JW subtitle extractor

Bíblia ˈremhã 66 ĩhöiwarobo norĩ ré hã.
Moisés ma ãma tsanaˈrata Bíblia nhihötö na
ma tô tiwahu 3500 na.
Duré 40 aibö norĩ ma tô tsihötö dzaˈra ĩhöiwarobo norĩ
1600 wahub ˈre.
Aibö norĩ te te tsihötö dzaˈra nherẽ,
e marĩ wa ĩmahörödzé hã Höimanaˈuˈö mreme na hã.
Ãma ĩtsimiréˈé:
Romhuridzé ˈmadöˈöˈwa
te tãma tiˈru romhuriˈwa ma te te tsihötö da
rowatsuˈu ĩpire uptabi.
Ĩtsimirotsaˈrata te dza tãma watsuˈu
te te tsatõrĩ da internet na.
Romhuriˈwa te te tsihötö nherẽ,
e ˈwa te rowatsuˈudzé hã.
Romhuridzé ˈmadöˈöˈwa te hã.
Ãne duré
aibö norĩ te te tsihötö dzaˈra nherẽ,
e tinhimirotsaˈrada.
Mare di.
Tawamhã,
e ma hawi Bíblia nhimirowatsuˈu.
Bíblia te tinha:
Höimanaˈuˈö ma titsõ ĩtsiptetedzé aibö norĩ ma hã,
te te tsihötö dzaˈra da.
E niha.
Daniel tsõtõ ré
ĩtsimirotsawẽrẽ Höimanaˈuˈö ma tô tãma watsuˈu,
niwamhã Ezequiel te te tsõtõ õ ré
Höimanaˈuˈö ma tô tãma tsõˈa marĩ rowatsuˈu,
niwamhã dawatsuˈuˈwa norĩ ma tô dama watsuˈu
Höimanaˈuˈö mreme na hã,
taha ma tô watobro apóstolo João dzô.
Ãté aima pire di waihuˈu da,
e ãne.
Ãma rotsaˈrata:
Ã bötö mono na hã,
wa natsi robdzanhamri dzaˈra ni
niˈwa romhö uptabi na höimana nherẽ.
Duré
niˈwam norĩ te tsi tãma robdzanhamri dzaˈra ni
Tiˈa nhiti höimana dzaˈra nherẽ.
Ta norĩ hã aibö norĩ te te waihu petse dzaˈra wamhã,
tô tsena marĩ norĩ hã pire nhipai u
Ropotoˈwa tãma waihu petse di.
Tawamhã Bíblia hã
Wapotoˈwa Jeová mreme,
mare di aibö norĩ niwamhã waradzu norĩ mreme,
tahawa, wa dza tsadzei petse dzaˈra ni Bíblia hã.
Tadzahã,
‘E marĩ na Bíblia te ãma rowatsuˈu’
duré ‘E niha te dza ĩwaihu Bíblia’.
Te dza ĩˈmadö romnhihödö 3 ãma
ĩtsõrédzém na
Romahörö Wẽ Höimanaˈuˈö Hawimhã!
Te dza ĩtsõpẽ site jw.org na.
Jeová Watsuˈuˈwa norĩ ma wẽ di dza
Bíblia na te te aima romnhoré da.
Waptẽrẽ site na,
tawamhã
niˈwa Jeová Watsuˈuˈwa te dza mo atsõrõwa u.

E ˈwa hã Bíblia ˈmanharĩˈwa.