JW subtitle extractor

Soʼu juyakat 1536
püreesashi atumawaa William Tyndale
suluʼu tü castillo chakat Vilvoorde,
eere nu’utunüin aaʼin mapa.
Eʼitaanüsü wanee wunuʼu nüpüla
eeinjachire nu’utunüin aaʼin,
ejittaanüshi nia sünain süka kaleena,
aülünüshi nia
jee aʼajünüshi nia
suʼupala wainma wayuu.
¿Kasa naainjalaka William Tyndale?
Niʼrüin naatain tü ekirajünakat
suluʼu tü iküleesiakalüirua
suulia tü sümakat tü Bibliakat.
Niyaawata aaʼu waneepia
nünüikinya Maleiwa tü Bibliakat.
Nia William Tyndale chi palajachikai ashajüin
tü Bibliakat suluʼu inkülee
sünainjee griego otta hebreo.
Jemeishi Tyndale soʼunnaa
tü juyakat 1490 chaa Gloucestershire.
Chajachikai nia ekirajaain Oxford
süpüla sacerdoteinjachin nia.
Wanaapünaa sümaa tia,
ayoutunashaatasü süpüla süma’anayaa
sümüinjatüin wayuu tü Bibliakat.
Suluʼu tü iküleesiakat
aashajeʼennüsü tü Bibliakat
suluʼu latín,
nüküja nümüsüjaʼa shia
chi sacerdotekai suluʼu inkülee
nnojotpajaʼa shia sümaʼanain wayuu.
Nuchuntuin Tyndale nümüin
chi obispo chajachikai Londres
nuuʼulaaiwa nia nüshajüin Nuevo Testamento suluʼu inkülee sünainjee griego,
amülapejeʼe neʼe nünüiki,
ayoutunüsü nüpüleerua
naainjain tia chaa Inglaterra.
Ayoutünashaatasü maʼin süshajünüin
tü Bibliakat suluʼu inkülee.
Nüshajüin mapa Tyndale nnojoluin
süpüla naaʼinrüin tia chaa Inglaterra.
Akaalinjünüshi nia natuma waneinnua oikkaalii
wanaawakana aaʼin nümaa
süpüla nuʼunuinjachin
chaa Alemaniamüin.
Mapüleesat nümüin nüshajüin chamüin
suluʼu inkülee Nuevo Testamento.
Kettaasü tia nutuma süpüla
shiʼinprimiijünüin soʼu 1525.
Yaʼaya Londres suluʼu Biblioteca Britanica
süküjeerü wamüin Karen Limper-Herz
kasain alatüin mapa.
Tü jiʼrakat yaʼaya shia wanee
Nuevo Testamento nüshajalakat Tyndale.
Shia wanee süpüshi tü eʼinprimiijüshikat
chaa Colonia soʼu 1525.
Aʼyajüshi chi eʼinprimiijüshikai.
Nüküjakalaka nümüin wanee wayuu niʼinprimiijüin
Biblia suluʼu inkülee nümüin Tyndale.
Saapünaka tia sutuma pulusiia,
süsaʼijünaka eere shiʼinprimiijünüin.
Aʼluwataashi Tyndale namaa na nümaajanakana,
makalaka shiain apütaain tüü maaʼulu.
Noʼunakalaka shirokupünaa tü süchikat Rin
chamüin Worms.
Shiakalaka neʼinprimiijünüin
süpüshi Mateo,
kapüleesü maʼin tia naʼyataainkat.
Soʼu juyakat 1526
eʼinprimiijünüsü tü Nuevo Testamento
nüshajalakat Tyndale
suluʼu kottuin shia
chaa Worms, Alemania.
Eʼinprimiijünüsü maʼaka 3.000 Biblia.
Oʼunushi Tyndale chejee Alemaniajee,
nüntaka yaamüin Amberes, Bélgica.
Eʼinprimiijünüsü karaloʼuta yaʼaya
otta watta saalii anuwa antaka.
Anakalaka süpüla suluwataanüin
tü karaloʼutakat chamüin Inglaterramüin.
Guido Latré nia wanee ekirajüi,
niiʼiyateerü tamüin tü kaaye
eepünaajachire nülatüin Tyndale
maʼaka saaʼin 500 juya süchiiruajee.
Niʼrüin Tyndale süma’anayaa sümüin wayuu
tü Biblia ashajünakat suluʼu Holandés
jee nücheküin müin nakuwaʼipa
na wayuu chajanakana Inglaterra.
Eere wanee wayuu eekai
nuluwataweein Biblia ojuunaa
yaa palaamüin sünain Europa eesü
wanee süshaʼwajüle anuwa müleʼu maʼin.
Nnojotsü mapüleein ounjulawaa wanee
kasa eekai müleʼushaatain jee wainmain maʼin.
Müsüjeseʼe süntinnawalin süpanachein
tü Biblia nüshajakat Tyndale
suluʼumüin wanee paaʼu suupünaakat
mma maʼaka saaʼin tüü.
Ounjunnüsü tü süpanacheinkalüirua
saʼaka karaloʼuta eekai nnojoluin süpülajünüin.
Süntinnapa tü karaloʼutakat chamüin Londres,
eesü süpüla niyaawatüin wanee wayuu
jeʼtsüin tia karaloʼutakalüirua,
jee nümüin,
shiaitpainjaʼa tüü,
yaasü eera saʼaka tü süpanacheinkalüirua
tü Biblia nüshajakat Tyndale.
Wanaa sümaa outuin Tyndale
eejatü maʼaka 30.000 Biblia.
Wayuu anashi Tyndale,
kekiishi nia, yalayachi jee
keʼepüin maʼin.
Kapüleesü maʼin tü naaʼinrakat,
sotuinjatü tia waaʼin waneepia.
Püreesashi Tyndale yaʼaya
Vilvoorde, Bruselas.
Müliashi maʼin nia soʼu wanee juya.
Niyaawata aaʼu nuʼutuneechin aaʼu
soʼu palit kaʼi.
Kojutushi sümüin wayuu Tyndale süka
nüshajüin karaloʼuta suluʼu inkülee.
Nnojotpejeʼe naaʼinrüin tia shiiʼiree
niʼnnaajünüin maʼin süka nütüjain.
Kojutushaatasü maʼin tü Bibliakat
nümüin Tyndale.
Wanaawasü tü jülüjakat naaʼin
nümaa chi ashajüikai Salmo,
müsü nünüiki mayaa süchiki
tü nünüikikat Maleiwa:
«Kojutusü tamüin tü puluwataakalü anain».
Mayaapejeʼe süpülajünüin tü Bibliakat,
ayatayülia eein shia maaʼulu yaa
jee ayatüsia pansaain wamüin
tü ashajünakat suluʼu.
Shiajaʼaya wainmaka maʼin
na wayuu kojutukana amüin tü Bibliakat maaʼulu.

Kojutusü namüin tü Bibliakat (shiʼipa neʼe, nüchiki William Tyndale)