JW subtitle extractor

Te nui o ngā tāngata
kua mate i te whenua.
Engari, he rerekē te matenga
o tētahi tangata
—arā, te matenga o Īhu Karaiti.
He aha te take i mate ia?
He aha te tikanga o tōna matenga?
Kia mōhio ki tēnā,
me hoki tātou
ki te tīmatanga o te tangata.
E kī ana te Paipera
i hangā e te Atua a Ārama
he pai, he hē-kore.
I wātea ia ki te kai
i ngā rākau katoa o Erene
—mahue ia tētahi.
Mārama te kōrero a te Atua
kia kaua e kai i taua rākau.
He tohu tēnei mō te mana o te Atua
kia kī he aha te pai,
he aha te kino.
Me i whakarongo a Ārama
ki a Ihowā, hei mua i a ia
te tūmanako o te ora tonu
ki te whenua pararaiha.
Engari, kāore a Ārama
i whakawhetai
i ngā painga katoa
i hōmai e te Atua ki a ia.
Kāore i whakarongo ki te Atua.
Ko te mutunga,
ka ngaro i a ia te tūmanako
o te ora tonu.
Engari, ehara ko ia anake i mate.
I tukua mai te hara
ki ōna uri katoa.
Kāore i taea e te tangata ake
te wete i te hara me te mate.
Mā tētahi atu rātou e whakaora.
Ko te take tēnei i tono a Ihowā
i tētahi o āna tama wairua hē-kore,
ki te whenua hei tangata.
Hē-kore tonu a Īhu
pērā i a Ārama.
Heoi, kāore a Īhu i rite ki a Ārama,
nō te mea i whakarongo ia ki te Atua.
Nō konei,
i taea ai “kia tuku i a ia kia mate,
hei whakautu mo ngā tāngata tokomaha.”
Engari, me pēhea e whiwhi
painga ai te katoa
i te matenga o tētahi?
Tēnā, whakaarohia te tāhae
a te rangatira
o tētahi wheketere nui
i ngā moni o te kamupene.
Nā āna mahi
ka pēkerapu te kamupene
ka kati.
Ka ngaro tō rātou mahi,
ā, tē taea te utu a rātou nama.
Nā te kino o taua tangata,
ka mamae te tokomaha.
Nā, pēhea ki te
aroha tētahi tangata atawhai
ki te hunga e mamae ana.
Nā te aroha,
ka utua e ia te nama
ka whakatūwhera anō
i te kamupene.
Nā te utunga i taua nama kotahi,
ka whiwhi oranga anō ngā kaimahi
me ngā whānau.
He rite a Ārama
ki taua rangatira kino.
I tāna mahi kino,
ka pā ki a ia te nama nui o te hara,
ka hōrapa ki āna tamariki.
He rite a Īhu ki te tangata atawhai,
nā te tuku i tōna tinana hē-kore
i utua e ia te nama o te hara.
Ka hōmai ki a tātou
te tūmanako o te ora tonu.
Kei te whakaaro pea koe:
‘I ora rānei a Īhu?
‘Ka ora rānei te tangata
e whakapono noa iho ana ki a Īhu?
Ko Īhu rānei te Atua?’
Kia ako anō i ngā kōrero o Te Paipera
mō tēnei kaupapa me ētahi atu,
haere ki jw.org.

He Aha te Take i Mate ai a Īhu?