JW subtitle extractor

Durante la stòria,
milioni de persone le ze morte.
Ma la morte de una persona la se destaca
— la de Gesù Cristo.
Ma parché che lu l’è morto?
La so morte la gavea un ogetivo?
Par saver la risposta,
gavemo de tornar indrio
al scomìnsio dela stòria umana.
La Bìblia la spiega che Dio el ga creà
el primo omo Adon perfeto,
sensa pecato.
Adon el podea magnar
de tute le piante del giardin del Èden
— manco una.
La òrdine de Dio l’era sémplice:
Adon sol no’l podea magnar
de questa pianta.
Ela la rapresentea
el dirito de Dio de dessider
quel che l’era bon e quel che l’era mal.
Se Adon el continuasse a obedir a Geovà,
lu el podaria viver par sempre
nel Paradiso qua ntela Tera.
Ma Adon no l’è stà grato
par tute le robe bone
che Dio el ghe gavea dato.
El ga scoliesto desobedir a Dio.
Par quela, Adon el ga perso
la possibilità de viver par sempre.
Ma lu no l’è stà el ùnico
a sofrir le consequense.
Tuti i so dissendenti
i ga eredità el pecato.
I umani no i saria boni lori soli
de libertarse del pecato e dela morte.
Lori i gavea de bisogno
che qualchedun li risgatasse.
Par quela, Geovà el ga fato un miràcolo.
Lu el ga mandà del cielo
un dei so fioi spirituai perfeti
par nasser come umano qua ntela Tera.
Gesù l’era un omo perfeto,
compagno a Adon vanti de pecar.
Ma difarente de Adon,
Gesù l’è stà sempre obediente.
Cossita, Gesù el podea
“dar la so vita come risgate
in càmbio de tanti”.
Ma come che la morte de un sol omo
la pol benefissiar tuta la umanità?
Imagina che el diretor
de una grande indùstria
el ciavasse i soldi dela impresa.
Par via de questo,
la impresa la resta con tanti dèbiti
e la va a bancarota.
I funsionari i perde el laoro
e no i ze pi boni de pagar le so conte.
Tante persone le sofre
par via dela corussion de un sol omo.
Adesso imagina che un omo rico e bon
el ghe fà pecà ste persone
che le ze drio sofrir.
Lu el paga i dèbiti
e la impresa la torna a funsionar.
Cossita, sto omo el salva i funsionari
e le so fameie de una bruta situassion.
Adon l’è compagno el diretor disonesto.
Quando el ga desobedio a Dio,
lu el ne ga assà un grande dèbito:
el pecato che gavemo eredità de lu.
Gesù l’è compagno el omo bon.
Quando el ga dato
la so vita perfeta par noantri,
lu el ga pagà el nostro dèbito del pecato
e el ne ga dato nantra volta
la possibilità de viver par sempre.
Te pol catar le risposte
a queste e altre domande
nela lession 4 del libreto
Bone Notìssie de Dio par Ti!.
Te pol sbassarlo nel jw.org.
Par le Testimònie de Geovà
l’è un piaser studiar la Bìblia con ti.
Domanda un stùdio bìblico
par meso del site
e una Testimònia de Geovà
la te farà una vìsita
nela ora e nel posto che l’è meio par ti.

Parché che Gesù l’è morto?