JW subtitle extractor

Désdi komésu di mundu bilhons di algen dja móre.
Má, ten un mórti ki é diferenti di tudu kes otu.
É mórti di Jizus Kristu.
Pamodi ki Jizus móre?
Se mórti tinha algun obijetivu?
Nu ta atxa respósta na komésu di stória di ómi.
Bíblia ta fla ma Deus faze Adon, un ómi perfetu, sen pekadu.
El podia kumeba fruta di tudu arvis di jardin, má ménus di un.
Órdi ki Deus da-l éra sinplis.
Kel arvi ta reprizentaba direitu ki Deus ten pa disidi
kuzê ki é dretu ô mariadu.
Si Adon obiba ku Deus el ta viveba pa tudu ténpu na Paraízu na Téra.
Má Adon ka da valor pa tudu kuza ki Deus fazeba pa el.
El disidi rabela kóntra Deus.
Pur isu, el perde xansi di vive pa tudu ténpu.
Má é ka sô el ki fika prujudikadu.
Tudu nos nu erda pekadu ku mórti.
Má, ninhun di nos ka ta pode libraba nos kabésa di pekadu ku mórti.
Nu mesteba otu algen pa salva-nu.
É pur isu ki Jeová faze un milagri.
El manda se Fidju perfetu pa Téra pa ben salva-nu.
Jizus éra un ómi perfetu sima Adon.
Má diferenti di Adon, el ka peka.
Pur isu, Jizus konsigi ‘da se vida
pa resgata un monti di algen.’
Má, modi ki mórti di un ómi pode salva tudu algen?
Bon, imajina ma un diretor di un grandi enpréza
furta dinheru di enpréza.
Pur isu, enpréza fika ku txeu dívida i el fitxadu.
Kes trabadjador perde trabadju
i es ka konsigi paga ses dívida.
Txeu algen sufri pamodi un ómi ki furta.
Agó, imajina ma un otu ómi bon i riku,
xinti péna di tudu kes algen ki sta sufri.
El disidi paga tudu dívida i torna abri kel enpréza.
Kantu el paga tudu kel dívida,
el tra tudu kes trabadjador ku ses família di kel situason.
Adon é sima kel ómi ki furta.
Kantu el rabela, el dexa-nu ku un grandi dívida, ki é pekadu ku mórti.
Jizus é sima kel ómi bon i riku.
Kantu kel da se vida perfetu pa nos,
el paga-nu kel dívida di pekadu
i el torna da-nu xansi di vive pa tudu ténpu.
Talvês bu ta pergunta:
Jizus ta izistiba mê?
Sô kridita na Jizus dja txiga pa nu ten salvason?
Jizus é Deus?
Pa bu sabe kuzê ki Bíblia ta fla sobri kel asuntu li
i txeu otus asuntu
djobe na jw.org.