JW subtitle extractor

Joʼuuiwaʼaya pia otta
kasale alatüin pümüin
awataamaatüshi pia nanainmüin
na kachonniikana pia.
Eeshi nnojoluichipale pia jamajachin namüin
na kachonniikana pia saaʼin pümüin.
Nnojoishiajeʼe masouteein pia namüin,
shiajaʼa neʼe müin nnojotkai
jülüjain naaʼin pünüiki.
Eeshi puʼwoolojoweere namüin,
nnojotpejeʼe anain tia,
mojushijeerü shia namüin
na kachonniikana pia.
Eeshijaʼa manüireere pia noulia,
nnojoleerü anain paaʼin paaʼinrüle tia,
saashin Proverbios 15:22
mojuleejeeria pukuwaʼipa yüütüüle pia.
Nnojotsü anain koʼutüle neʼe pia,
püchajaa sukuwaʼipa süpüla
paashajaain namaa
soʼu anashiikalü oʼu shia.
Eesüjaʼa süpüla püshajüin
namüin wanee carta.
Püküja namüin jamüin paaʼin
otta kojuta naya pümüin.
Eeshijaʼa piale piakai nnojoikai
yooteein namaa na kachonniikana pia.
Eesü mojule pukuwaʼipa sünain koleejia.
Müleka nnojorüle waaʼin
sünain yootoo sümaa wayuu
kakulajiasü aaʼin tia.
Nnojotsü müinjatüin sukuwaʼipa mayaa.
Müleka yüütüle pia noulia,
eesüjaʼa süntüle nekiiruʼu
jamajüin pia atumawaa
jee eesü jülüjale naaʼin
puunjulajüin süchiki wanee kasa.
Nnojo shapaain paaʼin sünain yootoo namaa,
paashajaa namaa süchiki wanee
kasa kamalainkat pümüin.
Müle shia putuma, talateerü paaʼin sünain
yootoo namaa na kachonniikana pia.
Nakaaliinjeein pia na wayuu
kachonniikana pia,
aneerü pukuwaʼipa poonoole
sümaa nanüiki.
Jülüjaa paaʼin tü pünüikinjatkat namüin,
kojutaa naya pümüin
otta soto paaʼin nükaaliinjeein pia
püshi sümaa püi.
Jülüjale maʼin paaʼin tü nanüikikat
eejiraajeechi pia sümaa tü kapüleejeetkat
pümüin mapeena.

¿Jamüinjatü pünüiki paashajaapa sümaa pii otta püshi?