma Danié napeyani,
Tupana Daniémaã nanegüwa nideʼa.
Rü nhuʼmatchi ngoʼetügümaã.
Yema rü Echequiéumaã nangupetü.
Rü nhũʼguacüna, Yeuwa nanamu
ga ãĩyugü na norü Ore yaʼugüü̃caʼ.
Yema rü Juãṹmaã nangupetü.
Tama nagutcha nayaʼõgüü̃
na Yeuwa ngemaãcü norü Ore yaʼuu.
Nhaü̃gu rüʼinü:
Nhuma rü natautcha na tümamaã ideʼagüü̃
ya duẽʼẽgü ya yaü̃gugüe.
Duü̃ü̃gü rü nideʼagü astronauta
i naanearü düetüwa ngemagüü̃maã.
Duü̃ü̃gü nanaügü i ngema,
notürü Tupana ya guü̃ma Ücü rü yeera naü.
Nüü̃ tayaʼõ i Tupanaarü Ore
erü Tupanaarü inügü niʼĩ
rü tama yatügüarü inü.
Taʼacü i Tupanaarü Ore natchiga ya deʼaü̃?
Taʼacü ta cuü̃ rüngüʼẽẽ
na Tupanaarü Oreü̃ cucuaʼü̃caʼ?
Nguʼẽẽruü̃ 3wa niʼĩ nangemagüü̃
i norü ngaü̃gü i ngema caʼgü,
nawa i popera Deʼagü i Megüü̃!.
Inangaʼẽ jw.orgwa.
Formulário on-lineü̃ inaüãcüatü
rü Tupanaarü Orearü nguʼcaʼ inacaʼ
rü wüi Yeuwaarü Orearü Uruü̃ cuca nadau ta
ngeta rü ngora cunawaeü̃gu.

Teéarü ĩnügü niĩ Tupanaarü Orewa ngẽmagüü̃?