JW subtitle extractor

Ewe Paipel a pop seni ia?
Paipel, a wor 66 puk lón.
Lap seni 3,500 ier a ló, Moses a makkeei ekkewe ákkáeúin puk.
Ekkewe 1,600 ier mwirin ena, ina epwe 40 mwán ra makkeei ekkewe lusun puk lón Paipel.
Nge ika aramas ra wisen makkeei, pwata Paipel a iteni “kapasen Kot”?
Áwewe chék:
Emén boss mi mochen tiinaaló och pwóróus,
neman epwe néúnéú emén seketeri le wisen makkeei.
Epwe ereni néún we seketeri met kewe a ekieki,
me ena seketeri epwe makker lón eché e-mail.
Inaamwo ika i a wisen taipei ewe e-mail, esap néún.
Ekkewe chón makkeei Paipel ra wisen makkeei lón pwisin ar kapas ekkewe ekiek me memmeef,
nge met ra makkeei ese pop seniir.
Nge a pop seni ia?
“Ekkewe Taropwe mi Pin meinisin ra pop seni Kot.”
Jiowa Kot a emmweni ekiekiir ren an áeá an manaman le esilei ngeniir an ekiek.
Ifa usun?
Atun án ewe soufós Taniel annut, Jiowa a efisi an epwe ttan.
Ekkóch mi neló an a wor kúnaer seni Kot, usun ewe soufós Isikiel.
Jiowa a pwal néúnéú chónláng le esilei an ekiek, usun chék ren ewe aposel Johannes.
Nge mi tufich án Jiowa Kot epwe ina usun le atoura pwóróus?
Lón ei fansoun, emén a tongeni fóffós ngeni emén mi fókkun towau.
Ra mwo nge tongeni fós ngeni chón efóch spaceship.
Ika aramas ra tongeni féri ena, esap pwe ewe Chón Fériiretá epwe tongeni féri met mi lap seni?
Sia tongeni lúkúlúk wóón ewe Paipel pún esap seni aramas,
nge seni ewe Chón Férikichetá mi tong, Jiowa Kot.
Neman kopwe eis, ‘Met ewe Paipel a kapas usun?
Ifa usun kopwe weweiti?’
Pélúwer ra nóm lón ewe puk Pwóróus Allim Seni Kot!, lesen 3.
Ka tongeni downloadini seni jw.org.
Chón Pwáraatá Jiowa ra pwapwa le káé ngonuk ewe Paipel.
Amasoua ewe tingor online fán iten eú káéén Paipel,
emén Chón Pwáraatá epwe chuuruk pwe oupwe káéfengen Paipel
lón ewe kulók me leeni mi fich ngonuk.

Ewe Paipel A Pop Seni Ia?