JW subtitle extractor

Tla storia dl’umanità
ie mortes miliardes de persones.
Ma la mort de una na persona
ie straurdinera:
chëla de Gejù Crist.
Ciuldì iel pa mort?
Ce senificat à pa abù si mort?
Per cunëscer la resposta,
messons jì de reviers
al scumenciamënt dla storia dl’umanità.
La Bibia spiega
che Die ova crià Adàm perfet,
zënza picià.
Ël pudova maië i fruc de duc i lëns
che fova tl verzon de Eden,
mé de un nia.
Die ti ova dat l cumandamënt
nia rie da tenì ite:
ël ne daussova nia maië
di fruc de chël lën particuler,
davia che l reprejentova l dërt de Die
de dezider cie che ie bën
y cie che ie mel.
Nfin che Adàm ëssa ulgà a Iehova,
ëssel pudù viver
per for tl paravis sun la tiera.
Ma Adàm ne n’ova nia aprijà dut l bon
che Die ova fat per ël
y ne n’ova nia ulù ulghé a Die.
A chësta maniera ovel perdù
la puscibltà de viver per for.
Ma chësc ne n’ova nia abù cunseguënzes
mé per ël.
Duc si descendënc à arpà l picià
y muessa perchël murì.
Cun si forzes ne fossa la persones
nia states bones
de se delibré dal picià y dala mort.
Les ova de bujën de zachei
che les salvëssa.
Perchël ova Iehova, tres n miracul,
fat a na maniera
che un de si angiuli perfec
unissa sun la tiera sciche persona.
Gejù fova perfet,
zënza picëi, avisa sciche Adàm.
Ma a defrënza de Adàm
ova Gejù for ulgà a Die.
Per chësta rejon ovel pudù dé ca si vita
per la salvëza de trueps.
Ma co pudova pa la mort de una na persona
vester de benefize per duta l’umanità?
Purvon a se nmaginé
che n diretëur roba i scioldi
dla firma ulache l lëura.
Si cumpurtamënt
porta la firma a avëi de gran debic
y a messëi stlù.
I dependënc pierd l lëur
y ne po’ nia plu se paië la spëises.
Per la coruzion
de una na persona tan abreda,
muessa trueps patì.
Nmaginonse śën na persona de bon cuer
y dal muet
che se mëina picià de duta
ch’la persones che patësc.
Ël paia ju duc i debic
y gëura inò la firma.
Nce sce l à paià ju i debic gaujei mé
da una na persona,
nen à abù benefize sibe i lauranc
che si families.
Adàm ie sciche ch’l diretëur dejunest.
Canche ël se ova metù contra Die,
ovel agrumà l gran debit dl picià
y l ova dat inant a si descendënc.
Gejù ie sciche
ch’la persona de bon cuer.
Dajan ca si vita umana perfeta,
ovel paià ju l debit dl picià
y dat nsci a uniun de nëus
la puscibltà de viver per for.
Povester Ve damandëis:
Per unì sëura cie che dij la Bibia
sun chësc y d’autri argumënc,
vijitëde la plata jw.org.

Ciuldì ie pa Gejù mort?