JW subtitle extractor

Daaraba ẽbẽra mejãcha bei sebʉrʉta.
Mamina bʉ aba kĩrã awuara beidata:
Maʉ̃ra Jesukristobasi.
¿K’ãrẽa beibarabasi?
¿Iyi beidabara k’ãrẽta ũduibasi?
Naʉ̃ panʉira kĩrãbedaya
ẽbẽra naarabemaba k’ãrẽta osita
Daizeze Bed’eabara jaradiabʉ
naara osita yumakẽrã aba,
maʉ̃ra Adanbasi.
Naʉ̃ta jarasi Daizezebara Adan’a:
Ẽjũã kĩrãwãreãne netabʉrʉ
jõma koseabasita,
mamina bakʉrʉ
abaʉdebemata kobeẽbasi.
Maʉ̃ netabara ũdubibasi Daizezebʉrʉ
kawuachuta saʉ̃ta biata saʉ̃ta biaẽãta.
Adanba Jeowa bed’ea ũrĩbasibʉrʉ,
mawũãtrʉ bakasi ewari
jõmaʉ̃ne ẽjũã kĩrãwãreãne.
Mamina iyara kãgaẽbasi Daizezeba iya
nebia diabadara, maʉ̃ba ũrĩẽbasi.
Maʉ̃ k’ãrẽa,
iyi ewari jõmaʉ̃ne baibadara aduasi.
Mamina mawũã odabara iyidoba zʉbʉriaẽbasi.
jõmaʉ̃ta nemitia omiabasi beibarita amaesi.
Maʉ̃ba ãyikʉzara ẽdrʉbeẽbasi nemitiadebara,
akʉza beideba, nesidapanasi abaʉ̃ba ẽdrʉbita.
Maʉ̃ k’ãrẽa Jeowabara zok’abʉesi iyi angelera
abaʉdebemata tomarẽã
ẽbẽrakĩrãk’a nama egorode.
Jesura nemitia okabasi, Adan kĩrãk’a.
Mamina awuarabasi Adan’ira,
Jesubara ewari jõmaʉ̃ne ũrĩbasi.
Maʉ̃ k’ãrẽa diasi iyi bebuta
«wuabemara ẽdrʉbita».
¿Sãwũã ẽdrʉbisi yumakẽrã
abaʉ beidaba ẽbẽrarã jõma?
Krĩchara naʉ̃ta fabrika zok’abariba
zrʉgayi plata empresadebemata
mawũã debebara amaeñi.
Maʉ̃ k’ãrẽa frabrikara trajaedadaẽbayi.
Maʉ̃ba yi trajabʉrarã trabajo aduayi
akʉza pagabeẽbayi ãyi debera.
Ẽbẽrarã mejãchaʉta zʉbʉriabʉ abaʉ ẽbẽraneba.
Krĩchara naʉ̃ta, ẽbẽra bia abaʉba
zʉbʉria akʉyi maʉ̃ra ẽbẽrarã jõma,
maʉ̃ k’ãrẽa pagayi akʉza empresa ewamarẽã.
Maʉ̃ pagabʉrʉba mama trajabadararã
akʉza jẽda trajadayi
maʉ̃ba yi mebẽrãsida bia akʉdaibera.
Adanbara empresa zok’abariba
aripe õẽbadakĩrãk’a osi.
Daizeze bed’ea ũrĩẽbaside,
amaesi debe zromata,
maʉ̃ra yi wũãwũãra jomaʉ̃a dia amaesi.
Jesura maʉ̃ ẽbẽra bia kĩrãk’abasi.
Iyi bebu diaside,
pagasi nemitiabari, maʉ̃ba jõmaʉ̃ta
ewari jõmaʉ̃ne baseabʉ.
Krĩchabaribaibara naʉ̃ta:
¿Idi ewadera k’ãrẽta obʉ Jesura?
¿Sãwũã k’arebai iya nek’ãrẽ ũrãbʉrʉ oiba?
Karta Daizeze Bed’eabara
bed’ea biata erbʉ dayirãita,
yi kimarene panʉñi maʉ̃ra.
Ʉ̃tʉzebiseabʉ jw.org
Jeowa ʉ̃rʉ K’awuabipanʉrãbara k’areba
kĩrãpanʉ Daizeze Bed’ea k’awuamarẽã
Widida internet’ne Jeowa ʉ̃rʉ
k’awuabipanʉrã abaʉba akʉ semarẽã,
bʉa jarada ũmadaʉde akʉza bʉa jaradamae.

¿K’ãrẽa beisi Jesura?