JW subtitle extractor

But milliardura aba mule.
De sas varikon kasko meripe
kaver sas sar le manushengo,
voj sas o Jezush Kristush.
Sostar mulas o Jezush?
So kamelas kadale sa?
Te kamas vorba pe kado,
palpale trubul te zhas pe kodola
dyesa, so aba nachile.
Anda Biblia shaj zhanas kodo,
ke o Del bidoshaleske kerdas
le Adamos,
nas ande les bexeh.
Ando Edeno pe sako kasht shaj
xalas, feri pe jekh nashtig.
O Del chi mukhlas
te xal pa kodo.
Kado kodo sikadas,
ke feri o Del shaj phenel
so si chorro thaj lasho.
Po Adam lungo trajo zhukardo,
muj te patyando le Jehovaske.
O Adam chi najisindas o lasho
so das les o Del.
Na kodo kerdas
so manglas lestar.
Anda kado xasardas
o lungo trajo.
So kerdas vi pe kavreste
chorrimo andas.
Sakoneske perdal das o bezex,
anda kado trubul te meras.
Le manusha pendar nashtig
skepin kathar o bezex,
thaj kathar o merimo,
kade trubul varikon
kon zhutil lenge.
Anda kado,
o Jehova bishaldas peske
bidoshake shaves,
te kerdyol pe phuv.
Sar anglunes O Adam,
vi o Jezush bidoshako sas,
de o Jezush kodo kerdas
so o Del manglas.
Anda kado „pesko trajo
parudas anda butende.”
De sar shaj zhutil jekhesko
merimo le intregi manushenge?
Dikhas variso.
Sas jekh baro firmako direktori
kon chordas e firma.
Kade chorrajlas e firma,
thaj ande trubundas
te phandaven la.
Le manusha xasarde pengi butyi,
thaj chi zhanenas
te potyinen pengo kher.
Butzhenen dukha sas
ke jekh manush bipatyivalo sas.
De si jekh lasho manush,
kon avri potyinel o kamipe
thaj pale avri putrel e firma.
Kadalesa lasho kerel
le butyarenca
le chaladonca kon pala kado
majfeder shaj trajin.
O Adam
sar o bipatyivalo direktori,
but kamipe mukhlas
pe peske shavora,
ke kasavoj o bezex
sar o kamipe.
O Jezush kasavo si sar kado
lasho manush.
Kodolesa ke kothe das
pesko bidoshako trajo,
avri potyindas o bezex,
thaj kade shaj trajinas
lungo trajo.
Kames te zhanes:
So kerel o Jezush akana?
Thaj sar avla tuke mishto
so pala kado kerela?
Pe kadala pushalyimata del vorba
e Lashi vorba kathar o Del irka
4. kotor.
Le irka shaj les tele
po jw.org rig.
Le Jehovaske Chache Manusha
losshasa
sityon tusa e Biblia.
Te mangesa pe amaro rig,
jekh Jehovasko manush
opre rodel tut,
kana tuke lashoj,
thaj shaj sityon andar e Biblia.