JW subtitle extractor

Antapitrisany olo naty
rango nisiany tantaranolombelon̈o.
Fa ny ten̈a miavaka amy jiaby,
nifatesany Jesosy Kristy.
Nan̈ino ma izy naty?
Ino mahatsara nifatesany zen̈y?
Hamaliantsika fan̈ontanian̈a aby io,
atsika himpody ndraiky tamy
fanombohany tantaranolombelon̈o.
Baiboly mivolan̈a fa,
Zan̈ahary niasa Adama,
lelahy lavorary tsisy fahotan̈a.
Izy nahazo nihina voany kakazo jiaby
tamy zaridain̈y Edena tao,
izikoa tsy araiky fo.
Tsy sarotro aby didy nivolan̈iny
Zan̈ahary tamy Adama io.
Kakazo io man̈ambara ny zony Jehovah
han̈ano fitsipiky momba tsara ndreky ratsy.
Adama koa nan̈araka volan̈a Jehovah,
ôtrizay izy velon̈o tsisy farany tamy tany paradisa in̈y.
Fa Adama tsy nankasitraka raha tsara jiaby
nataony Zan̈ahary taminany zen̈y.
Adama kinia tsy nan̈araka volan̈a Zan̈ahary.
Akory niafarany?
Nanjary tsy afaka niain̈y tsisy farany eky izy,
kanefa tsy izy zaraiky fo fa olo hafa koa.
Taranakanany jiaby nandova fahotan̈a io taminany.
Izikoa olombelon̈o fo,
tsisy mahavita mankafaka atsika
amy fahotan̈a ndreky fahafatesan̈a io.
Mila olo man̈avotro atsika.
Zen̈y nahavy Jehovah nan̈ano fahagagan̈a,
ke nan̈ano raha nahavy araiky tamindro
zanany lavorary tandan̈itry tan̈y,
nanjary olombelon̈o tambony tany teto.
Jesosy izio, izy lavorary,
karaha Adama tamy voanalohany in̈y.
Fa raha tsy nampitovy iro fo,
Jesosy nan̈araka raha jiaby nivolan̈iny Jehovah.
Zen̈y nahavy izy nahavita nan̈amia ain̈inany,
hatao vidipan̈avotan̈a ho takalonolo maro.
Karakory fo ahavitanolo araiky,
han̈avotro taranakolombelon̈o jiaby?
Ohatra,
misy sefony lozìny araiky
mangalatra volany lozìny iasany.
Nanjary dobontrosa ndreky
nifody foeky lozìny io tamy farany.
Tsy maintsy najanon̈o piasa jiaby,
kanefa iro tsy nahazo karama foeky.
Olo araiky nan̈ano raha tsy nety,
ke olo jiaby nanjary nijaly.
Tio fo,
nisy lelahy tsara fan̈ahy sady tsy matity,
nahinakinaka nahita jalinolo aby io.
Ino raha nataony?
Nifainy trosa jiaby, baka io nivilomin̈y lozìny io.
Baka amy raha nataony zen̈y,
nanjary avotro iro piasa aby io
ndreky fianakavian̈andro.
Mira raha nataony sefo nangalatra in̈y
raha nataony Adama.
Izy koa fa tsy nan̈araka volan̈a Zan̈ahary,
tsy izy fo nanjary panota fa,
taranakanany koa.
Jesosy ndraiky mira lelahy tsara fan̈ahy tio in̈y.
Izy nan̈amia ain̈inany lavorary,
han̈avotan̈a atsika amy fahotan̈a,
ndreky hahavy atsika ho velon̈o tsisy farany!
Anao mety han̈ontany karaha ty:
Izikoa tianao hahay raha
koran̈iny Baiboly momba zen̈y,
na momba raha hafa koa,
midira amy jw.org.

Nan̈ino ma Jesosy Naty?