JW subtitle extractor

Daspö chi da umans, stuvaina tuots murir.
Ma pro üna persuna
d’eira la mort extraordinari:
pro Gesu Crist.
Perche ha Gesu dat sia vita?
E pervi da che ha’l stuvü murir?
Per chattar oura quai,
stuvaina ir inavo al
cumanzamaint da l’umanità.
La Bibla declera,
cha Dieu ha creà il prüm uman –
Adam – perfet.
Da tuot ils bös-chs aint il
üert Eden pudaiva’l mangiar –
ma dad ün na!
Dieu ha dat ün simpel cumond,
da na mangiar da quist bös-ch.
Quel bös-ch rapreschainta il dret da Dieu
da decider che chi’d es dret
e che chi’d es fos.
Scha Adam vess tadlà sün Dieu,
vessa’l pudü viver per adüna –
in ün paradis sülla terra.
Adam però nun ha stimà tuot
quai cha Dieu ha fat per el.
El nu vulaiva tadlar sün Dieu.
Pervi da quai ha’l pers la vita eterna.
Ma el nu d’eira lunic chi ha
stuvü portar las consequenzas.
Tuot seis uffants han iertà il puchà.
Els fan fals e ston murir.
L’umanità nu’ns pudaiva
deliberar our dad aigna forza.
Ün salvader d’eira necessari.
Jehova ha fat ün miracul ed ha
tramiss ün anguel perfet sün terra;
Quel d’eira lura nat sco uman.
Gesu d’eira sainza fals e puchà –
precis uschè sco Adam.
Ma oter sco Adam
ha Gesu adüna tadlà sün Dieu.
Pervi da quai pudaiva’l dar sia vita sco
predsch da spendranza – per blers umans.
Co po la mort da be üna persuna
güdar a tuot l’umanità?
Ans mettaina avant:
Ün schef invoula ils raps
da la fabrica ch’el lavura.
Pervi dad el survegn la
fabrica debits e va in concuors.
Perquai cha üna persuna
nu pudaiva tschüffer avuonda,
ston patir blers.
I dà pero ün hom generus
chi ha cumpaschiun.
El paja tuot ils debits
e driva darcheu la fabrica.
El paja bainschi be ils debits
d’üna singula persuna,
ma blers profiteschan da quai –
tuots chi lavuran là, e lur famiglias.
Adam d’eira eir uschè sco
quel schef chi ha involà!
Cur ch’el s’ha miss cunter Dieu,
ha’l fat blers debits,
cha’l ha dat inavant a l’umanità.
Gesu es sco l’hom generus.
Cur ch’el ha dat nan sia vita perfetta,
ha’l tut sü tuot ils debits da l’umanità,
uschè cha nus pudain viver per adüna.
Ma che fa Gesu hoz?
Co pudaina profitar
da quai ch’el farà ill’avegnir?
Quista ed otras dumondas vegnan
respus illa lecziun 4 da la broschüra
Üna buna novità da Dieu.
Quella pudais s-chargar giò
in differentas linguas sün
www.jw.org.
Las Perdüttas da Jehova güdan gugent a
minchün a cugnuoscher meglder la Bibla.
Impli il formular online.
Üna Perdütta da Jehova as piglia gugent
temp per vossas dumondas sur da la Bibla –
cura ed ingio cha vus vulais.