JW subtitle extractor

¿Jara kashajiralaka tü Bibliakat?
Eesü 66 karalo’uta suluʼu tü Bibliakat.
Alatüirü suulia 3.500 juya
süchikijee nüshajüin Moisés
tü palajatkalüirua karalo’uta.
Eetaashii ma’aka 40 wayuu ashajakana
tü Bibliakat soʼutpünaa 1.600 juya.
Nashajarale shia wayuuinnua
¿jamaka nünüiki Maleiwa sümünaka?
Jülüja paaʼin tüü.
Nuluwataweere wanee laama nünüiki,
nüküjüin shia nümüin chi secretariokai
süpüla nuluwataain shia suluʼu correo.
Chi laamakai nüküjüin nümüin
chi secretariokai tü nüshajüinjatkat,
süchikijee chi secretariokai nüshajüin shia
jee nuluwataain shia suluʼupünaa correo.
Mayaapejeʼe nüshajüin
chi secretariokai tia pütchikat,
nnojoishi niain kanüikin.
Müshiʼiya neʼe na ashajakana tü Bibliakat
naküjüin tü jülüjakat naaʼin süka nanüiki,
nnojotpejeʼe nanüikin shia.
¿Jarat kanüikika shia?
Nükaalinjain Maleiwa na wayuukana sükajee
tü nüpülainkat süpüla nashajüinjatüin tü Bibliakat
¿jamüsü sukuwaʼipa nutuma?
Jamüshijaʼa Daniel
aʼlapüjaashi nia nutuma Jehová.
Otta Ezequiel, niʼraleeinya
waneirua kasa nutuma Maleiwa
nnojotsü nüʼlapüinjain shia.
Eeshii na wayuu ajütünakana anainmüin
aapiee nutuma Jehová,
maʼaka nukuwaʼipa chi aluwataaushikai Juan.
¿Eesüche süpüla müin nutuma Jehová
süküjia tü nünüikikat?
Maaʼulu yaa,
Eeshii süpüla yootuin waya
sümaa wayuu eekai wattain woulia.
Eeshii süpüla yootuukain amaa na astronautakana,
eereje wattain naya iipünaa.
Nainküin tia na wayuukana,
chi Maleiwakai pülaleeshia suulia wayuu,
nnojotsü kasain isain nüchiki.
Shiimain tü sümakat tü Bibliakat
süka nnojoluin
wayuuin chi kanüikikai shia,
nünüiki shia Jehová chi Maleiwa
kakumalakai waya.
Eeshijaʼa püsakirüichire:
Pütüjaweere sooʼomüin pünaʼla suluʼu jw.org.