JW subtitle extractor

Yu Pirau misakmera kuinukkkutri,
purø nøtrø misak kuamik nepuik køn.
Inchen kantø kuamik pekmay
nepuik køn: Jesucristoimpe.
¿Nøpe chincha kuamik puik kø?
¿Nø kuaikpe misakwan purukuntrauta?
Ik paylan løtøntrappe srøtø
purayaikwan tap nepua asamik køn.
Bibliayupe eshkan Tiuspe srøtø
møkwan ellmarik køn, Adánwan,
chiwainken kalø marmíik kuik køn.
Tiuspe Adánwan kaimamtik karumuik køn:
Edén tulyu maya tusryuikwan
mantrai cha eshkaik køn
incha kan tusryuikwantø mamøntrai cha karuik køn.
Tius nø eshkamik kuik køn tapikwampa
kaikwampa, tusryuik ilan kenamarik køn.
Adánpe Jeupawan mørape yu Pirau latrø tap
pirøchiku manakatik øsik tsumik køpsruik køn.
Masken Tius tapik tranikwan unkua
chimuik køn inchawai Tiuswan mørmuik køn.
Ikkutrimpe nø manakatik øsik
tsumikwan trupisaik køn.
Nø mørmuikkutri trømpøik
puntrapik nuntø pumuik køn.
Nuinukkutri amtrua pøntrapelan kaik
maramik pun øyeekkutri kuamik pun.
Kaikyukutri kuamikyukutri misakmeratø wesrantrap
kaimaik køn; kan purukuntrapik palaik køn.
Inchawai Jeupa nøtrø marampurap marik køn,
kan sølkantik espíritu nui nusrkawan yu
Pirau møk misra kal-lantrai ørik køn.
Jesúspe sølkantø møk kuik køn, Adán lataik,
pero nø lataik marmuik køn Jesús
manakucha Tiuswan mørøpik kuik køn.
Inchawai nui øsik unikwan tranik køn,
kaikyukutri wesrantrap nøtrø misakwan.
¿Kan møktø kuamikwan maya misakwan
kaikyukutri wesrantrap mantø purukuik kø?
Ñipe isu, empresan kan asha
marøp wapipe anwan nilap yan,
latrø nu ulø misra køtrømisrik køn.
Inchawai, empresa kasreik pasramisrik køn.
Kuallipeløpe kualamik chikar køtrømisran,
ulø køtrømisrikwan pakarantrap kaimaik køn.
Latrø nu misakwan kan møkkutrintø
latrø trømpøik purep atrik køn.
Møimpe isu, kan møk tapikma latrø
nu lástima ashen misakmeran,
ulømeran pakaran, katøle empresa
kurchap køtrømisrik køn.
Uløwan pakarawape, tap pøntramikwan
isua muniramik tøkakøntrai tranan,
kuallipelampa nømui yaumpuelampa.
Adánma kan asha marøp nilapik lataik køn.
Adánpe Tiuswan mørmuikkutri latrø
nu ulø misrik lataik køtrømisrik køn,
nui maya urekwan pakaramik puik køn.
Jesúsma kan møk tapik lataik køn.
Nø øsik unikwan tranikpe,
kaikkutri uløwan pakaraik køn,
namun manakatik øsik amønamikwan
muniramik tøkakøntrai tranik køn.
Ñi kanmay payen :
“¿Møin kualømpe Jesús chi marøp pasra?
¿Wentøsrø nø tapik martrapikwan
ñune utøntrappe chi maramik kø?”.
Fulletuyu Buenas noticias de parte de
Dios pipkatø kusreinuk ilan løtapik køn.
Truikwan køtrørtrappe jw.org yu intrø.
Jeupawaiwan waminchipeløpe latrø kasrak
ñun Biblian tap nepua ashchai kusrenantrun.
Ñipe jw.org yu pøntrapelan pøramik køn,
trukutri kan Jeupawaiwan waminchipipe
ñune kusrenanøp intrun.

¿Chincha kuaik kø Jesúspe?