JW subtitle extractor

Prỹg e ag kãmĩ, ũn e tãvĩ ag vỹ kãgter mũ,
hã ra ũn kãgter ja ag kãmĩ, ũn pir vỹ ag kãfór nĩ,
Jesus Cristo ti.
Hã ra Jesus ne tugnĩn ter ke?
Ẽg tỹ vãsỹ nén tỹ hãn ri ke ja ki kanhró ke nỹtĩ.
Topẽ tỹ ũn ve tỹ Adão ti han, ti ki nén ũ kórég tũ nĩ jé.
Topẽ tỹ Adão mỹ hej ke, ka kanẽ kar ko jé.
Hã ra ti pi ka tag pir kanẽ ko ke nĩ vã,
ka tag to ken hã vẽ, hã vỹ:
Topẽ tỹ nén ũ to, há ti nĩ, ke tũg nĩn kỹ kórég ti nĩ.
Adão tỹ Topẽ to jykre pir nĩn kỹ vã vã,
ti pi hã re kã ter ke mũ vẽ, ga sĩnvĩ ki.
Topẽ tóg Adão mỹ nén ũ há e hyn han mũ,
hã ra tóg ti panh vĩ ki hã han ke tũ.
Tag tugnĩn ti pi rĩr krỹg ja tũ ẽn vé.
Hã ra ti tãvĩn pi vẽsỹrénh ke.
Tag pãte, vẽnh kar vỹ Topẽ vĩ mranh mũ, ti nón.
Tag tugnĩn ũn ag pi vẽnh krenkren ke mũ vẽ,
ũn ter ke mũ to.
Ũn tỹ ũn ag krenkren han ke nĩ vã,
hã kỹ Jeová vỹ milagre ũ han kỹ nĩ.
Ti tỹ ti kósin ũ tỹ kanhkã tá nĩ jãnã, ga ki mur jé.
Jesus pi ti ki nén ũ kórég nĩ vã,
Adão tỹ Topẽ vĩ mranh jo ãn ri ke.
Jesus vỹ Topẽ vĩ ki hã han.
Gen kỹ Jesus vỹ ũn e ag jagfy vẽnh fẽg ke,
ũn ag krenkren han jé.
Hã ra ũn pir ter ja hã ren kỹ vẽnh kar ajũna ke tĩ?
Ha to ãkrén nĩ,
empresa mág jo jã ũ tỹ jỹkamy péjug tĩ ha.
Tag tugnĩn empresa vỹ ũn e ag mỹ név nỹtĩ,
kỹ tóg vẽnh nĩfé.
Vẽnh kar tóg ag rãnhrãj krenkren,
kỹ ũn ag pi jỹkamy nỹtĩ sir,
ũn pir tugnĩn ũn e ag vỹ vẽsỹrinhrénh.
Ha to ãkrén,
ũn há riko tỹ ũn tỹ vẽsỹrénh mũ ag jagãgtãn sór tĩ,
empresa név kygjãm tóg mũ, kar ti róm mãn.
Ti tỹ gen kỹ, ti tỹ ũn ag vẽsỹrénh tỹ tũꞌ ké.
Empresa jo jã kórég ãn ri ke vỹ tỹ Adão nĩ,
ti tỹ Topẽ vĩ mranh kỹ tóg ẽg mỹ név mág tovãnh.
Jesus vỹ tỹ ũn há ẽn ri ke nĩ.
Ti tỹ ẽg jagfy ter kỹ, ti tỹ ẽg név mág ẽn kajãm,
ẽg tỹ Topẽ vĩ mranh ja ti, ẽg tỹ rĩr krỹg ja tũ ẽn ve jé.
Hã ra ũri Jesus ne han nĩ?
Ti tỹ nén han ke mũ ag hã ren kỹ ã ajũna kenh mũ?
Popé tỹ “Topẽ vĩ sér ã mỹ” vỹ tag to kãmén tĩ,
vẽnh kanhrãn vẽnh kẽgra ki,
ti vem nĩ, site jw.org ki.
Jeová Kãmén Fã ag mỹ há tĩ jé tóg,
ag tỹ Topẽ Vĩ Rá to ã kanhrãn kỹ.
Site jw.org ki, ẽg mỹ to vĩm nĩ,
ũn tỹ ã kanhrãn tĩg jé.