JW subtitle extractor

Dapi ch’ei dat carstgauns
han milliardas stuiu murir.
Mo la mort dad ina persuna
ei stada speciala.
Quella da Jesus Christus.
Pertgei eis el morts?
Ha sia mort in senn?
Per anflar ora quei,
stuein nus ir anavos all’entschatta
dalla historia dils carstgauns.
La Bibla declara che Diu
ha scaffiu Adam perfetgs,
senza puccaus.
El astgava magliar ils fretgs
da tuttas plontas el paradis –
mo dad ina buca.
Diu ha dau ad el quei
sempel commondament
ch’el astgi buca magliar
da quella plonta particulara.
Quella simbolisescha il dretg da Diu
da decider tgei ch’ei bien ni schliet.
Sche Adam havess tedlau sin Jehova,
havess el saviu viver
en perpeten el paradis sin tiara.
Mo Adam ei buca staus engrazieivels
per tut il bien che Diu
haveva fatg per el.
El ha decidiu da buca obedir a Diu.
Aschia ha el piars la pusseivladad
da viver per adina.
Las consequenzas da quei
ha buca mo el stuiu purtar.
Tut quels ch’ein naschi suenter,
han artau il puccau e ston murir.
Ord atgna forza han ils carstgauns
buca saviu sedeliberar dalla mort.
Els han duvrau in spindrader.
E perquei ha Jehova fatg ina miracla
e tarmess in da ses aunghels
giu sin tiara.
Exact sco Adam
era Jesus in carstgaun
senza sbagls e puccaus.
Auter che Adam
ei Jesus denton staus obedeivels.
Perquei ha el saviu dar sia veta sco
prezzi da spindrament
per bia carstgauns.
Mo – co sa la mort d’in sulet
carstgaun spindrar
l’entira carstgaunadad?
Vulein s’imaginar.
Il directur d’ina fabrica engola
ils daners dalla fatschenta.
Aschia ruinescha el quella
e la fabrica sto serrar.
Ils luvrers piardan la lavur
e san buca co pagar ils quens.
Pervia d’in um enguord ston biars pitir.
Ei dat denton in generus e bien um
che ha cumpassiun culs luvrers.
El decida da pagar tut ils deivets
ed arva puspei la fabrica.
El paga bein il deivet
d’ina singula persuna,
biars profiteschan denton da quei.
Adam era sco quei directur corrupt.
Cu el ei semess encunter Diu,
ha el fatg bia deivets
e dau vinavon quels a nus.
Jesus ei sco igl um generus.
Cu el ha dau neu sia veta perfetga,
ha el pagau ils deivets d’Adam
ed aschia aviert per nus
la via alla veta perpetna.
Per intervegnir tgei che la Bibla
di sur da quei ni auters temas,
visitei la pagina d’internet jw.org.

Pertgei ei Jesus morts?