JW subtitle extractor

Ttö̧ja̧ i̧sa̧ pi̧jä̧nä̧ ö̧ji̧no̧mȩttö̧ kä̧mä̧dö̧
recuätö ttö̧ja̧mä̧ ʼcorujuoʼächäʼijätö
Ja̧ʼhua̧nö̧ ja̧ʼa̧nä̧
Jesucristo ʼcorujuoächinömä
korotö ʼcorujuottächinöttöʼinä
i̧mi̧cu̧nä̧ ji̧na̧ʼa̧
¿Tta̧ʼa̧nö̧ päʼö ʼcorujuoächa päʼö ji̧na̧ʼa̧ttö̧?
ʼCorupäiʼomenämä, ¿ppädinaʼa ja̧ʼa̧di̧?
Jesúsru ʼcuäopinömä äcuomenä
ttö̧ja̧ i̧sa̧ jȩi̧nö̧cu̧ todehuaʼa
Dios I̧huȩnȩ Isäʼtänä jiähuaʼa
Dios äcuomenä ttö̧ja̧ i̧sa̧rö̧ amöcuädönäʼinä
idepänäʼinä surojö juiyönä
uhuäbeʼinäcu päʼö
Adánmä Edén pättanä dauhuiyänä
u̧huä̧ju̧ huȩjö̧mä̧ ucua päʼö ji̧na̧ʼa̧
Ja̧ʼhua̧nö̧ ja̧ʼa̧nä̧ yite dauttu adiuʼinä
surojöʼinä huo̧juä̧huä̧ dauttumä
ucua päʼömä jo̧ca̧ʼa̧ ji̧na̧ʼa̧
Pi daumä huenecuächinaʼa
Diostä jȩa̧ päʼö jö̧
Adánmä, Jeohua päö taʼanö jȩö̧ttö̧mä̧
pi̧jä̧ rȩjȩnä̧ a̧ʼcua̧cuo̧mȩ
ʼcuäopönätä ö̧jö̧ʼa̧nö̧ ji̧na̧ʼa̧
Ja̧ʼhua̧nö̧ ja̧ʼa̧nä̧ Dios adihuä juäi
iyinömä micuähuocaʼa jä̧ʼi̧nö̧ʼa̧nö̧tä̧ topinö
Diosrö jarodiʼö esetocö pi̧nö̧do
Ja̧ʼhua̧nö̧ ja̧ʼa̧ttö̧ ʼcuäopönätä
ö̧ja̧ päʼömä jo̧ca̧ʼa̧ ji̧na̧ʼa̧
Ja̧ʼhua̧nö̧ ja̧ʼa̧nä̧ chutä
katärötä surojocaʼa ji̧na̧ʼa̧
Oʼca toiʼönä ahuaruhuä oʼcotörö
surojöʼinä, huaʼareʼinä iyipinödo
Surojöttöʼinä, huaʼarettöʼinä ttamönä
jȩpö̧ ejädäcuäu tticua päʼömä juiyinaʼa
Recuä rö̧ji̧na̧ʼa̧ ya̧tȩ jahuätönä imitähua päʼö
Ja̧ʼhua̧nö̧ ja̧ʼa̧ttö̧ Jeohuamä
jȩpi̧nö̧ i̧tti̧mö̧ isoppa huotöttö
ya̧tȩ pi̧jä̧ rȩjȩnä̧ ttö̧ja̧ i̧sa̧
jö̧nä̧ uhuäpächa päʼö
Jesúsmä amöcuädönäʼinä,
idepänäʼinä surojö juiʼinö Adán ji̧nö̧ taʼanö
Jesúsmä Adán jȩi̧nö̧ʼa̧nö̧
jȩpo̧cö̧ pi̧nö̧, Diosrö esetö ki̧nö̧do
ʼcua̧rö̧ iyinödo “recuätö suronä jȩttö̧ttö̧
ejädö icu ucuojanä” imitähua päʼö
Ya̧tȩ ubotä ʼcorujuoächomenämä
¿tocu jö̧nä̧ ppädinaʼattö
oʼca toiʼönä ttö̧ja̧rö̧mä̧?
Amöcuädi ya̧tȩ empresa
chu̧huä̧rä̧cuä̧huä̧ i̧sa̧mä̧,
pärätä na̧u̧cu̧ empresa
rö̧ȩnä̧ imippotiʼönä jȩpö̧
Ja̧ʼhua̧nö̧ ja̧ʼa̧ttö̧ empresa mö̧ʼȩpö̧ icuätö
Pine aditäʼijätömä
ttaditähuä juiyönä ki̧ʼä̧tö̧
ttöäre pärätä ttȩma̧
päʼömä hueyecuaʼa
Pide ubo suronä jȩä̧ja̧ʼa̧ttö̧
recuätö usurä ȩmä̧huä̧tö̧
Ja̧ʼhua̧nö̧ ja̧ʼa̧nä̧, ya̧tȩ
ubo adihuä i̧sa̧mä̧
ttö̧ja̧ usurä ttȩmä̧hua̧ʼa̧
re rö̧jö̧nä̧ topö
Ja̧ʼhua̧nö̧ ja̧ʼa̧ttö̧ empresa imitocö ji̧nö̧ mitö
päʼäji taʼanö battepa päʼö
Ja̧ʼhua̧nö̧ jȩo̧mȩnä̧ pine aditinätöʼinä
ttahuaruhuäʼinä juiyo tteseunä jȩpö̧
Adánmä, Diosrö öarodiʼomenä
ja̧u̧ chu̧huä̧rä̧cuä̧huä̧
i̧sa̧ ji̧nö̧ taʼanö huinö
Suronä jȩpö̧ Diosrö mippotiʼinö
i̧tti̧mö̧ʼi̧nä̧ ttimippotiʼönä jȩpi̧nö̧
Jesúsmä, a̧ʼcua̧rö̧ iyähuomenä
ja̧u̧ ubo mitinö taʼanö hua̧
Diosrö timippotö mitinödo
ʼCuäopönä kä̧cuä̧huä̧ ttu̧ju̧nä̧rö̧ʼa̧nö̧
huotö pätiʼa päʼö jȩpi̧nö̧do
Ucuʼinä jäcuhuecuʼa̧nö̧ ja̧ʼa̧:
Jitä pä̧nä̧mä̧ Jesúsmä, ¿däje jȩa̧ʼa̧ttö̧?
¿Tta̧ʼa̧nö̧ ppädäcuaʼattö jȩä̧cuȩmä̧?
Huo̧jui̧cuä̧ 4nä
Adihuä Huȩnȩ Diosttö ichö jähuä
cuyäruʼtänä cu̧ʼo̧cui̧ʼä̧cua̧jä̧
isojä jw.orgnäʼinä räopaʼa
Testigo Jeohuamä ppätädöʼa̧nö̧ ja̧ʼa̧
Dios I̧huȩnȩ Isäʼtänä cu̧huo̧jui̧ʼa̧ päʼö
Töäre Internet isojänä huȩyu̧cui̧
Dios I̧huȩnȩ Isä’tä jähuä tu̧huo̧juȩta̧cu̧ pä’ö
¿Torö cu̧huo̧jui̧’a̧ päcuhua’attö?
¿Däje horanä cu̧huo̧jui̧’a̧ päcuhua’attö?
Isojänä jiʼähuitö.

¿Tta̧ʼa̧nö̧ päʼö ʼcorujuoächinaʼattö Jesúsmä?