JW subtitle extractor

Kantu bo éra pikinoti,
talvês primeru algen ki bu ta ba pidiba ajuda éra bu pai ku bu mai.
Má gósi, talvês bu ta atxa ma bu pai ku bu mai ka ta ntende-u.
Má na fundu na fundu, ti inda bu krê pâpia ku es.
I sibu sta ta tenta má bu ta atxa ma es ka sta ta obi-u?
Bon, bu pode pâpia más altu.
Má grita ku es ka ta pô-s ku gana di obi-u
i ta mostra ma bu ka ta ruspeta-s.
Tanbê bu pode disidi ka pâpia ku es,
má na Provérbios 15:22,
Bíblia ta fla ma óras ki bu ka ta pâpia, kuzas ta fika más piór.
Nton fika kaladu, ka ta rezolve nada.
É midjór bu spéra óra sértu pa pâpia ku es.
Ô bu pode ti skrebe-s un karta i fla-s ku ruspetu kuzê ki bu sta xinti.
Má, i si prubléma sta na bo?
Sin, i si bu pai ku bu mai krê pâpia ku bo, má bo bu ka krê?
Talvês, é un dia ki bu pasa mal na skóla.
I si bu ka tene gana pâpia, ma algen insisti simé,
situason pode fika más piór.
Tudu algen ta fika nervozu i ningen ka ta ntende kunpanheru.
Má si bu nega pâpia, bu ta kontinua dizanimadu
i bu pai ku bu mai pode pensa ma prubléma é más grandi di kel ki el é,
ô pior, ma bu sta ta sukundi algun kuza.
Nton, é midjór bu kumesa pâpia ku es di alguns asuntu
ki bu ta xinti más avontádi ô di kuzas ki bu gosta.
Asi, kuzas pode midjora ô ti fika tudu rezolvidu.
Ka bu skese:
bu pai ku bu mai krê djuda-u i bu meste ses ajuda.
Nton, pensa dretu na kuzê ki bu ta fla-s,
mostra-s ruspetu,
i lenbra ma bu pai ku bu mai é bus amigu,
es é ka bus inimigu.
I bu pode ten sertéza ma bu ta ben meste ses ajuda
pa lida ku prublémas ki sta pa ben.

Modi ki N pode pâpia ku nha pai i ku nha mai?