JW subtitle extractor

Muü̃tchiema ya duẽʼẽgü tiyuetanü,
mucüma ya taunecü marü ngemaãcü niʼĩ.
Wüi yu rica aũri narümemaʼẽ.
Ngema yu rü Ngetchutchu ya Cristuarü niʼĩ.
Tüʼcüü̃ nayu ga Ngetchutchu?
Nangaü̃güü̃caʼ,
ngiã nüü̃ tacuaʼe na taʼacü ngupetüü̃
yeguma Tupana nanaügu ga duü̃ü̃.
Tupanaarü Ore nüniʼu na Adãũ name
rü nangearü pecaduã yeguma Tupana naügu.
Namũ ga nanetügü ga naane
ga Édeü̃wa na Adãũ nangõʼü̃caʼ.
Tupana nanamu na tama nanangõʼü̃
ga norü o ga wüi nanetü.
Yema nanetü rü:
Tupana rica niʼĩ nüü̃ iʼuü̃
na taʼacü niʼĩ meü̃ rü tchieü̃,
nhaü̃tchiga niʼĩ.
Guʼü̃gutchi nuã Naanewa namaʼü̃
ga Adãũ nawa i meẽtchiü̃ i naane
yeguma tchi Yeuwaga naʼinügu.
Tupana rü muũma tchire
ga meü̃gü Adãũcaʼ naü.
Notürü ga Adãũ rü tama moʼẽ
i Tupanana naʼãtchaü̃
rü tama naʼinütchaü̃.
Yemagagu Adãũ taugutama namaʼü̃.
Notürü tama nüma rica niʼĩ
nanayauãü̃ ga gutchaü̃gü.
Guanema ga Adãũwa ne ĩẽ
rü pecadugu tapocue.
Duü̃ü̃gü taucürüwa pecaduna
rü yuna nügü inapoü̃.
Teʼe tchi duü̃ü̃güü̃ rüngüʼẽẽ?
Yeuwa wüi meü̃ naü.
Nüma wüi nane i meü̃
numa ga Naanewa namuãü̃
rü duü̃ü̃ãcü numa nabu.
Ngetchutchu rü name
yeguma Adãũ tauta nagutchinügurüü̃.
Notürü Ngetchutchu rü Tupanaga naʼinü,
Adãũ na tama.
Ngetchutchu norü maʼü̃ naʼã
na muema ya duẽʼẽgüü̃ namaʼẽẽü̃caʼ.
Nhuãcü wüitama yatüarü yu
guü̃ma i duü̃ü̃güü̃ narüngüʼẽ?
Wüi cuaʼruü̃:
Wüi namaã cuaʼcü rü norü dĩẽruca nangĩ
ya taü̃ne taepataü̃ ngemaü̃ iüü̃ü̃.
Ngemagagu ngema taepataü̃
togüü̃ nanangetanü
rü düwa narüwãtaü̃.
Puracütanüü̃gü nangearü puracüã
rü taucürüwa nanaütanügü
i norü ngetanügüü̃.
Nhumana nagu rüʼinü
na wüi ya yatü ya muarü dĩẽruãcü
rü mecümacü tümamaã yaʼãũãʼtchi
ya duẽʼẽgü ya ioeẽgüe.
Nüma nanaütanü i nangetanügüü̃
ya yima taü̃ne taepataü̃
rü wenaarü niwãʼna.
Ngema naüü̃gagu ya yima yatü,
tüü̃ narüngüʼẽẽ ya puracütanüü̃gü
rü natanüʼü̃gü
yema noritchire gutchaü̃wa i ngemagüe.
Adãũ rü yima yatü ya ngĩtaacürüü̃ niʼĩ.
Yeguma tama Tupanaga naʼinügu,
nüma rü gutchaü̃gü taca inangugüẽ
erü norü pecadu tayaugü.
Ngetchutchu rü yima yatü
ya mecümacürüü̃ niʼĩ.
Nüma rü tüü̃ narüngüʼẽ
nayeecü i gutchaü̃gü
i pecadumaã ingugüü̃
yeguma nayugu na guʼü̃guma ta maʼẽü̃caʼ.
Taʼacü i nhuma inaüü̃ ya Ngetchutchu?
Rü nhuãcü ta wipeewa cuü̃ narüngüʼẽẽ?
Nguʼẽẽruü̃ 4wa niʼĩ nangemagüü̃
i norü ngaü̃gü
rü toomatchigüarü,
popera Deʼagü i Megüü̃!wa.
Inangaʼẽ jw.orgwa.
Formulário on-lineü̃ inaüãcüatü
na Tupanaarü Orecaʼ cunguʼü̃caʼ
rü Yeuwaarü Orearü Uruü̃ ta cuma nideʼa
ngora cunawaeü̃gu rü ngeta.

Tüꞌcüü̃ nayu ga Ngetchutchu?