JW subtitle extractor

I to oe nainairaa, e ani oe i te
a‘oraa na mua roa i to oe na metua.
I teie nei râ, e au ra aita to
oe na metua e taa ra ia oe.
Te hinaaro noâ ra oe
e paraparau ia raua.
Ia tamata râ oe, e au ra e
aita raua e tâu‘a ra ia oe!
E nehenehe oe e tuô,
eita râ to oe na metua e
hinaaro atu â e tâu‘a ia oe
e aita oe e faatura ra ia raua.
Nehenehe atoa oe e mamû.
Te parau nei râ te Maseli 15:22
e ino roa ’tu â te tupuraa ia
ore oe e paraparau atu.
Eita ïa te fifi e mo‘e ia
ore oe e paraparau atu.
Mea maitai a‘e ia
tiai i te taime tano.
Aore ra ia papai i te rata no te faaite
roa ’tu i to oe mana‘o ma te tura.
E ia taui te tupuraa?
E hinaaro to oe na metua
e paraparau, eita râ oe.
Peneia‘e ua fifihia oe
i te fare haapiiraa.
Papu, ia paraparau oe i
te taime eita oe e hinaaro,
e au ra e ua faahepohia te aparauraa.
E riri to muri iho e
e mau te aparauraa.
Ia patoi râ oe i te aparau atu,
tapao ïa tera e ua hepohepo oe.
E mana‘o to oe na metua
e e fifi rahi roa to oe
aore ra te huna ra oe
te tahi ohipa ia raua.
Mea maitai a‘e paha ia
haamata ma te aparau atu i nia
te hoê tumu parau oaoa
a‘e aore ra ta oe e au nei.
E iti mai ïa te hepohepo
aore ra e mo‘e roa ’tu.
Ei haapotoraa: e horoa to oe na metua
i te tauturu ta oe e hinaaro iho â.
A maiti maitai ïa i ta oe mau ta‘o,
a paraparau atu ma te tura e
a haamana‘o: e hoa to oe
na metua, e ere i te enemi.
Papu maitai e hinaaro oe
te mau hoa atoa e titauhia
no te faaruru i te mau fifi i mua.

E nafea ia aparau e to ’u na metua?